ഐ.എൻ.എസ്​ ത്രികാന്ത്​ എത്തി; ദോഹയിൽ ഇന്ത്യ-ഖത്തർ സൈനികാഭ്യാസം

ദോഹ: ഖത്തറിലെ കടലിലും കരയിലുമായി ഇനി അഞ്ചു ദിവസം ഇന്ത്യൻ നാവികസേനയുടെയും ഖത്തർ അമിരി ഫോഴ്​സി​െൻറയും അഭ്യാസപ്രകടനങ്ങൾ. ആഗസ്​റ്റ്​ 14 വരെ നീണ്ടുനിൽക്കുന്ന സംയുക്ത അഭ്യാസപ്രകടനങ്ങൾക്കായി ഇന്ത്യൻ നാവികസേനയുടെ അഭിമാനമായ മിസൈൽ വിക്ഷേപണ കപ്പൽ ഐ.എൻ.എസ്​ ത്രികാന്ത്​ ​തിങ്കളാഴ്​ച ദോഹയിലെത്തി. സാഇർ അൽ ബഹർ (കടലി​​െൻറ ഇരമ്പൽ) എന്ന പേരിൽ നടത്തുന്ന സംയുക്ത സൈനികാഭ്യാസത്തി​െൻറ രണ്ടാം ഭാഗത്തിനായാണ്​ ​ഇന്ത്യൻ സേനയും പടക്കപ്പലുമെത്തിയത്​.

സെറിമോണിയൽ ബാൻഡി​െൻറ അകമ്പടിയോടെ അമിരി നേവി പ്രതിനിധികൾ കപ്പലിനെ സ്വീകരിച്ചു. മൂന്നു ദിവസം കരയിലും രണ്ടു ദിവസം കടലിലുമായാണ്​ ഇരു നാവിക സേനയുടെയും പ്രകടനങ്ങൾ നടക്കുക. കപ്പൽ​ സന്ദർശനം, സൈനിക ഉദ്യോഗസ്​ഥരും വിദഗ്​ധരും പ​ങ്കെടുക്കുന്ന ചർച്ചകൾ, ഔദ്യോഗിക സന്ദർശനങ്ങൾ എന്നിവ ഉൾപ്പെടുന്നതാണ്​ തുറമുഖ പരിപാടി. സമ​ുദ്രോപരിതല ആക്രമണം, എയർ ഡയറക്​ഷൻ, വ്യോമപ്രതിരോധം, സമുദ്രനിരീക്ഷണം എന്നീ തന്ത്രപരമായ സൈനിക പ്രകടനങ്ങൾ ഉൾ​പ്പെടുന്നതാണ്​ കടലിലെ അഭ്യാസങ്ങൾ. ഖത്തര്‍ അമീരി നാവികക്കപ്പലുകള്‍, അമീരി സൈനികവിമാനങ്ങള്‍ തുടങ്ങിയവ ഇതില്‍ പങ്കാളികളാവും.

ക്യാപ്റ്റന്‍ ഹരീഷ് ബഹുഗുണയുടെ നേതൃത്വത്തിലുള്ള ഐ.എന്‍.എസ്​ ത്രികാന്ത്​ ഇന്ത്യന്‍ നേവിയുടെ പ്രധാന യുദ്ധക്കപ്പലുകളിലൊന്നാണ്. മുംബൈ ആസ്ഥാനമായി പ്രവര്‍ത്തിക്കുന്ന പടിഞ്ഞാറന്‍ കപ്പല്‍പ്പടയുടെ ഭാഗമാണ് ഈ ​മിസൈൽ വാഹക കപ്പൽ.

അമിരി നേവൽ ഫോഴ്​സി​െൻറ മിസൈൽ വേധ സംവിധാനങ്ങളുള്ള ബർസാൻ ക്ലാസ്​ ഫാസ്​റ്റ്​ അറ്റാക്ക്​ ക്രാഫ്​റ്റ്​, ദംസാ ക്ലാസ്​ ഫാസ്​റ്റ്​ അറ്റാക്ക്​ ക്രാഫ്​റ്റ്​, ​റഫാൽ യുദ്ധ​വിമാനങ്ങൾ എന്നിവ പങ്കാളികളാവും. ഇരുരാജ്യങ്ങൾക്കുമിടയിലെ പ്രതിരോധ മേഖലകളിലെ സഹകരണം ശക്തമാക്കുന്നതി​െൻറ ഭാഗമായാണ്​ സൈനികാഭ്യാസം.