സ്വാതന്ത്ര്യദിനാഘോഷ പരിപാടികളുമായി ഇന്ത്യൻ എംബസി

ദോഹ: ഭാരതത്തിന്റെ 80ാമത് സ്വാതന്ത്ര്യദിനാഘോഷങ്ങളോട് അനുബന്ധിച്ച് ഖത്തറിലെ പ്രവാസി സമൂഹത്തിനായി ദോഹയിലെ ഇന്ത്യൻ എംബസി സംഘടിപ്പിക്കുന്ന പരിപാടികൾ ആഗസ്റ്റ് 15ന് രാവിലെ ഇന്ത്യൻ കൾച്ചറൽ സെന്ററിൽ (ഐ.സി.സി) നടക്കും. രാവിലെ 6.45-ന് പതാക ഉയർത്തുന്നതോടെ ചടങ്ങുകൾക്ക് തുടക്കമാകും. തുടർന്ന് ദേശഭക്തി ഉണർത്തുന്ന വിവിധ കലാ -സാംസ്കാരിക പരിപാടികൾ അരങ്ങേറും. ആഘോഷ പരിപാടികളിലേക്ക് ഖത്തറിലെ മുഴുവൻ പ്രവാസികളെയും സ്വാഗതം ചെയ്യുന്നതായി എംബസി അധികൃതർ അറിയിച്ചു.