കീടബാധ: 21 ടൺ കാർഷിക ഉൽപന്നങ്ങൾ  നശിപ്പിച്ചു

ദോഹ: രാജ്യത്തേക്ക് ഇറക്കുമതി ചെയ്ത 21 ടൺ, കാർഷിക ഉൽപന്നങ്ങൾ മുനിസിപ്പാലിറ്റി പരിസ്​ഥിതി മന്ത്രാലയം പിടികൂടി നശിപ്പിച്ചു. ഇറക്കുമതി ചെയ്ത ചരക്കുകളിൽ കീടബാധ കണ്ടെത്തിയതിനെ തുടർന്നാണ് മന്ത്രാലയം നടപടി എടുത്തത്. കാർഷിക നിയമത്തിന് വിരുദ്ധമാണിതെന്ന് ചൂണ്ടിക്കാട്ടിയാണ് മന്ത്രാലയത്തി​െൻറ നടപടി. 151 തരം സാധനങ്ങളാണ് നശിപ്പിച്ചവയിൽ ഉൾപ്പെട്ടിരുന്നത്. കഴിഞ്ഞ മാസം 12 ടൺ ഭാരം വരുന്ന  ആറായിരത്തിലധികം സാധനങ്ങളാണ് മുനിസിപ്പാലിറ്റി പരിസ്​ഥിതി മന്ത്രാലയത്തിന് കീഴിലെ അഗ്രികൾച്ചറൽ ക്വാറണ്ടൈൻ ഓഫീസ്​ പരിശോധിച്ചത്. 

അതേസമയം, ഖത്തറിൽ നിന്നും കയറ്റുമതി ചെയ്ത 135 ടൺ ഭാരം വരുന്ന  വിവിധ പഴം പച്ചക്കറികൾ മന്ത്രാലയം പരിശോധനക്ക് വിധേയമാക്കുകയും  കയറ്റുമതി ചെയ്ത ചരക്കുകൾക്ക് ഫിറ്റോസാനിറ്ററി സർട്ടിഫിക്കറ്റ് നൽകുകയും ചെയ്തു. കാർഷിക മേഖലയെ കീടബാധയിൽ നിന്നും മുക്തമാക്കുന്നതിനും പ്രതിരോധിക്കുന്നതിനും അഗ്രികൾച്ചറൽ ക്വാറണ്ടൈൻ ഓഫീസ്​ ശക്തമായ നടപടികളാണ് എടുക്കുന്നത്.