കിംസ്‌ ഖത്തറിന്റെ നേതൃത്വത്തിൽ രക്തദാന ക്യാമ്പ് സംഘടിപ്പിച്ചു; നൂറിലധികം പേർ പങ്കെടുത്തു

ദോഹ: ഖത്തറിലെ കോട്ടയം, ഇടുക്കി ജില്ലകളിലെ മഹല്ല് നിവാസികളുടെ കൂട്ടായ്മയായ കിംസ്‌ ഖത്തർ രക്ത ദാന ക്യാമ്പ്‌ സംഘടിപ്പിച്ചു. രാവിലെ എട്ടു മണി മുതൽ ഹമദ്‌ മെഡിക്കൽ കോർപറേഷനിലെ ബ്ലഡ്‌ ഡോണേഷൻ സെന്ററിൽ സംഘടിപ്പിച്ച ക്യാമ്പിൽ നൂറിലധികം ആളുകൾ രക്തവും പ്ലെയ്റ്റ്‌ലറ്റ്സും ദാനം ചെയ്തു. പങ്കെടുത്തവർക്കുള്ള സർട്ടിഫിക്കറ്റ്‌ വിതരണോദ്ഘാടനം ഐ.സി.ബി.എഫ്‌ പ്രസിഡണ്ട്‌ ഷാനവാസ്‌ ബാവ നിർവഹിച്ചു.

കിംസ്‌ പ്രസിഡണ്ട്‌ ഷമീർ വലിയവീട്ടിൽ, ജന. സെക്രട്ടറി സഹീർ അബ്ദുൽ കരീം, ഹബീബ്‌ മുഹമ്മദ്‌, സുഹൈൽ, ക്യാമ്പ്‌ കോ ഓഡിനേറ്റർമാരായ അബ്ദുൽ കരീം, സിയാദ്‌, താഹ വലിയവീട്ടിൽ, നജീബ്‌ സുധീർ, അഹ്മദ്‌ ഷാ, സാബിത്ത്‌, ബഷീർ, സുൽഫിക്കർ, അസ്‌ലം, അഹ്‌ലിന കരീം, അസ്‌ലം കരീം എന്നിവർ നേതൃത്വം നൽകി.