കതാറയുടെ ഇൻസ്​റ്റ അക്കൗണ്ട്​ ഹാക്ക് ​ചെയ്​തു

ദോഹ: ഖത്തിലെ പ്രധാന വിനോദ സഞ്ചാര മേഖലയായ കതാറ കൾചറൽ വില്ലേജിൻെറ ഔദ്യോഗിക ഇൻസ്​റ്റഗ്രാം അക്കൗണ്ട്​ ഹാക്ക്​ ചെയ്യപ്പെട്ടു. വില്ലേജ്​ അധികൃതർതന്നെയാണ്​ മൂന്ന്​ ലക്ഷത്തിലേറെ ഫോളോവേഴ്​സുള്ള അക്കൗണ്ട്​ ഹാക്ക്​ ചെയ്യപ്പെട്ട വിവരം പുറത്തുവിട്ടത്​.

ഹാക്കർമാർ നിയന്ത്രണത്തിലാക്കിയ ഇൻസ്​റ്റഗ്രാം പേജ്​ വീണ്ടെടുക്കാനുള്ള ശ്രമം ആരംഭിച്ചതായും അധികൃതർ അറിയിച്ചു. ​തിങ്കളാഴ്​ച രാത്രി 11.45നു​ ശേഷമാണ്​ അക്കൗണ്ടിൻെറ നിയന്ത്രണം ഹാക്കർമാർ സ്വന്തമാക്കിയത്​. തങ്ങളുടെ പേജിൽനിന്നുള്ള അറിയിപ്പുകൾക്കും മറ്റും പ്രതികരിക്കരുതെന്നും ഇതുസംബന്ധിച്ച നഷ്​ടങ്ങൾക്ക്​ കൾചറൽ വില്ലേജ്​ അധികൃതർ ഉത്തരവാദികളായിരിക്കില്ലെന്നും കതാറ ട്വിറ്ററിലൂടെ അറിയിച്ചു.