വൃക്ക-കരൾമാറ്റ ശസ്​ത്രക്രിയ: വൻ നേട്ടവുമായി എച്ച്​.എം.സി

ദോഹ: വൃക്ക-കരൾമാറ്റ ശസ്​ത്രക്രിയരംഗത്ത്​ ഹമദ്​ മെഡിക്കൽ കോർപറേഷന്​ (എച്ച്​.എം.സി) വൻനേട്ടം. ഈ മാസത്തിൽ 10 ദിവസത്തിനുള്ളിൽ ഇത്തരത്തിൽ ആകെ 12 അവയവമാറ്റ ശസ്​​ത്രക്രിയകളാണ്​ എച്ച്​​.എം.സിയിലെ വിദഗ്​ധസംഘം നടത്തിയിരിക്കുന്നത്​. 10​ വൃക്കമാറ്റ ശസ്​ത്രക്രിയകളിൽ ഏഴ്​ രോഗികളും ഖത്തരികളാണ്​. ഇതിൽ മൂന്നുപേർക്ക്​ അവരുടെ ബന്ധുക്കൾതന്നെയാണ്​ വൃക്കകൾ നൽകിയിരിക്കുന്നത്​. മസ്​തിഷ്​കമരണം സംഭവിച്ചവരിൽനിന്നാണ്​ രണ്ടുപേർക്ക്​ വൃക്ക നൽകിയിരിക്കുന്നത്​. കഴിഞ്ഞദിവസം ആരോഗ്യമന്ത്രി ഡോ. ഹനാൻ മുഹമ്മദ്​ അൽകുവാരി വൃക്കകൾ സ്വീകരിച്ചവരെ സന്ദർശിച്ചു. ശസ്​ത്രക്രിയസംഘത്തെ മന്ത്രി അഭിനന്ദിച്ചു. വൃക്കകൾ നൽകിയവർ ചെയ്​തത്​ ഏറെ പുണ്യകരമായ പ്രവൃത്തിയാണെന്നും മന്ത്രി പറഞ്ഞു.

ഖത്തറിൻെറ അവയവദാന-കൈമാറ്റ പദ്ധതി ഏറെ മാതൃകാപരമാണ്​. ഏകീകൃത രജിസ്​ട്രി രാജ്യത്തിനുണ്ട്​. 2012ലാണ്​ ഖത്തർ ഓർഗൻ ഡോണർ രജിസ്​ട്രി തുടങ്ങിയത്​. ഇതിലൂടെ എത്ര രോഗികൾ ശസ്​ത്രക്രിയ കാത്തുകഴിയുന്നുണ്ടെന്നും എത്രപേർ അവയവ കൈമാറ്റത്തിന്​ സന്നദ്ധരാണെന്നും അറിയാം. ഇവരുടെ പൂർണവിവിരങ്ങൾ ഡയറക്​ടറിയിലുണ്ട്​. പല രാജ്യങ്ങളും ഖത്തറിൻെറ മാതൃക പിൻപറ്റുകയാണെന്നും മന്ത്രി പറഞ്ഞു.

1986ലാണ്​ ഖത്തർ സെൻറർ ​ഫോർ ഓർഗൻ ട്രാൻസ്​പ്ലാ​േൻറഷൻ (ക്യൂ.സി.ഒ.ടി) ആരംഭിച്ചത്​. തുടക്കംമുതൽത​െന്ന കൂട്ടായ കഠിനപരിശ്രമത്തിലൂ​െട രോഗികൾക്കും ദാതാക്കൾക്കും ബന്ധുക്കൾക്കും മികച്ച പരിരക്ഷ നൽകാൻ സാധിക്കുന്നുണ്ടെന്ന്​ ഹമദ്​ ജനറൽ ആശുപത്രി മെഡിക്കൽ ഡയറക്​ടർ ഡോ. യൂസുഫ്​ അൽ മസ്​ലമാനി പറഞ്ഞു. ഏറ്റവും മികച്ച പരിശീലനം ലഭിച്ച അന്താരാഷ്​ട്രതലത്തിലുള്ളവരുടെയടക്കം മികച്ച ആരോഗ്യസംഘമാണ്​ പദ്ധതിക്ക്​ കീഴിൽ ഖത്തറിൽ പ്രവർത്തിക്കുന്നത്​. ഉന്നതഗുണനിലവാരമാണ്​ അവയവമാറ്റ ശസ്​​ത്രക്രിയകളിൽ അവലംബിക്കുന്നതെന്ന്​ എച്ച്​.എം.സി ചീഫ്​ മെഡിക്കൽ ഓഫിസർ ഡോ. അബ്​ദുല്ല അൽ അൻസാരി പറഞ്ഞു.

2012ലാണ്​ ഖത്തർ ഓർഗൻ ഡോണർ രജിസ്​ട്രി തുടങ്ങുന്നത്​. ഇതിനകം 4,40,000ത്തിൽ അധികം പേർ അവയവദാനത്തിന്​ സന്നദ്ധരായി ഇതിൽ രജിസ്​റ്റർ ചെയ്​തിട്ടുണ്ട്​. രാജ്യത്തെ വൻകിട സൗകര്യങ്ങളുടെ ഫലമായി അവയവദാനം, അവയവം മാറ്റിവെക്കൽ എന്നിവക്കായി വിദേശത്ത് പോകുന്നവരുടെ എണ്ണം 85 ശതമാനം കുറഞ്ഞിട്ടുണ്ടെന്ന്​ എച്ച്.എം.സിയുടെ കണക്കുകൾ പറയുന്നു. എച്ച്.എം.സിയുടെ അവയവദാന കേന്ദ്രവുമായി (ഹിബ) സിദ്റ മെഡിസിൻ സഹകരിച്ച് പ്രവർത്തിക്കുന്നുണ്ട്.

കോവിഡ്​ പ്രതിസന്ധിയിലും അവയവമാറ്റ ശസ്​ത്രക്രിയകൾ മുന്നോട്ട്​

കോവിഡ്​ പ്രതിസന്ധികൾക്കിടയിലും എല്ലാവിധ സുരക്ഷാമാനദണ്ഡങ്ങളും പാലിച്ച്​ മികച്ച സേവനമാണ്​ അവയവമാറ്റ ശസ്​ത്രക്രിയാരംഗത്ത്​ നൽകുന്നത്​. 2019ൽ 31 കിഡ്​നി മാറ്റിവെക്കൽ ശസ്​ത്രക്രിയകളും ഒമ്പത്​ കരൾമാറ്റ ശസ്​ത്രക്രിയകളും​ നടത്തി. രാജ്യത്തെ ജനസംഖ്യയും സാമൂഹിക–സാംസ്​കാരിക ഘടകങ്ങളും പരിഗണിക്കു​േമ്പാൾ ഇത്​ ഏറെ വിജയമാണ്​.

കോവിഡ്​ സാഹചര്യം വന്നതിനാൽ 2020 മാർച്ച്​ മുതൽ സെപ്​റ്റംബർ വരെ അവയവമാറ്റ ശസ്​ത്ര​ക്രിയകൾ നടത്തിയിരുന്നില്ല. എന്നാൽ, 2020 നവംബറിലും ഡിസംബറിലുമായി നാലു ശസ്​ത്രക്രിയകൾ നടത്തി. നിലവിൽ രാജ്യത്ത്​ കിഡ്​നി രോഗമുള്ള 1500 പേർ ഡയാലിസിസ്​ നടത്തുന്നവരാണ്​. ഇതിൽ 75 പേർ കിഡ്​നി മാറ്റി​െവക്കൽ ശസ്​ത്രക്രിയക്ക്​ വേണ്ടി കാത്തിരിക്കുന്നവരാണ്​. ഇവർ എല്ലാവരും ശസ്​ത്രക്രിയക്ക്​ മുന്നോടിയായുള്ള നടപടിക്രമങ്ങൾ പൂർത്തീകരിച്ചവരാണ്​.

കരൾമാറ്റ ശസ്​ത്രക്രിയക്ക്​ വേണ്ടി 10 പേരാണ്​ കാത്തിരിക്കുന്നത്​. എച്ച്.എം.സിക്ക് 30 വർഷത്തിൽ അധികമായി വൃക്കമാറ്റിവെക്കൽ ശസ്ത്രക്രിയാരംഗത്ത് പരിചയമുണ്ട്​. സിദ്റ മെഡിസിനുമായും സഹകരിച്ച് പ്രവർത്തിക്കുന്നുണ്ട്. കിഡ്നി ട്രാൻസ്പ്ലാൻറ് ബയോപ്സീസ്, ഡയഗ്​നോസ്​റ്റിക് റേഡിയോളജി, പാത്തോളജി, യൂറിനറി ട്രാക്റ്റ് റീ കൺസ്ട്രക്​ഷൻ, നെഫ്റക്ടമീസ് തുടങ്ങിയ വൃക്കമാറ്റിവെക്കൽ ശസ്ത്രക്രിയക്ക് വേണ്ട എല്ലാ സൗകര്യങ്ങളും സിദ്റ മെഡിസിനിൽ ലഭ്യമാണ്. ജീവിച്ചിരിക്കുന്നവരിൽനിന്നും അല്ലാത്തവരിൽനിന്നും അവയവം വേർപെടുത്താനും രോഗിയിൽ വെച്ചുപിടിപ്പിക്കാനുമുള്ള സൗകര്യവുമുണ്ട്.