ഇ​ന്ത്യ സു​പ്ര​ധാ​ന വാ​ണി​ജ്യ പ​ങ്കാ​ളി -ഖ​ത്ത​ർ

ദോ​ഹ: ഖ​ത്ത​റി​ന്റെ ഏ​റ്റ​വും ശ​ക്ത​രാ​യ ര​ണ്ടാ​മ​ത്തെ വാ​ണി​ജ്യ പ​ങ്കാ​ളി​യാ​ണ് ഇ​ന്ത്യ​യെ​ന്ന് വാ​ണി​ജ്യ വ്യ​വ​സാ​യ മ​ന്ത്രാ​ല​യം റി​പ്പോ​ർ​ട്ട്. ന്യൂ​ഡ​ൽ​ഹി​യി​ൽ ന​ട​ന്ന 28ാമ​ത് പ​ങ്കാ​ളി​ത്ത ഉ​ച്ച​കോ​ടി​യി​ൽ പ​​ങ്കെ​ടു​ത്തു​കൊ​ണ്ടാ​ണ് ഖ​ത്ത​ർ വാ​ണി​ജ്യ മ​ന്ത്രാ​ല​യം ഇ​ക്കാ​ര്യം വ്യ​ക്ത​മാ​ക്കി​യ​ത്. നി​ല​വി​ൽ 9136 ഇ​ന്ത്യ​ൻ ക​മ്പ​നി​ക​ൾ ഖ​ത്ത​ർ കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്നു​ണ്ട്.

2022ലെ ​ക​ണ​ക്കു​ക​ൾ പ്ര​കാ​രം ഖ​ത്ത​റി​ന്റെ ഏ​റ്റ​വും പ്ര​ബ​ല​രാ​യ ര​ണ്ടാ​മ​ത്തെ വ്യാ​പാ​ര പ​ങ്കാ​ളി​യാ​ണ് ഇ​ന്ത്യ. ഇ​രു രാ​ജ്യ​ങ്ങ​ൾ​ക്കു​മി​ട​യി​ൽ 1720 കോ​ടി റി​യാ​ലി​ന്റെ വാ​ണി​ജ്യ ഇ​ട​പാ​ടു​ക​ളാ​ണ് നി​ല​വി​ലു​ള്ള​ത്. 1510 കോ​ടി റി​യാ​ലി​ന്റെ ഉ​ൽ​പ​ന്ന​ങ്ങ​ളാ​ണ് ഖ​ത്ത​ർ ഇ​ന്ത്യ​യി​ലേ​ക്ക് ക​യ​റ്റു​മ​തി ചെ​യ്ത​ത്.

ഇ​വ​യി​ൽ ദ്ര​വീ​കൃ​ത പ്ര​കൃ​തി​വാ​ത​കം, പെ​ട്രോ​ളി​യം, അ​നു​ബ​ന്ധ ഉ​ൽ​പ​ന്ന​ങ്ങ​ൾ, അ​ജൈ​വ രാ​സ​വ​സ്തു​ക്ക​ൾ എ​ന്നി​വ​യാ​ണ് ഏ​റ്റ​വും പ്ര​ധാ​നം. എ​ൽ.​എ​ൻ.​ജി, പെ​ട്രോ​ൾ ഇ​റ​ക്കു​മ​തി​യി​ൽ ഇ​ന്ത്യ ഏ​റെ ആ​ശ്ര​യി​ക്കു​ന്ന രാ​ജ്യം കൂ​ടി​യാ​ണ് ഖ​ത്ത​ർ. അ​തേ​സ​മ​യം, ഭ​ക്ഷ്യ -കാ​ർ​ഷി​ക ഉ​ൽ​പ​ന്ന​ങ്ങ​ൾ, വ​സ്ത്രം, ഇ​ല​ക്ട്രോ​ണി​ക്സ്, സ്റ്റീ​ൽ, രാ​സ​പ​ദാ​ർ​ഥ​ങ്ങ​ൾ എ​ന്നി​വ​യാ​ണ് ഇ​ന്ത്യ​യി​ൽ​നി​ന്ന് ഖ​ത്ത​റി​ലേ​ക്ക് പ്ര​ധാ​ന​മാ​യും ഇ​റ​ക്കു​മ​തി ചെ​യ്യു​ന്ന​ത്.

ഇ​രു​രാ​ജ്യ​ങ്ങ​ൾ​ക്കു​മി​ട​യി​ലെ വ്യാ​പാ​ര, വാ​ണി​ജ്യ പ​ങ്കാ​ളി​ത്തം ശ​ക്തി​പ്പെ​ടു​ത്തു​ന്ന​തി​ന്റെ ഭാ​ഗ​മാ​യാ​ണ് മാ​ർ​ച്ച് 13 മു​ത​ൽ 15 വ​രെ ന്യൂ​ഡ​ൽ​ഹി​യി​ൽ ന​ട​ന്ന പ​ങ്കാ​ളി​ത്ത ഉ​ച്ച​കോ​ടി​യി​ൽ ഖ​ത്ത​റും പ​​ങ്കെ​ടു​ത്ത​ത്.