നൊ​മ്പ​ര​മാ​യി ര​ണ്ട് കു​ടും​ബ ചി​ത്ര​ങ്ങ​ൾ

ദോ​ഹ: സ​ന്തോ​ഷ​ങ്ങ​ൾ നി​റ​ഞ്ഞ ജീ​വി​ത​ത്തി​ലേ​ക്ക് ഒ​രു​പാ​ട് സ്നേ​ഹ​മു​ഹൂ​ർ​ത്ത​ങ്ങ​ൾ നി​റ​ഞ്ഞ കു​ടും​ബ ചി​ത്ര​ങ്ങ​ൾ പ​ക​ർ​ത്തി​യൊ​രു യാ​ത്ര ശു​ഭ​ക​ര​മാ​യി അ​വ​സാ​നി​ക്കും മു​മ്പേ പൊ​ലി​ഞ്ഞു​പോ​യി. ഖ​ത്ത​റി​ൽ​നി​ന്നു​ള്ള യാ​ത്രാ​സം​ഘം കെ​നി​യ​യി​ൽ അ​പ​ക​ട​ത്തി​ൽ​പെ​ട്ട ദു​ര​ന്ത​വാ​ർ​ത്ത​യു​ടെ ഞെ​ട്ട​ലി​ൽ പ്ര​വാ​സി​ക​ളെ ഏ​റ്റ​വും നൊ​മ്പ​ര​പ്പെ​ടു​ത്തു​ന്ന​താ​ണ് അ​മ്മ​യും മ​ക​ളും ന​ഷ്ട​മാ​യ ര​ണ്ട് കു​ടും​ബ​ങ്ങ​ളു​ടെ വേ​ദ​നി​പ്പി​ക്കു​ന്ന ചി​ത്ര​ങ്ങ​ൾ. പാ​ല​ക്കാ​ട് കോ​ങ്ങാ​ട് മ​ണ്ണൂ​ർ പു​ത്ത​ൻ​പു​ര വീ​ട്ടി​ൽ റി​യ ആ​നും (41), മ​ക​ൾ ടൈ​റ​യും (എ​ട്ട്), മൂ​​വാ​​റ്റു​​പു​​ഴ സ്വ​ദേ​ശി​നി ജ​​സ്ന കു​റ്റി​ക്കാ​ട്ടു​ചാ​ലി​ലും (30), ഏ​ക മ​​ക​​ൾ ​റൂ​​ഹി മെ​​ഹ്റി​​നും (ഒ​​ന്ന​​ര വ​​യ​​സ്സ്). ര​ണ്ട് കു​ടും​ബ​ങ്ങ​ളു​ടെ​യും അ​വ​രു​ടെ അ​ടു​ത്ത ബ​ന്ധു​ക്ക​ളു​ടെ​യും സ്നേ​ഹ​നി​ധി​ക​ളാ​യ കു​ഞ്ഞു​മ​ക്ക​ളും അ​വ​രു​ടെ അ​മ്മ​മാ​രും യാ​ത്ര​യു​ടെ പാ​തി​വ​ഴി​യി​ൽ പൊ​ലി​ഞ്ഞു​പോ​യ​തി​ന്റെ സ​ങ്ക​ടം ആ​ർ​ക്കും പ​റ​ഞ്ഞു​തീ​രു​ന്നി​ല്ല.

കെ​നി​യ​യി​ലേ​ക്കു​ള്ള വി​നോ​ദ​യാ​ത്ര​ക്ക് നേ​തൃ​ത്വം ദോ​ഹ​യി​ലെ ട്രാ​വ​ൽ ഏ​ജ​ൻ​സി​യു​ടെ ജീ​വ​ന​ക്കാ​ര​ൻ ജോ​യ​ൽ കോ​ൺ​വെ ജോ​സ​ഫി​ന്റെ ഭാ​ര്യ​യാ​ണ് റി​യ ആ​ൻ. കോ​യ​മ്പ​ത്തൂ​ർ സ്വ​ദേ​ശി​യാ​യ ജോ​യ​ൽ, മ​ക​ൻ ട്രാ​വി​സ് നോ​യ​ൽ എ​ന്നി​വ​ർ​ക്കൊ​പ്പ​മാ​ണ് റി​യ ആ​നും മ​ക​ൾ എ​ട്ടു​വ​യ​സ്സു​കാ​രി ടൈ​റ​യും കെ​നി​യ​ൻ ട്രി​പ്പി​ന്റെ ഭാ​ഗ​മാ​യ​ത്. ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ ജീ​വ​ന​ക്കാ​രി​യാ​ണ് പാ​ല​ക്കാ​ട് സ്വ​ദേ​ശി​നി​യാ​ണി​വ​ർ. മ​ക​ൾ ടൈ​റ ദോ​ഹ​യി​ലെ ല​യോ​ള ഇ​ന്റ​ർ​നാ​ഷ​ണ​ൽ സ്കൂ​ളി​ലെ ര​ണ്ടാം ക്ലാ​സ് വി​ദ്യാ​ർ​ഥി​നി​യാ​ണ്. ബ​ലി​പെ​രു​ന്നാ​ൾ അ​വ​ധി​യോ​ട​നു​ബ​ന്ധി​ച്ച് ട്രാ​വ​ൽ ക​മ്പ​നി വി​വി​ധ രാ​ജ്യ​ങ്ങ​ളി​ലേ​ക്ക് യാ​ത്ര പ്ലാ​ൻ ചെ​യ്ത​പ്പോ​ൾ കെ​നി​യ​ൻ സം​ഘ​ത്തി​നൊ​പ്പ​മാ​യി​രു​ന്നു മാ​നേ​ജ​റാ​യ ജോ​യ​ലി​ന്റെ ഡ്യൂ​ട്ടി. യാ​ത്ര​യി​ൽ ഭാ​ര്യ​യെ​യും മ​ക്ക​ളെ​യും ഒ​പ്പം കൂ​ട്ടി സ​ന്തോ​ഷ​ത്തോ​ടെ​യു​ള്ള യാ​ത്ര​യാ​ണ് ദു​ര​ന്ത​ത്തി​ൽ അ​വ​സാ​നി​ച്ച​ത്. ജോ​യ​ലി​നും മൂ​ത്ത​മ​ക​ൻ ട്രാ​വി​സി​നും ചെ​റി​യ പ​രി​ക്കു​ക​ളാ​ണു​ള്ള​ത്. ഖ​ത്ത​റ​ൽ​ത​ന്നെ പ​ഠി​ച്ചു​വ​ള​ർ​ന്ന മു​ന്ന എ​ന്ന മു​ഹ​മ്മ​ദ് ഹ​നീ​ഫ, ഭാ​ര്യ ജ​സ്ന​ക്കും ഒ​ന്ന​ര​വ​യ​സ്സു​കാ​രി​യാ​യ മ​ക​ൾ റൂ​ഹി മെ​ഹ്റി​നു​മൊ​പ്പ​മാ​ണ് കെ​നി​യ​യി​ലേ​ക്ക് യാ​ത്ര​പോ​യ​ത്. ഖ​ത്ത​റി​ൽ വ​ലി​യ സൗ​ഹൃ​ദ വ​ല​യ​ത്തി​നു​ട​മ​കൂ​ടി​യാ​ണ് മു​ന്ന. ബ​ലി​പെ​രു​ന്നാ​ൾ ദി​ന​ത്തി​ൽ ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കും ആ​ശം​സ അ​റി​യി​ച്ച​ശേ​ഷ​മാ​യി​രു​ന്നു ഇ​രു​വ​രും കെ​നി​യ​യി​ലേ​ക്ക് പു​റ​പ്പെ​ട്ട​ത്. എ​ന്നാ​ൽ, തി​ങ്ക​ളാ​ഴ്ച രാ​ത്രി​യോ​ടെ​ത​ന്നെ ദോ​ഹ​യി​ലെ സു​ഹൃ​ത്തു​ക​ളും അ​ടു​ത്ത ബ​ന്ധു​ക്ക​ളി​ലേ​ക്കും അ​പ​ക​ട വാ​ർ​ത്ത​യെ​ത്തി​യി​രു​ന്നു. മു​ന്ന​യു​ടെ സ​ഹോ​ദ​രി​യും ഖ​ത്ത​ർ എ​ന​ർ​ജി​യി​ലെ ഉ​ദ്യോ​ഗ​സ്ഥ​യു​മാ​യ ഹെ​ബ​യാ​യി​രു​ന്നു ബ​ന്ധു​കൂ​ടി​യാ​യി ചാ​വ​ക്കാ​ട് പ്ര​വാ​സി അ​സോ​സി​യേ​ഷ​ൻ ഭാ​ര​വാ​ഹി ക​ബീ​ർ തെ​രു​വ​ത്തി​നെ വാ​ർ​ത്ത അ​റി​യി​ച്ച​ത്.

വൈ​കീ​ട്ടോ​ടെ ജ​സ്ന​യു​ടെ​യും കു​ഞ്ഞി​ന്റെ​യും മ​ര​ണ​വാ​ർ​ത്ത സ്ഥി​രീ​ക​രി​ക്കു​ക​യും ചെ​യ്തു. ഹെ​ബ​യും ഭ​ർ​ത്താ​വും ഉ​ട​ൻ കെ​നി​യ​യി​ൽ എ​ത്തി​ച്ചേ​ർ​ന്ന​ശേ​ഷ​മാ​യി​രു​ന്നു ഭാ​ര്യ​യു​ടെ മ​ര​ണ​വാ​ർ​ത്ത മു​ന്ന​യെ അ​റി​യി​ച്ച​ത്.

ഖ​ത്ത​റി​ൽ ഓ​ഡി​റ്റി​ങ് സ്ഥാ​പ​ന​ത്തി​ൽ അ​ക്കൗ​ണ്ട​ന്റാ​ണ് മു​ന്ന. സി.​എ​ക്കാ​രി​ര​യാ​യ ഭാ​ര്യ ജ​സ്ന​യും ജോ​ലി ചെ​യ്യു​ന്നു​ണ്ട്. വെ​ങ്കി​ട​ങ്ങ് തൊ​യ​ക്കാ​വ് മാ​ട​ക്കാ​യി​ല്‍ ഹ​നീ​ഫ​യാ​ണ് മു​ഹ​മ്മ​ദി​ന്റെ പി​താ​വ്. പേ​ഴ​യ്ക്കാ​പ്പി​ള്ളി പ​ള്ളി​പ്പ​ടി കു​റ്റി​ക്കാ​ട്ടു​ചാ​ലി​ൽ മ​ക്കാ​റി​ന്റെ​യും ലൈ​ല​യു​ടെ​യും മൂ​ന്നാ​മ​ത്തെ മ​ക​ളാ​ണ് ജ​സ്ന.