ഖ​ത്ത​ർ ഫ്രീ ​സോ​ണി​ലെ നി​ക്ഷേ​പം 500 കോ​ടി ക​വി​ഞ്ഞു

ദോ​ഹ: ഖ​ത്ത​ർ ഫ്രീ​സോ​ണി​ന് കീ​ഴി​ലെ വി​വി​ധ സാ​മ്പ​ത്തി​ക മേ​ഖ​ല​ക​ളി​ലെ നി​ക്ഷേ​പം 500 കോ​ടി റി​യാ​ൽ (500 കോ​ടി റി​യാ​ൽ) എ​ത്തി​യ​താ​യി സ​ഹ​മ​ന്ത്രി​യും ക്യു.​എ​ഫ്.​ഇ​സ​ഡ് (ഖ​ത്ത​ർ ഫ്രീ​സോ​ൺ അ​തോ​റി​റ്റി) ചെ​യ​ർ​മാ​നു​മാ​യ ഡോ. ​അ​ഹ്മ​ദ് ബി​ൻ മു​ഹ​മ്മ​ദ് അ​ൽ സെ​യ്ദ്. വി​വി​ധ മേ​ഖ​ല​ക​ളി​ൽ​നി​ന്നു​ള്ള അ​ഞ്ഞൂ​റോ​ളം ക​മ്പ​നി​ക​ളെ ഫ്രീ​സോ​ൺ ആ​ക​ർ​ഷി​ച്ച​താ​യും അ​ദ്ദേ​ഹം വ്യ​ക്ത​മാ​ക്കി. ഖ​ത്ത​രി സ്വ​കാ​ര്യ മേ​ഖ​ല​യു​മാ​യു​ള്ള സ​ഹ​ക​ര​ണം ശ​ക്ത​മാ​ക്കു​ന്ന​തി​നും നി​ക്ഷേ​പ​ക​രെ പ്രോ​ത്സാ​ഹി​പ്പി​ക്കു​ന്ന​തി​നും ഫ്രീ​സോ​ൺ അ​തോ​റി​റ്റി നി​ർ​ണാ​യ​ക പ​ങ്കു​വ​ഹി​ക്കു​ന്ന​താ​യി ഡോ. ​അ​ഹ്മ​ദ് ബി​ൻ മു​ഹ​മ്മ​ദ് അ​ൽ സെ​യ്ദ് പ​റ​ഞ്ഞു.

ഖ​ത്ത​ർ ഫ്രീ ​സോ​ൺ അ​തോ​റി​റ്റി സി.​ഇ.​ഒ ശൈ​ഖ് മു​ഹ​മ്മ​ദ് ബി​ൻ ഹ​മ​ദ് ബി​ൻ ഫൈ​സ​ൽ ആ​ൽ​ഥാ​നി​യു​ടെ സാ​ന്നി​ധ്യ​ത്തി​ൽ ഖ​ത്ത​ർ ചേം​ബ​ർ ഫ​സ്റ്റ് വൈ​സ് പ്ര​സി​ഡ​ന്‍റ്​ മു​ഹ​മ്മ​ദ് ബി​ൻ അ​ഹ്മ​ദ് ബി​ൻ ത​വാ​റു​മാ​യു​ള്ള കൂ​ടി​ക്കാ​ഴ്ച​ക്കി​ടെ​യാ​ണ് അ​ദ്ദേ​ഹം ഇ​ക്കാ​ര്യം വ്യ​ക്ത​മാ​ക്കി​യ​ത്. ഖ​ത്ത​ർ ഫ്രീ ​സോ​ൺ അ​തോ​റി​റ്റി, ഖ​ത്ത​ർ ചേം​ബ​ർ എ​ന്നി​വി​ട​ങ്ങ​ളി​ൽ നി​ന്നു​ള്ള ഉ​ന്ന​ത ഉ​ദ്യോ​ഗ​സ്ഥ​രും കൂ​ടി​ക്കാ​ഴ്ച​യി​ൽ പ​ങ്കെ​ടു​ത്തു.

ഫ്രീ ​സോ​ണു​ക​ളി​ലെ നി​ക്ഷേ​പ നേ​ട്ട​ങ്ങ​ളും ബി​സി​ന​സ് അ​വ​സ​ര​ങ്ങ​ളും വി​ല​യി​രു​ത്തു​ന്ന​തി​ന്‍റെ ഭാ​ഗ​മാ​യി ഇ​രു സം​ഘ​വും റാ​സ് ബു ​ഫു​ൻ​താ​സ് ഫ്രീ ​സോ​ണി​ലേ​ക്ക് ഫീ​ൽ​ഡ് ടൂ​റും സം​ഘ​ടി​പ്പി​ച്ചു. ദേ​ശീ​യ സ​മ്പ​ദ് വ്യ​വ​സ്ഥ​യെ പി​ന്തു​ണ​ക്കു​ന്ന​തി​ലും ഫ്രീ ​സോ​ണു​ക​ളി​ൽ ഖ​ത്ത​രി സ്വ​കാ​ര്യ മേ​ഖ​ല​യു​ടെ പ​ദ്ധ​തി​ക​ൾ സ്ഥാ​പി​ക്കു​ന്ന​തി​ലും ശ്ര​ദ്ധ​കേ​ന്ദ്രീ​ക​രി​ച്ച് കൊ​ണ്ട് ചേം​ബ​റും ഫ്രീ ​സോ​ൺ അ​തോ​റി​റ്റി​യും ത​മ്മി​ലു​ള്ള സ​ഹ​ക​ര​ണം ശ​ക്ത​മാ​ക്കു​ന്ന​തു​മാ​യി ബ​ന്ധ​പ്പെ​ട്ടും അ​വ​ർ ച​ർ​ച്ച ന​ട​ത്തി.

ഖ​ത്ത​രി സ്വ​കാ​ര്യ മേ​ഖ​ല രാ​ജ്യ​ത്തി​ന്‍റെ സാ​മ്പ​ത്തി​ക പ്ര​വ​ർ​ത്ത​ന​ങ്ങ​ളി​ൽ നി​ർ​ണാ​യ​ക പ​ങ്ക് വ​ഹി​ക്കു​ന്നു​ണ്ടെ​ന്നും, 2024-2030ലെ ​മൂ​ന്നാം ദേ​ശീ​യ വി​ക​സ​ന ത​ന്ത്ര​ത്തി​ലെ ല​ക്ഷ്യ​ങ്ങ​ളു​ടെ സാ​ക്ഷാ​ത്കാ​ര​ത്തി​ന് കാ​ര്യ​മാ​യ സം​ഭാ​വ​ന ന​ൽ​കു​മെ​ന്നും അ​ദ്ദേ​ഹം പ​റ​ഞ്ഞു. പ്രാ​ദേ​ശി​ക നി​ക്ഷേ​പ​ക​ർ​ക്ക് ഖ​ത്ത​ർ ഫ്രീ ​സോ​ൺ ന​ൽ​കു​ന്ന നേ​ട്ട​ങ്ങ​ളെ​യും സൗ​ക​ര്യ​ങ്ങ​ളെ​യും കു​റി​ച്ച് കൂ​ടു​ത​ല​റി​യാ​ൻ ഖ​ത്ത​റി​ലെ വ്യ​വ​സാ​യി​ക​ൾ ത​ൽ​പ​ര​രാ​ണെ​ന്ന് മു​ഹ​മ്മ​ദ് ബി​ൻ അ​ഹ്മ​ദ് ബി​ൻ ത​വാ​ർ അ​ൽ കു​വാ​രി പ​റ​ഞ്ഞു.

എ​മ​ർ​ജി​ങ് ടെ​ക്‌​നോ​ള​ജി, ലോ​ജി​സ്റ്റി​ക്‌​സ് ആ​ൻ​ഡ് ട്രേ​ഡി​ങ്, ഇ​ൻ​ഡ​സ്ട്രി​യ​ൽ ആ​ൻ​ഡ് ക​ൺ​സ്യൂ​മ​ർ, മാ​രി​ടൈം, എ​യ്‌​റോ​സ്‌​പേ​സ് ആ​ൻ​ഡ് ഡി​ഫ​ൻ​സ്, ഫു​ഡ് ആ​ൻ​ഡ് അ​ഗ്രി​ടെ​ക്, ബ​യോ​മെ​ഡി​ക്ക​ൽ സ​യ​ൻ​സ് തു​ട​ങ്ങി നി​ക്ഷേ​പ​ക ക​മ്പ​നി​ക​ൾ​ക്ക് മ​ത്സ​രാ​ധി​ഷ്ഠി​ത നേ​ട്ടം ന​ൽ​കു​ന്ന പ്ര​ധാ​ന ബി​സി​ന​സ് മേ​ഖ​ല​ക​ളി​ൽ നി​ക്ഷേ​പം ആ​ക​ർ​ഷി​ക്കു​ന്ന​തി​ലാ​ണ് ഖ​ത്ത​ർ ഫ്രീ ​സോ​ൺ അ​തോ​റി​റ്റി പ്ര​ധാ​ന​മാ​യും ശ്ര​ദ്ധ കേ​ന്ദ്രീ​ക​രി​ക്കു​ന്ന​ത്.