ഖ​ത്ത​റി​ന്റെ ആ​കാ​ശ​ത്ത് പ​ട്ടോ​ത്സ​വം

ദോ​ഹ: വാ​രാ​ന്ത്യ അ​വ​ധി​യു​ടെ ആ​ഘോ​ഷ​ത്തി​നെ​ത്തി​യ​വ​രെ സാ​ക്ഷി​നി​ർ​ത്തി ഖ​ത്ത​റി​ന്റെ ആ​കാ​ശ​ത്ത് പ​ട്ട​ങ്ങ​ളു​ടെ ഉ​ത്സ​വം. വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള 40ഓ​ളം പ​ട്ടം പ​റ​ത്ത​ൽ വി​ദ​ഗ്ധ​രാ​ണ് വ്യാ​ഴാ​ഴ്ച മ്യൂ​സി​യം ഓ​ഫ് ഇ​സ്‍ലാ​മി​ക് ആ​ർ​ട് (മി​യ) പ​രി​സ​ര​ത്ത് ആ​രം​ഭി​ച്ച കൈ​റ്റ് ഫെ​സ്റ്റി​വ​ലി​ൽ പ​​ങ്കെ​ടു​ക്കു​ന്ന​ത്. വെ​ള്ളി, ശ​നി ദി​വ​സ​ങ്ങ​ളി​ൽ തു​ട​രും.

ഫ്രാ​ൻ​സ്, ഇ​ന്തോ​നേ​ഷ്യ, ഇ​ന്ത്യ, ഇ​റ്റ​ലി, ജ​ർ​മ​നി, സ്വി​റ്റ്‌​സ​ർ​ല​ൻ​ഡ്, താ​യ്‌​ല​ൻ​ഡ്, തു​ർ​ക്കി, ബ്രി​ട്ട​ൻ, അ​മേ​രി​ക്ക തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്നു​ള്ള ടീ​മു​ക​ളാ​ണ് വി​വി​ധ വ​ർ​ണ​ങ്ങ​ളി​ലും രൂ​പ​ങ്ങ​ളി​ലു​മു​ള്ള പ​ട്ട​ങ്ങ​ളു​മാ​യെ​ത്തി​യ​ത്. 17ന് ​ഉ​ച്ച​ക​ഴി​ഞ്ഞ് ര​ണ്ടു മു​ത​ൽ രാ​ത്രി ഒ​മ്പ​ത് വ​രെ​യും, 18ന് ​രാ​വി​ലെ 11 മു​ത​ൽ രാ​ത്രി ഒ​മ്പ​തു​വ​രെ​യു​മാ​ണ് ​കൈ​റ്റ് ഫെ​സ്റ്റി​വ​ൽ.

കു​ട്ടി​ക​ൾ​ക്കാ​യി മ്യൂ​സി​യം ഓ​ഫ് ഇ​സ്‍ലാ​മി​ക് ആ​ർ​ട്ടി​ന്റെ പ്ര​വേ​ശ​ന ക​വാ​ട​ത്തോ​ട് ചേ​ർ​ന്ന് ഇ​ൻ​ഫ്‌​ളാ​റ്റ​ബി​ൾ ഗെ​യിം​സ് ഏ​രി​യ​യു​മു​ണ്ട്. കൂ​ടാ​തെ അ​ൽ റി​വാ​ഖ് ഗാ​ല​റി​ക്ക് മു​ൻ​വ​ശ​ത്താ​യും മി​യ പാ​ർ​ക്ക് കു​ന്നു​ക​ൾ​ക്കി​ട​യി​ലെ ന​ട​വ​ഴി​യി​ലു​മാ​യി ര​ണ്ട് പ​ട്ടം നി​ർ​മാ​ണ ശി​ൽ​പ​ശാ​ല​ക​ൾ സ​ജ്ജ​മാ​ണ്.