ഭക്ഷണമായി പ്രാണികൾ ഹലാലല്ല; നിരോധനം ആവർത്തിച്ച് ഖത്തർ ആരോഗ്യ മന്ത്രാലയം

ദോ​ഹ: ഭ​ക്ഷ്യ ഉ​ൽ​പാ​ദ​ന​ത്തി​ൽ പ്രാ​ണി​ക​ളു​ടെ ഉ​പ​യോ​ഗം അം​ഗീ​ക​രി​ക്കാ​നു​ള്ള ചി​ല രാ​ജ്യ​ങ്ങ​ളു​ടെ തീ​രു​മാ​ന​ങ്ങ​ൾ​ക്കി​ട​യി​ൽ പ്രാ​ണി​ക​ള​ട​ങ്ങി​യ ഭ​ക്ഷ്യ ഉ​ൽ​പ​ന്ന​ങ്ങ​ളു​ടെ നി​രോ​ധ​നം സ്​​ഥി​രീ​ക​രി​ച്ച് ഖ​ത്ത​ർ പൊ​തു​ജ​നാ​രോ​ഗ്യ മ​ന്ത്രാ​ല​യം. ഭ​ക്ഷ​ണ​ത്തി​ൽ പ്രാ​ണി​ക​ളു​ടെ ഉ​പ​യോ​ഗം ഖ​ത്ത​റി​ലെ ഹ​ലാ​ൽ മാ​ന​ദ​ണ്ഡ​ങ്ങ​ൾ​ക്ക് അ​നു​സൃ​ത​മ​ല്ലെ​ന്ന് ആ​രോ​ഗ്യ മ​ന്ത്രാ​ല​യം ചൂ​ണ്ടി​ക്കാ​ട്ടി.

പ്രാ​ണി​ക​ളു​ടെ ഉ​പ​ഭോ​ഗ​വും അ​വ​യി​ൽ നി​ന്ന് വേ​ർ​തി​രി​ച്ചെ​ടു​ക്കു​ന്ന പ്രോ​ട്ടീ​നും സ​പ്ലി​മെൻറു​ക​ളും നി​രോ​ധി​ച്ച് കൊ​ണ്ടു​ള്ള അ​ധി​കാ​രി​ക​ളു​ടെ മ​ത​പ​ര​മാ​യ അ​ഭി​പ്രാ​യ​ത്തി​നും ജി.​സി.​സി​യു​ടെ പ്ര​സ​ക്ത​മാ​യ ച​ട്ട​ങ്ങ​ൾ​ക്കും അ​നു​സൃ​ത​മാ​യാ​ണ് നി​രോ​ധ​ന​മെ​ന്നും ആ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി.

ഭ​ക്ഷ്യ ഉ​ൽ​പ​ന്ന​ങ്ങ​ളി​ൽ അ​ട​ങ്ങി​യി​രി​ക്കു​ന്ന പ്രോ​ട്ടീ​ന്റെ ഉ​റ​വി​ടം കൃ​ത്യ​മാ​യി നി​ർ​ണ​യി​ക്കു​ന്ന​തി​ന് മ​ന്ത്രാ​ല​യ​ത്തി​ന്റെ അം​ഗീ​കാ​ര​മു​ള്ള ല​ബോ​റ​ട്ട​റി​ക​ൾ വ​ഴി​യും അ​ന്താ​രാ​ഷ്ട്ര അം​ഗീ​കൃ​ത ല​ബോ​റ​ട്ട​റി​ക​ൾ വ​ഴി​യും പ​രി​ശോ​ധി​ച്ച് ഭ​ക്ഷ്യ ഉ​ൽ​പ​ന്ന​ങ്ങ​ൾ ഹ​ലാ​ൽ മാ​ന​ദ​ണ്ഡ​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്തു​ന്നു​ണ്ടെ​ന്നും മ​ന്ത്രാ​ല​യം അ​റി​യി​ച്ചു.