ഈത്താത്ത് ഡോട്ട്കോം സെവൻസ് കലാശപ്പോരാട്ടം ഇന്ന്

ജിദ്ദ: ഒരു മാസമായി ജിദ്ദ ഖാലിദ് ബിൻ വലീദ് റിയൽ കേരള സ്റ്റേഡിയത്തിൽ ടീം ശറഫിയ സംഘടിപ്പിച്ചുവരുന്ന ഈത്താത്ത് ഡോട്ട്കോം സെവൻസ് ഫുട്ബാൾ ടൂർണമെന്റ് കലാശപോരാട്ടം വെള്ളിയാഴ്ച. രാത്രി 8.30ന് ജിദ്ദയിലെ പഴയകാല ഫുട്ബാൾ കളിക്കാരെ കോർത്തിണക്കി നടക്കുന്ന വെറ്ററൻസ് മത്സരത്തിൽ ഖാലിദ് ബിൻ വലീദ് എഫ്‌.സി, ഫ്രയ്‌ഡേ ഫ്രണ്ട്സുമായി ഏറ്റുമുട്ടും.

രാത്രി ഒമ്പതിന് ഫൈനൽ മത്സരത്തിൽ റോയൽ ട്രാവൽസ് എഫ്‌.സി, അൽറായി വാട്ടർ എഫ്‌.സിയുമായി ഏറ്റുമുട്ടും. മത്സരങ്ങളിൽ നാട്ടിലെ സെവൻസ് മൈതാനങ്ങളിൽ വിവിധ ക്ലബുകളിൽ ബൂട്ടണിഞ്ഞ പ്രഗല്ഭരും സന്തോഷ് ട്രോഫി താരങ്ങളും അണിനിരക്കും.

ടൂർണമെന്റിന്‍റെ മുഖ്യപ്രയോജകരായ ഈത്താത്ത് ഡോട്ട്കോം മാനേജിങ് പാർട്ണർമാരായ സുൽത്താൻ അസ്മരി, റഫീഖ് നെല്ലാങ്കണ്ടി, മൈപെറ്റ് ക്ലിനിക് മാനേജർ റിയാസ് ബാബു, റഹീം പ്രിന്റക്സ് തുടങ്ങിയവരും വിവിധ സംഘടന പ്രതിനിധികളും അതിഥികളായിരിക്കും. കാണികൾക്കായി മന്തി ജസീറ നൽകുന്ന ബംബർ സമ്മാനമായി സ്‌കൂട്ടിയും മറ്റ് നിരവധി സമ്മാനങ്ങളും സംഘാടകർ ഒരുക്കിയിട്ടുണ്ട്.