ചൊവ്വ സ്വപ്നങ്ങൾക്ക് കുടിലൊരുക്കി ഇന്ത്യൻ വിദ്യാർഥികൾ

ദോ​ഹ: മം​ഗ​ൾ​യാ​ൻ ഉ​ൾ​പ്പെ​ടെ ബ​ഹി​രാ​കാ​ശ ദൗ​ത്യ​ങ്ങ​ളി​ലൂ​ടെ ചൊ​വ്വാ ര​ഹ​സ്യ​ങ്ങ​ളു​ടെ ചു​രു​ള​ഴി​ച്ച് മ​നു​ഷ്യ​ന്റെ അ​ന്യ​ഗ്ര​ഹ വാ​സ​ത്തെ കു​റി​ച്ചു​ള്ള തി​ര​ക്കി​ട്ട ആ​ലോ​ച​ന​യി​ലാ​ണ് ശാ​സ്ത്ര​ലോ​കം. അ​തി​വി​ദൂ​ര​മ​ല്ലാ​ത്ത ഭാ​വി​യി​ൽ സം​ഭ​വി​ക്കാ​ൻ പോ​കു​ന്ന ചൊ​വ്വ വാ​സ​ത്തി​ൽ മ​നു​ഷ്യ​ൻ നേ​രി​ടു​ന്ന വെ​ല്ലു​വി​ളി​ക​ളെ​ന്താ​യി​രി​ക്കും...? 2040ൽ ​ചൊ​വ്വ​യി​ലെ​ത്താ​ൻ ഒ​രു​ങ്ങു​ന്ന മ​നു​ഷ്യ​ൻ വെ​ല്ലു​വി​ളി​ക​ളെ എ​ങ്ങ​നെ അ​തി​ജീ​വി​ക്കും എ​ന്ന ചോ​ദ്യ​വു​മാ​യി ല​ണ്ട​ൻ ആ​സ്ഥാ​ന​മാ​യ ആ​ർ​ട്സ് ആ​ൻ​ഡ് ബി​സി​ന​സ് കോ​ള​ജും (എ.​ബി.​സി ല​ണ്ട​ൻ) സ്‌​പേ​സ് സ്റ്റോ​റും സം​ഘ​ടി​പ്പി​ച്ച അ​ന്താ​രാ​ഷ്​​ട്ര മ​ത്സ​ര​ത്തി​ൽ ക​പ്പ​ടി​ച്ചി​രി​ക്കു​ക​യാ​ണ് ഖ​ത്ത​റി​ൽ​നി​ന്നു​ള്ള ഒ​രു കൂ​ട്ടം മി​ടു​ക്ക​ർ.

‘മാ​ർ​സ് 2040’ എ​ന്ന ആ​ശ​യ​ത്തി​ൽ ന​ട​ന്ന മ​ത്സ​ര​ത്തി​ൽ ഖ​ത്ത​റി​ലെ നോ​ബി​ൾ ഇ​ന്റ​ർ​നാ​ഷ​ന​ൽ സ്കൂ​ളി​ലെ നാ​ൽ​വ​ർ സം​ഘ​മാ​ണ് ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള വി​ദ്യാ​ർ​ഥി​ക​ളു​മാ​യി മ​ത്സ​രി​ച്ച് ര​ണ്ടാം സ്ഥാ​നം സ്വ​ന്ത​മാ​ക്കി​യ​ത്. മ​ല​യാ​ളി​ക​ളാ​യ അ​മ​ൽ ഷി​ബു, ഹാ​സിം അ​ഹ​മ്മ​ദ്, പ​ഞ്ചാ​ബു​കാ​ര​നാ​യ ശി​വാ​ൻ​ഷ് ശ​ർ​മ, ത​മി​ഴ്നാ​ട്ടു​കാ​ര​നാ​യ അ​ശ്വ​ന്ത് കു​മാ​ർ എ​ന്നി​വ​ർ സ​മ​ർ​പ്പി​ച്ച സു​സ്ഥി​ര ഭാ​വി​യി​ലേ​ക്ക് വി​ര​ൾ​ചൂ​ണ്ടു​ന്ന പ്രോ​ജ​ക്ടാ​ണ് അ​ന്താ​രാ​ഷ്ട്ര ത​ല​ത്തി​ൽ വി​ജ​യം നേ​ടി​യ​ത്. നാ​ലു​പേ​രും നോ​ബി​ൾ സ്കൂ​ളി​ലെ 12ാം ത​രം വി​ദ്യാ​ർ​ഥി​ക​ളാ​ണ്. അ​മേ​രി​ക്ക​യി​ൽ​നി​ന്നു​ള്ള ടീ​മി​നാ​ണ് ഒ​ന്നാം സ്ഥാ​നം. ന്യൂ​സി​ല​ൻ​ഡി​ൽ​നി​ന്നു​ള്ള ടീം ​മൂ​ന്നും, ബ്രി​ട്ട​നി​ൽ​നി​ന്നു​ള്ള ടീം ​നാ​ലും സ്ഥാ​ന​ത്തി​ന് അ​ർ​ഹ​രാ​യി.

ചൊ​വ്വ ഗ്ര​ഹ​ത്തി​ൽ ഭാ​വി​യി​ലെ ശാ​ശ്വ​ത​വും സു​സ്ഥി​ര​വു​മാ​യ താ​മ​സ സൗ​ക​ര്യം രൂ​പ​ക​ൽ​പ​ന ചെ​യ്യാ​നാ​യി​രു​ന്നു വി​ദ്യാ​ർ​ഥി​ക​ൾ​ക്ക് അ​വ​സ​ര​മൊ​രു​ക്കി​യ​ത്. 12 മു​ത​ൽ 19 വ​യ​സ്സു​വ​രെ​യു​ള്ള​വ​ർ​ക്ക് ത​ങ്ങ​ളു​ടെ ആ​ശ​യ​ങ്ങ​ൾ ത്രീ​ഡി സ​ഹാ​യ​ത്തോ​ടെ സ​മ​ർ​പ്പി​ക്കാ​ൻ നി​ർ​ദേ​ശി​ച്ചു. വി​വി​ധ ലോ​ക​രാ​ജ്യ​ങ്ങ​ളി​ൽ നി​ന്നും 170 ടീ​മു​ക​ൾ മ​ത്സ​രി​ച്ച പ്രാ​ഥ​മി​ക റൗ​ണ്ടി​ൽ​നി​ന്ന് 10 ടീ​മു​ക​ളാ​ണ് ഫൈ​ന​ൽ റൗ​ണ്ടി​ലേ​ക്ക് മ​ത്സ​രി​ച്ച​ത്. ഇ​ന്ത്യ​യു​ടെ ആ​ദ്യ ബ​ഹി​രാ​കാ​ശ സ​ഞ്ചാ​രി രാ​കേ​ഷ് ശ​ർ​മ, ജ​പ്പാ​നീ​സ് സ്‍പേ​സ് സ്റ്റാ​ർ​ട്ട​പ് ക​മ്പ​നി​യു​ടെ സ്ഥാ​പ​ക​ൻ ന​റു​വോ കാ​നെ​മോ​ടോ, ഇ​ന്ത്യ​ൻ സ്‍പേ​സ് ക​മീ​ഷ​ൻ അം​ഗം എ.​എ​സ്. കി​ര​ൺ കു​മാ​ർ ഉ​ൾ​പ്പെ​ടെ പ്ര​മു​ഖ​രു​ടെ ജൂ​റി​യാ​ണ് വി​ജ​യി​ക​ളെ ക​ണ്ടെ​ത്തി​യ​ത്.

ചൊ​വ്വ​യി​ൽ തു​ട​ർ​മ​നു​ഷ്യ​വാ​സ​ത്തി​നാ​യി പു​ന​രു​പ​യോ​ഗി​ക്കാ​വു​ന്ന വി​ഭ​വ​ങ്ങ​ൾ സാ​ധ്യ​മാ​ക്കു​ന്ന ആ​ശ​യ​ത്തി​ലൂ​ന്നി​യാ​യി​രു​ന്നു ത​ങ്ങ​ളു​ടെ പ്രോ​ജ​ക്ട് അ​വ​ത​രി​പ്പി​ച്ച​തെ​ന്ന് സം​ഘാം​ഗ​മാ​യ അ​മ​ൽ ഷി​ബു ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. ചൊവ്വയിൽ ധാരാളമായി കാണപ്പെടുന്ന ലിമനൈറ്റ് പദാർത്ഥങ്ങൾ ഉപയോഗിച്ച് പുനരുപയോഗിക്കാവുന്ന ഊർജോൽപാദനം സാധ്യമാകും എന്നതായിരുന്നു ഇവർ അവതരിപ്പിച്ച ആശയം. ഖ​ത്ത​ർ ദേ​ശീ​യ ലൈ​ബ്ര​റി ഉ​ൾ​പ്പെ​ടെ കേ​ന്ദ്ര​ങ്ങ​ളി​ൽ​നി​ന്ന് വി​വ​ര ശേ​ഖ​ര​ണ​ത്തി​ന് ഉ​പ​യോ​ഗ​പ്പെ​ടു​ത്തു​ക​യും ചെ​യ്തു.

പു​തു​മ​യും സു​സ്ഥി​ര ആ​ശ​യ​വും മി​ക​വാ​ർ​ന്ന അ​വ​ത​ര​ണ​വും​കൊ​ണ്ട് നോ​ബി​ൾ സ്കൂ​ൾ വി​ദ്യാ​ർ​ഥി​ക​ളു​ടെ പ്രോ​ജ​ക്ട് വി​ധി​ക​ർ​ത്താ​ക്ക​ളു​ടെ കൈ​യ​ടി നേ​ടി. വി​ദ്യാ​ർ​ഥി​ക​ളു​ടെ അ​ന്താ​രാ​ഷ്ട്ര വി​ജ​യം നോ​ബി​ൾ സ്‌​കൂ​ളി​നും ഖ​ത്ത​റി​ലെ വി​ദ്യാ​ഭ്യാ​സ സ​മൂ​ഹ​ത്തി​നും അ​ഭി​മാ​നം ന​ൽ​കു​ന്നെ​ന്ന് സ്‌​കൂ​ൾ ഡ​യ​റ​ക്ട​ർ ബോ​ർ​ഡ് അം​ഗ​ങ്ങ​ളും പ്രി​ൻ​സി​പ്പ​ൽ ഡോ. ​ഷി​ബു അ​ബ്ദു​ൽ റ​ഷീ​ദും അ​റി​യി​ച്ചു. വൈ​സ് പ്രി​ൻ​സി​പ്പ​ൽ​സ്, ഹെ​ഡ് ഓ​ഫ് സെ​ക്ഷ​ൻ​സ്, അ​ധ്യാ​പ​ക​ർ തു​ട​ങ്ങി​യ​വ​ർ വി​ദ്യാ​ർ​ഥി​ക​ളെ അ​നു​മോ​ദി​ച്ചു.