ജോർഡന്റെ അത്ഭുതക്കുതിപ്പ്

ദോ​ഹ: ​ഫു​ട്​​ബാ​ൾ വി​ശ​ക​ല​ന വി​ദ​ഗ്​​ധ​ർ​ക്കും ആ​രാ​ധ​ക​ർ​ക്കും ഒ​രു പ​ഠ​ന​വി​ഷ​യ​മാ​ണ്​ ജോ​ർ​ഡ​ൻ ഫു​ട്​​ബാ​ൾ. ഏ​ഷ്യ​ൻ ക​പ്പി​ൽ ഫൈ​ന​ലി​സ്​​റ്റു​ക​ൾ ആ​​രാ​കു​മെ​ന്ന ചോ​ദ്യ​ത്തി​ന്​ ക​ഴി​ഞ്ഞ ദി​വ​സം രാ​ത്രി വ​രെ എ​വി​ടെ​യു​മി​ല്ലാ​യി​രു​ന്നു ജോ​ർ​ഡ​ൻ എ​ന്ന പേ​ര്. ദ​ക്ഷി​ണ കൊ​റി​യ, ജ​പ്പാ​ൻ, ആ​സ്​​ട്രേ​ലി​യ, ഇ​റാ​ഖ്, സൗ​ദി അ​റേ​ബ്യ... വ​മ്പ​ന്മാ​രു​ടെ പേ​രു​ക​ൾ മാ​ത്രം പ്ര​വ​ചി​ച്ചു​കേ​ട്ടി​ട​ത്തേ​ക്കാ​ണ്​ ​ചൊ​വ്വാ​ഴ്​​ച രാ​ത്രി വ​രെ നീ​ണ്ട മാ​സ്​​മ​രി​ക പ്ര​ക​ട​ന​വു​മാ​യി ജോ​ർ​ഡ​ൻ കു​തി​ച്ചെ​ത്തി​യ​ത്. ഫു​ട്​​ബാ​ൾ എ​ഴു​ത്തു​കാ​ർ മാ​ത്ര​മ​ല്ല, സ്വ​ന്തം നാ​ട്ടു​കാ​രാ​യ കാ​ണി​ക​ൾ​ക്കു​പോ​ലും അ​തി​ശ​യ​മാ​യി മാ​റി​യ കു​തി​പ്പി​നൊ​ടു​വി​ൽ ജോ​ർ​ഡ​ൻ ക​ലാ​ശ​പ്പോ​രാ​ട്ട​ത്തി​ന് ഇ​ടം​നേ​ടു​​​മ്പോ​ൾ അ​വ​രു​ടെ കി​രീ​ട​സ്വ​പ്​​ന​വും സ​ജീ​വ​മാ​ണ്.

ഗ്രൂ​പ്​ റൗ​ണ്ടി​ൽ മൂ​ന്നാം സ്​​ഥാ​ന​ക്കാ​രി​ൽ ഒ​രാ​ളാ​യാ​ണ്​ ജോ​ർ​ഡ​ൻ നോ​ക്കൗ​ട്ട്​ ക​ട​മ്പ ക​ട​ന്ന​ത്. ബ​ഹ്​​റൈ​നും ദ​ക്ഷി​ണ കൊ​റി​യ​ക്കും പി​ന്നി​ൽ മൂ​ന്നാം സ്​​ഥാ​ന​ക്കാ​രാ​യി അ​വ​ർ പ്രീ​ക്വാ​ർ​ട്ട​ർ പ്ര​വേ​ശ​നം നേ​ടു​​​മ്പോ​ൾ സ്വ​ന്തം നാ​ട്ടു​കാ​ർ​പോ​ലും അ​വ​രു​ടെ ഫൈ​ന​ൽ കു​തി​പ്പ്​ പ്ര​വ​ചി​ച്ചി​ല്ല. അ​തു​കൊ​ണ്ടു​ത​ന്നെ ഗ്രൂ​പ്പി​ലും നോ​ക്കൗ​ട്ടി​ലെ ആ​ദ്യ​ഘ​ട്ട​ങ്ങ​ളി​ലും ഗാ​ല​റി​ക​ളി​ൽ ഇ​ര​മ്പാ​ൻ ജോ​ർ​ഡ​നി​ൽ നി​ന്നു നാ​ട്ടു​കാ​രു​ടെ സാ​ന്നി​ധ്യ​വും കു​റ​വാ​യി​രു​ന്നു.

ആ​ദ്യ​മ​ത്സ​ര​ത്തി​ൽ മ​ലേ​ഷ്യ​യെ 4-0ത്തി​ന്​ തോ​ൽ​പി​ച്ച​വ​ർ, ര​ണ്ടാം അ​ങ്ക​ത്തി​ൽ ദ​ക്ഷി​ണ കൊ​റി​യ​യെ 2-2ന്​ ​സ​മ​നി​ല​യി​ൽ ത​ള​ച്ച​താ​യി​രു​ന്നു ശ്ര​ദ്ധേ​യ​മാ​യ നേ​ട്ടം. എ​ന്നാ​ൽ, മൂ​ന്നാം അ​ങ്ക​ത്തി​ൽ ബ​ഹ്​​റൈ​നോ​ട്​ 1-0ത്തി​ന്​ തോ​റ്റ​തോ​ടെ എ​ല്ലാ പ്ര​തീ​ക്ഷ​യും അ​ക​ന്നു. ഒ​ടു​വി​ൽ നാ​ലു​ പോ​യ​ൻ​റു​മാ​യി, മി​ക​ച്ച മൂ​ന്നാം സ്​​ഥാ​ന​ക്കാ​രി​ൽ ഒ​ന്നാ​യാ​ണ്​ പ്രീ​ക്വാ​ർ​ട്ട​റി​ൽ ഇ​ടം​നേ​ടു​ന്ന​ത്. 16 പേ​രു​ടെ അ​ങ്ക​ത്തി​ൽ ക​രു​ത്ത​രാ​യ ഇ​റാ​ഖി​നെ ഇ​ഞ്ചു​റി ടൈ​മി​ലെ അ​വ​സാ​ന മി​നി​റ്റി​ൽ പി​റ​ന്ന ര​ണ്ടു​ ഗോ​ളി​ന്റെ ത്രി​ല്ല​ർ പോ​രാ​ട്ട​ത്തി​ൽ അ​ട്ടി​മ​റി​ച്ച​തോ​ടെ ക​ളി കാ​ര്യ​മാ​യി.

ക്വാ​ർ​ട്ട​റി​ൽ അ​വ​ർ ത​ജി​കി​സ്​​താ​നെ അ​ഹ​മ്മ​ദ്​ ബി​ൻ അ​ലി സ്​​റ്റേ​ഡി​യ​ത്തി​ൽ നേ​ടു​​​മ്പോ​ൾ ഗാ​ല​റി​യി​ൽ കി​രീ​ടാ​വ​കാ​ശി ഹു​സൈ​ൻ ബി​ൻ അ​ബ്​​ദു​ല്ല​യും പ​ത്​​നി​യും എ​ത്തി ആ​വേ​ശം ന​ൽ​കി. ക്വാ​ർ​ട്ട​ർ​കൂ​ടി ക​ട​ന്ന്​ സെ​മി​യി​ലെ​ത്തി​യ​പ്പോ​ഴാ​ണ്​ ജോ​ർ​ഡ​നി​ൽ ഹു​സൈ​ൻ അ​മൂ​ത​യു​ടെ കു​ട്ടി​ക​ളു​ടെ യാ​ത്ര സം​ഭ​വ​ബ​ഹു​ല​മാ​യ​ത്. ഏ​ഷ്യ​ൻ ക​പ്പി​ന്റെ ച​രി​ത്ര​ത്തി​ൽ ക്വാ​ർ​ട്ട​ർ ഫൈ​ന​ലി​ന​പ്പു​റം കാ​ണാ​ത്ത​വ​ർ ച​രി​ത്രം​കു​റി​ച്ച്​ സെ​മി​യി​ലെ​ത്തി​യ​പ്പോ​ൾ അ​മ്മാ​നി​ൽ​നി​ന്നും മ​റ്റു​മാ​യി കാ​ണി​ക​ൾ ഒ​ഴു​കി​യെ​ത്തി.

ഗാ​ല​റി പി​ടി​ച്ച ജോ​ർ​ഡ​ൻ

ചൊ​വ്വാ​ഴ്​​ച ഉ​ച്ച ക​ഴി​ഞ്ഞ​പ്പോ​ൾ മു​ത​ൽ മെ​ട്രോ​ക​ളി​ൽ അ​ൽ​റ​യ്യാ​നി​ലേ​ക്കു​ള്ള ജോ​ർ​ഡ​ൻ​കാ​രു​ടെ സ​ഞ്ചാ​ര​മാ​യി​രു​ന്നു. സ്​​ത്രീ​ക​ളും പു​രു​ഷ​ന്മാ​രും വെ​ള്ള​ത്തു​ണി​യി​ൽ ചു​വ​പ്പു പു​ള്ളി​യോ​ടെ​യു​ള്ള ത​ല​പ്പാ​വാ​യ ‘ഷി​മാ​ഗ്​ ക​ഫി​യ്യ’​യും അ​ണി​ഞ്ഞ്​ ബാ​ൻ​ഡ്​ വാ​ദ്യം മു​ഴ​ക്കി സ്​​റ്റേ​ഡി​യ​ത്തി​ലേ​ക്കു​ള്ള യാ​ത്ര​യി​ൽ​ത​ന്നെ അ​വ​ർ ക​ളി​യെ നെ​ഞ്ചേ​റ്റി​യെ​ന്നു​റ​പ്പി​ച്ചി​രു​ന്നു. സൗ​ദി​ക്കാ​രും ഇ​മാ​റാ​ത്തി​ക​ളും ഇ​റാ​ഖി​ക​ളും പാ​തി​വ​ഴി​യി​ൽ വീ​ണ​പ്പോ​ൾ ഒ​ഴി​ഞ്ഞു​പോ​കു​മെ​ന്ന്​ ഭ​യ​പ്പെ​ട്ട ഗാ​ല​റി​ക​ൾ പൂ​ർ​വാ​ധി​കം ക​രു​ത്തോ​ടെ ആ​ര​വ​ങ്ങ​ളാ​ൽ നി​റ​ഞ്ഞു. 42,000ത്തോ​ളം വ​രു​ന്ന ആ​രാ​ധ​ക​ർ​ക്കും ന​ടു​വി​ലാ​യി​രു​ന്നു ക​രു​ത്ത​രാ​യ കൊ​റി​യ​​ക്കെ​തി​രാ​യ അ​ങ്ക​ത്തി​ന്​ വി​സി​ൽ മു​ഴ​ങ്ങി​യ​ത്. പ​ന്തു​രു​ണ്ടു​തു​ട​ങ്ങി ആ​ദ്യ​മി​നി​റ്റ്​ മു​ത​ൽ യ​സാ​ൻ അ​ൽ ന​യ്​​മ​തും മൂ​സ അ​ൽ ത​മാ​രി​യും ന​ട​ത്തി​യ ഓ​രോ മു​ന്നേ​റ്റ​ത്തി​നും ഗാ​ല​റി​യും നി​റ​ഞ്ഞ പി​ന്തു​ണ ന​ൽ​കി. ഇ​തി​നി​ട​യി​ൽ, പ​തി​നാ​യി​ര​ത്തി​ൽ താ​ഴെ മാ​ത്രം വ​രു​ന്ന ദ​ക്ഷി​ണ കൊ​റി​യ​ൻ ആ​രാ​ധ​ക​രു​ടെ ​ആ​ര​വ​ങ്ങ​ൾ അ​ലി​ഞ്ഞി​ല്ലാ​താ​വു​ന്ന​തും കാ​ഴ്​​ച​യാ​യി.

ര​ണ്ടാം പ​കു​തി​യി​ൽ ഇ​ര​ട്ട ഗോ​ള​ടി​ച്ച്​ ജോ​ർ​ഡ​ൻ വി​ജ​യം ഉ​റ​പ്പി​ച്ച്​ ക​ളി അ​വ​സാ​നി​ച്ച​തി​നു പി​ന്നാ​ലെ ആ​ഘോ​ഷം സൂ​ഖ്​ വാ​ഖി​ഫി​ലാ​യി. അ​ഹ​മ്മ​ദ്​ ബി​ൻ അ​ലി സ്​​റ്റേ​ഡി​യ​ത്തി​ൽ​നി​ന്നും കൂ​ട്ട​മാ​യി പി​രി​ഞ്ഞ ജോ​ർ​ഡ​ൻ ആ​രാ​ധ​ക​പ്പ​ട ആ​ര​വ​ങ്ങ​ളു​മാ​യി നി​റ​ഞ്ഞ രാ​ത്രി​യാ​യി സൂ​ഖ്​ വാ​ഖി​ഫ്.