സൈക്കിളിലെ റോക്കറ്റിൽ തുടങ്ങിയ ഇന്ത്യൻ ബഹിരാകാശ കുതിപ്പ്; ചന്ദ്രയാൻ വിജയം കാണാൻ അച്ഛനുണ്ടായിരുന്നെങ്കിൽ...

ദോ​ഹ: ഇ​ന്ത്യ​യു​ടെ ഓ​രോ ബ​ഹി​രാ​കാ​ശ ദൗ​ത്യ​വും വി​ജ​യ​ത്തി​ലെ​ത്തു​മ്പോ​ൾ സ​മൂ​ഹ​മാ​ധ്യ​മ​ങ്ങ​ളി​ൽ നി​റ​യു​ന്നൊ​രു ബ്ലാ​ക്ക് ആ​ൻ​ഡ് വൈ​റ്റ് ദൃ​ശ്യ​മു​ണ്ട്; 1963 ന​വം​ബ​റി​ൽ തി​രു​വ​ന​ന്ത​പു​രം തു​മ്പ​യി​ലെ റോ​ക്ക​റ്റ് വി​ക്ഷേ​പ​ണ കേ​ന്ദ്ര​ത്തി​ലേ​ക്ക് റോ​ക്ക​റ്റി​ന്റെ നോ​സ് കോ​ൺ സൈ​ക്കി​ളി​ൽ​വെ​ച്ച് നീ​ങ്ങു​ന്ന ര​ണ്ടു​പേ​ർ. ച​ന്ദ്ര​ന്റെ ദ​ക്ഷി​ണ ധ്രു​വ​ത്തി​ൽ ഇ​ന്ത്യ​ൻ സ്പ​ർ​ശ​മാ​യി ച​ന്ദ്ര​യാ​ൻ-3 പ​തി​യെ ഇ​റ​ങ്ങി​യ​പ്പോ​ഴും, ആ ​ചി​ത്ര​ങ്ങ​ൾ പ​ല​രും പ​ങ്കു​വെ​ച്ചു. കാ​രി​യ​റി​ൽ റോ​ക്ക​റ്റ് നോ​സ് കോ​ൺ സ്ഥാ​പി​ച്ച സൈ​ക്കി​ൾ ത​ള്ളി​നീ​ക്കു​ന്ന വേ​ല​പ്പ​ൻ നാ​യ​രും റോ​ക്ക​റ്റ് എ​ൻ​ജി​നീ​യ​ർ സി.​ആ​ർ. സ​ത്യ​യു​മാ​ണ​വ​ർ. ഇ​ന്ന്, ച​ന്ദ്ര​യാ​ൻ-3 ശാ​സ്ത്ര​ലോ​ക​ത്തെ​ത​ന്നെ അ​തി​ശ​യി​പ്പി​ച്ച​പ്പോ​ൾ ഈ ​കാ​ഴ്ച കാ​ണാ​ൻ 60 വ​ർ​ഷം മു​മ്പ് സൈ​ക്കി​ളി​ൽ സ്വ​പ്ന​ങ്ങ​ളെ ത​ള്ളി​ന​ട​ത്തി​യ​വ​രു​ണ്ടാ​യി​രു​ന്നെ​ങ്കി​ലെ​ന്ന് ആ​ഗ്ര​ഹി​ക്കു​ക​യാ​ണ് ഖ​ത്ത​റി​ൽ​നി​ന്നൊ​രാ​ൾ; എ​ൻ​ജി​നീ​യ​ർ അ​സി​സ്റ്റ​ന്റാ​യി​രു​ന്ന വേ​ല​പ്പ​ൻ നാ​യ​രു​ടെ മ​ക​ൻ ച​ന്ദ്ര​ശേ​ഖ​ർ.

ഖ​ത്ത​ർ പൊ​ലീ​സ് അ​ക്കാ​ദ​മി​യി​ൽ പ​ബ്ലി​ക് റി​ലേ​ഷ​ൻ വ​കു​പ്പ് ഉ​ദ്യോ​ഗ​സ്ഥ​നാ​യ ച​ന്ദ്ര​ശേ​ഖ​റി​ന്റെ ഓ​ർ​മ​യി​ൽ ചെ​റു​പ്പം മു​ത​ൽ ത​ന്നെ​യു​ണ്ട് ഈ ​ചി​ത്ര​ങ്ങ​ൾ. അ​ന്ന് സ്കൂ​ൾ വി​ദ്യാ​ർ​ഥി​യാ​യി​രി​ക്കെ, ഐ.​എ​സ്.​ആ​ർ.​ഒ​യി​ൽ പ്ര​ദ​ർ​ശ​ന​ങ്ങ​ൾ​ക്കു പോ​കു​മ്പോ​ൾ ഈ ​ചി​ത്രം ചൂ​ണ്ടി​ക്കാ​ട്ടി സൈ​ക്കി​ളു​മാ​യി ന​ട​ന്നു​നീ​ങ്ങു​ന്ന മ​നു​ഷ്യ​ൻ ഞാ​നാ​യി​രു​ന്നു​വെ​ന്ന് അ​ച്ഛ​ൻ പ​റ​യു​മാ​യി​രു​ന്നു. ഇ​ന്ത്യ​ൻ ബ​ഹി​രാ​കാ​ശ ഗ​വേ​ഷ​ണ​ത്തെ പ​രി​ച​യ​പ്പെ​ടു​ത്തു​ന്ന പ്ര​ദ​ർ​ശ​ന​ങ്ങ​ളി​ലെ​ല്ലാം ഈ ​ചി​ത്രം കാ​ണു​മ്പോ​ൾ അ​ച്ഛ​ൻ പ​റ​യു​ന്ന​ത് ച​ന്ദ്ര​ശേ​ഖ​റി​ന്റെ മ​ന​സ്സി​ലെ​ത്തും. അ​ന്ന് അ​തൊ​ന്നും വ​ലി​യ വി​ശേ​ഷ​മാ​യി തോ​ന്നി​യി​രു​ന്നി​ല്ല. പി​ന്നീ​ട് സ​മൂ​ഹ​മാ​ധ്യ​മ​ങ്ങ​ൾ സ​ജീ​വ​മാ​യ കാ​ല​ത്ത് ഈ ​ചി​ത്ര​ങ്ങ​ൾ വ​ലി​യ തോ​തി​ൽ ശ്ര​ദ്ധേ​യ​മാ​യി. ആ ​ചി​ത്ര​ത്തി​ലെ മ​നു​ഷ്യ​ൻ അ​ച്ഛ​നാ​ണെ​ന്ന് പ​റ​യാ​ൻ അ​ഭി​മാ​നം.

​തു​മ്പ​യി​ലെ റോ​ക്ക​റ്റ് വി​ക്ഷേ​പ​ണ​ത്ത​റ​യി​ലേ​ക്ക് റോ​ക്ക​റ്റ് നോ​സ് കോ​ണു​മാ​യു​ള്ള ഈ ​സൈ​ക്കി​ൾ യാ​ത്ര ഫ്ര​ഞ്ച് ഫോ​ട്ടോ​ഗ്രാ​ഫ​റാ​യ ഹെ​ന്റി കാ​ർ​ട്ടി​യ​ർ ബ്രെ​സ​ണാ​ണ് പ​ക​ർ​ത്തി​യ​ത്. അ​ന്ന് അ​പൂ​ർ​വ​മാ​യി മാ​ത്രം പു​റ​ത്തു​വ​ന്ന​താ​ണ് ഈ ​ചി​ത്രം. ഇ​ന്ത്യ​യു​ടെ ആ​ദ്യ റോ​ക്ക​റ്റ് വി​ക്ഷേ​പ​ണ​ത്തി​നാ​യി ര​ണ്ടു കി​ലോ​മീ​റ്റ​ർ ദൂ​ര​മാ​യി​രു​ന്നു അ​ന്ന് റോ​ക്ക​റ്റ് നോ​സ് കോ​ൺ സൈ​ക്കി​ളി​ൽ കൊ​ണ്ടു​പോ​യ​ത്. കൊ​ച്ചി​ൻ നേ​വ​ൽ ബേ​സി​ൽ മെ​ക്കാ​നി​ക്ക​ൽ ഇ​ൻ​സ്ട്ര​ക്ട​ർ ആ​യി​രു​ന്ന വേ​ല​പ്പ​ൻ നാ​യ​രെ മു​ൻ രാ​ഷ്ട്ര​പ​തി എ.​പി.​ജെ. അ​ബ്ദു​ൽ ക​ലാം നേ​രി​ട്ട് അ​ഭി​മു​ഖം ന​ട​ത്തി​യാ​ണ് ഐ.​എ​സ്.​ആ​ർ.​ഒ​യി​ൽ നി​യ​മി​ച്ച​ത്. ശ്രീ​ഹ​രി​ക്കോ​ട്ട​യി​ൽ എ​സ്.​എ​ൽ.​വി മൂ​ന്നി​ന്റെ ലോ​ഞ്ചി​ങ്ങി​ലും അ​ദ്ദേ​ഹം ഉ​ണ്ടാ​യി​രു​ന്നു. 1992ൽ ​സ​യ​ന്റി​സ്റ്റ് എ​ൻ​ജി​നീ​യ​ർ എ​സ്.​ഡി​യാ​യി ഐ.​എ​സ്.​ആ​ർ.​ഒ​യി​ൽ​നി​ന്ന് വി​ര​മി​ച്ച വേ​ല​പ്പ​ൻ നാ​യ​ർ, 2020ൽ 88ാം ​വ​യ​സ്സി​ൽ മ​രി​ച്ചു.

ഇ​ന്ത്യ​യു​ടെ ഓ​രോ ബ​ഹി​രാ​കാ​ശ​ദൗ​ത്യ വാ​ർ​ത്ത​യും അ​ച്ഛ​ന് ഏ​റെ സ​ന്തോ​ഷ​വും അ​ഭി​മാ​ന​വും ന​ൽ​കു​ന്ന​താ​യി​രു​ന്നു. 2019ൽ ​ച​ന്ദ്ര​യാ​ൻ-2 അ​വ​സാ​ന ഘ​ട്ട​ത്തി​ൽ പ​രാ​ജ​യ​പ്പെ​ട്ട​പ്പോ​ൾ അ​ച്ഛ​ൻ ഏ​റെ ​ദുഃ​ഖി​ച്ചു. ഇ​ന്ന് ച​ന്ദ്ര​യാ​ൻ-3 വി​ജ​യ​ക​ര​മാ​യി ച​ന്ദ്ര​നി​ൽ ഇ​റ​ങ്ങി​യ​പ്പോ​ൾ ജീ​വി​ച്ചി​രി​പ്പു​ണ്ടെ​ങ്കി​ൽ ഏ​റെ സ​ന്തോ​ഷി​ക്കു​ന്ന​ത് അ​ച്ഛ​നാ​കു​മാ​യി​രു​ന്നു​വെ​ന്ന് ച​ന്ദ്ര​ശേ​ഖ​ർ പ​റ​യു​ന്നു.

ഇ​ന്ത്യ​ൻ ബ​ഹി​രാ​കാ​ശ ഗ​വേ​ഷ​ണ​ത്തി​ലെ മാ​ർ​ഗ​ദ​ർ​ശി​ക​ളാ​യ വി​ക്രം സാ​രാ​ഭാ​യ്, എ.​പി.​ജെ. അ​ബ്ദു​ൽ ക​ലാം മു​ത​ലു​ള്ള പ്ര​തി​ഭ​ക​ൾ​ക്കൊ​പ്പ​വും വേ​ല​പ്പ​ൻ നാ​യ​ർ ജോ​ലി ചെ​യ്തി​രു​ന്നു. 1960-70 കാ​ല​ത്ത് കാ​ലാ​വ​സ്ഥ നി​രീ​ക്ഷ​ണ​ത്തി​ന്റെ ഭാ​ഗ​മാ​യി എ​ല്ലാ ബു​ധ​നാ​ഴ്ച​ക​ളി​ലും ഐ.​എ​സ്.​ആ​ർ.​ഒ​യി​ൽ​നി​ന്ന് റോ​ക്ക​റ്റു​ക​ൾ വി​ക്ഷേ​പി​ക്കു​ന്ന​തും ഈ ​ദി​വ​സ​ങ്ങ​ളി​ൽ ഏ​റെ വൈ​കി വീ​ട്ടി​ലെ​ത്തു​ന്ന അ​ച്ഛ​നെ കാ​ത്തി​രി​ക്കു​ന്ന ഓ​ർ​മ​ക​ളു​മെ​ല്ലാം ച​ന്ദ്ര​ശേ​ഖ​ർ പ​ങ്കു​വെ​ക്കു​ന്നു.

നേ​ര​ത്തേ സൂ​​ര്യ ടി.​വി​യി​ൽ പോ​സ്റ്റ് പ്രൊ​ഡ​ക്ഷ​ൻ വി​ഭാ​ഗ​ത്തി​ൽ ജോ​ലി ചെ​യ്തി​രു​ന്ന ച​ന്ദ്ര​ശേ​ഖ​ർ, പ​ത്തു വ​ർ​ഷം മു​മ്പാ​ണ് ഖ​ത്ത​ർ പ്ര​വാ​സി​യാ​യ​ത്. സൗ​ദി​യി​ൽ പ്ര​വാ​സി​യാ​യ ഭാ​സ്ക​റാ​ണ് സ​ഹോ​ദ​ര​ൻ. ഡോ. ​അ​ഞ്ജ​ന​യാ​ണ് ഭാ​ര്യ. നി​ര​ഞ്ജ​ൻ, പൂ​ർ​ണി​മ എ​ന്നി​വ​ർ മ​ക്ക​ൾ.