ഖത്തർ ഇന്ത്യൻ എംബസി സ്വാതന്ത്ര്യദിനാഘോഷം: അംബാസഡർ പതാക ഉയർത്തി

ദോഹ: രാജ്യത്തിൻെറ 74ാമത് സ്വാതന്ത്ര്യദിനാഘോഷ പരിപാടികൾ ഇന്ത്യൻ എംബസിയിൽ നടത്തി. കോവിഡ്–19 പശ്ചാത്തലത്തിൽ സുരക്ഷാ മുൻകരുതലുകളുടെ ഭാഗമായി ഒാൺലൈൻ വഴിയായിരുന്നു പൊതുജനങ്ങൾക്ക് പങ്കെടുക്കാനുള്ള അവസരം. രാവിലെ അംബാഡർ ഡോ. ദീപക് മിത്തൽ പതാക ഉയർത്തി.

ശേഷം ദേശീയഗാനാലാപനം നടത്തി. രാഷ്​ട്രപതിയുടെ സന്ദേശം അംബാസഡർ വായിച്ചു. ഇന്ത്യൻ എംബസിയുടെ ഫേസ്​ബുക്ക് പേജ്, @indEmbDoha എന്ന ട്വിറ്റർ പേജ്, youtube.com/QatarStories യൂട്യൂബ് പേജിലും പരിപാടികൾ തത്സമയം സംേപ്രഷണം ചെയ്​തിരുന്നു.