സൂ​ഖി​ലേ​ക്ക് വീ​ണ്ടും മാ​മ്പ​ഴ മ​ധു​രം

ദോ​ഹ: ഖ​ത്ത​റി​ലി​രു​ന്ന് നാ​ട്ടി​ലെ മാ​മ്പ​ഴ​ക്കാ​ലം ക​ണ്ട് കൊ​തി​കൂ​ടു​ന്ന​വ​ർ​ക്ക് സ​ന്തോ​ഷ വാ​ർ​ത്ത​യു​മാ​യി ഹം​ബ ഇ​ന്ത്യ​ൻ മാ​മ്പ​ഴ​മേ​ള വീ​ണ്ടു​മെ​ത്തു​ന്നു. ഇ​ന്ത്യ​ൻ എം​ബ​സി​യു​ടെ നേ​തൃ​ത്വ​ത്തി​ൽ സൂ​ഖ് വാ​ഖി​ഫി​ൽ ക​ഴി​ഞ്ഞ വ​ർ​ഷം തു​ട​ക്കം കു​റി​ച്ച മാ​മ്പ​ഴ​മേ​ള​യു​ടെ ര​ണ്ടാ​മ​ത് എ​ഡി​ഷ​ൻ ജൂ​ൺ 12ന് ​ആ​രം​ഭി​ക്കും. ജൂ​ൺ 21വ​രെ10 ദി​വ​സ​മാ​ണ് മാ​മ്പ​ഴ​ങ്ങ​ളു​ടെ ഉ​ത്സ​വ​മാ​യി ഹം​ബ എ​ക്സി​ബി​ഷ​ൻ അ​ര​ങ്ങേ​റു​ന്ന​ത്. പ്രൈ​വ​റ്റ് എ​ൻ​ജി​നീ​യ​റി​ങ് ഓ​ഫി​സ് സെ​ലി​ബ്രേ​ഷ​ൻ ക​മ്മി​റ്റി​യും ഇ​ന്ത്യ​ൻ എം​ബ​സി​യും ചേ​ർ​ന്നാ​ണ് മേ​ള​ക്ക് ആ​തി​ഥ്യ​മൊ​രു​ക്കു​ന്ന​ത്. ക​ഴി​ഞ്ഞ വ​ർ​ഷ​മാ​യി​രു​ന്നു ഇ​ന്ത്യ​ൻ മാ​മ്പ​ഴ​ങ്ങ​ളു​ടെ ഉ​ത്സ​വ​മാ​യ മാ​മ്പ​​ഴ​മേ​ള​ക്ക് സൂ​ഖ് വാ​ഖി​ഫ് ആ​ദ്യ​മാ​യി വേ​ദി​യൊ​രു​ക്കി​യ​ത്. സ്വ​ദേ​ശി​ക​ളും, വി​വി​ധ രാ​ജ്യ​ക്കാ​രാ​യ പ്ര​വാ​സി​ക​ളും സ​ന്ദ​ർ​ശ​ക​രും ഉ​ൾ​പ്പെ​ടെ വ​ലി​യ പ​ങ്കാ​ളി​ത്തം​കൊ​ണ്ട് ശ്ര​ദ്ധേ​യ​മാ​യ മാ​മ്പ​ഴ​മേ​ള, ഗ​ൾ​ഫ് മ​ണ്ണി​ൽ ഇ​ന്ത്യ​ൻ മാ​മ്പ​ഴ പ്രേ​മി​ക​ളു​ടെ ഉ​ത്സ​വ​മാ​യി മാ​റി.

മു​ൻ വ​ർ​ഷ​​ത്തെ സ്വീ​കാ​ര്യ​ത കൂ​ടി ക​ണ​ക്കി​ലെ​ടു​ത്താ​ണ് ഇ​ത്ത​വ​ണ കൂ​ടു​ത​ൽ വി​പു​ല​മാ​യി​ത​ന്നെ മേ​ള സം​ഘ​ടി​പ്പി​ക്കു​ന്ന​ത്. ​പ്രാ​ദേ​ശി​ക സ്ഥാ​പ​ന​ങ്ങ​ളും ഇ​ന്ത്യ​ൻ ക​മ്പ​നി​ക​ളും ഇ​ത്ത​വ​ണ പ​ങ്കാ​ളി​ക​ളാ​കും. ഇ​ന്ത്യ​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്നാ​യി ഇ​റ​ക്കു​മ​തി ചെ​യ്യു​ന്ന മാ​മ്പ​ഴ​ങ്ങ​ളു​ടെ വി​പു​ല ശേ​ഖ​ര​വും ഹം​ബ എ​ക്സി​ബി​ഷ​നി​ൽ പ്ര​തീ​ക്ഷി​ക്കാം.വ്യ​ത്യ​സ്ത ഇ​നം മാ​മ്പ​ഴ​ങ്ങ​ൾ​ക്ക് പു​റ​മെ, മാ​ങ്ങ​യി​ലെ അ​നു​ബ​ന്ധ ഉ​ൽ​പ​ന്ന​ങ്ങ​ളും മേ​ള​യു​ടെ ആ​ക​ർ​ഷ​ക​മാ​യി മാ​റും. മ​ധു​ര​പ​ല​ഹാ​ര​ങ്ങ​ൾ, അ​ച്ചാ​റു​ക​ൾ, ജ്യൂ​സ്, മാ​മ്പ​ഴ​ത്തി​ൽ നി​ർ​മി​ച്ച മ​റ്റ് ഉ​ൽ​പ​ന്ന​ങ്ങ​ളും, പു​തി​യ മാ​മ്പ​ഴ ഇ​ന​ങ്ങ​ളും വി​പ​ണി​യി​ൽ അ​വ​ത​രി​പ്പി​ക്കും.

ഇ​ന്ത്യ​ൻ എം​ബ​സി​യു​മാ​യി ചേ​ർ​ന്നാ​ണ് ര​ണ്ടാം ഹം​ബ​മേ​ള സം​ഘ​ടി​പ്പി​ക്കു​ന്ന​തെ​ന്ന് എ​ക്സി​ബി​ഷ​ൻ ജ​ന​റ​ൽ സൂ​പ്പ​ർ​വൈ​സ​ർ ഖാ​ലി​ദ് സൈ​ഫ് അ​ൽ സു​വൈ​ദി പ​റ​ഞ്ഞു. സൂ​ഖ് വാ​ഖി​ഫി​ൽ ശീ​തീ​ക​രി​ച്ച പ്ര​ത്യേ​ക ​ഹാ​ളി​ലാ​ണ് പ്ര​ദ​ർ​ശ​ന​മൊ​രു​ക്കു​ന്ന​ത്. ചൂ​ട് കാ​ലാ​വ​സ്ഥ​യി​ൽ മാ​മ്പ​ഴ​ങ്ങ​ൾ കേ​ടു വ​രാ​തെ സൂ​ക്ഷി​ക്കു​ന്ന​തി​നും, ​ഗു​ണ​മേ​ന്മ ഉ​റ​പ്പാ​ക്കു​ന്ന​തി​ന്റെ​യും ഭാ​ഗ​മാ​യാ​ണ് ഇ​തെ​ന്നും അ​ദ്ദേ​ഹം പ​റ​ഞ്ഞു. ഇ​ത്ത​വ​ണ​യും കൂ​ടു​ത​ൽ സ​ന്ദ​ർ​ശ​ക​രെ പ്ര​തീ​ക്ഷി​ക്കു​ന്ന​താ​യും പ​റ​ഞ്ഞു.ദി​വ​സ​വും വൈ​കു​ന്നേ​രം നാ​ല് മു​ത​ൽ രാ​ത്രി ഒ​മ്പ​ത് വ​രെ​യാ​ണ് പ്ര​ദ​ർ​ശ​ന വേ​ദി​യി​ലേ​ക്ക് പ്ര​വേ​ശ​നം അ​നു​വ​ദി​ക്കു​ന്ന​ത്. വെ​ള്ളി​യാ​ഴ്ച ഉ​ൾ​പ്പെ​ടെ പൊ​തു അ​വ​ധി ദി​വ​സ​ങ്ങ​ളി​ൽ രാ​ത്രി 10 വ​രെ തു​ട​രും.