ഖത്തറിനെ തോൽപിച്ച് ഇന്ത്യൻ കൗമാരസംഘം

ദോഹ: അണ്ടർ 17 ഏഷ്യൻ കപ്പിനൊരുങ്ങുന്ന ഇന്ത്യൻ കൗമാരക്കാർക്ക് ഖത്തറിനെതിരെ തകർപ്പൻ ജയം. സൗഹൃദ മത്സരത്തിനായി ദോഹയിലെത്തിയ ഇന്ത്യൻ ടീം ചൊവ്വാഴ്ച രാത്രിയിൽ ആസ്പയർ അകാദമിയിൽ നടന്ന മത്സരത്തിലാണ് കരുത്തരായ ഖത്തറിനെ 3-0ത്തിന് തോൽപിച്ചത്. രണ്ടു സൗഹൃദ മത്സരങ്ങൾക്കായാണ് ടീം ഖത്തറിലെത്തിയത്.

കളിയുടെ പത്താം മിനിറ്റിൽ റിക്കി ഹൊബാം, 34ാം മിനിറ്റിൽ ശാഷ്വത് പൻവർ, 90ാം മിനിറ്റിൽ കുറോ സിങ് തിങ്ജുവാം എന്നിവരാണ് ഇന്ത്യക്കായി ഗോളുകൾ നേടിയത്. ശനിയാഴ്ച നടന്ന മത്സരത്തിൽ ഖത്തറിനോട് 3-1ന് തോറ്റതിന്റെ ക്ഷീണത്തിലിറങ്ങിയ ടീം രണ്ടാം അങ്കത്തിൽ തോൽവിയുടെ കണക്കു തീർത്തു.

സ്വന്തം പെനാൽറ്റി ബോക്സിനുള്ളിൽ നിന്നും ലഭിച്ച ബാക്പാസ് ​സ്വീകരിക്കുന്നതിൽ ഖത്തർ ഗോൾകീപ്പർ സിയാദ് ഷുഐബിന് പിഴച്ച അവസരം മുതലെടുത്തായിരുന്നു ഇന്ത്യ ആദ്യ ഗോൾ കുറിച്ചത്. ഇൻഡയറക്ട് ഫ്രീകിക്ക് റിക്കി വലയിലേക്ക് ഗതിമാറ്റി ഗോൾ നേടി. ലീഗിന്റെ ആനുകൂല്യത്തിൽ കൂടുതൽ ആക്രമണം നടത്തിയായിരുന്നു ആതിഥേയരായ എതിരാളികൾക്കെതിരെ മുൻതൂക്കം നേടിയത്.