Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_right​‘ഇൻകാസി’​ൽ...

​‘ഇൻകാസി’​ൽ പൊട്ടിത്തെറി; അവിശ്വാസം പാസായതിന്​ പിന്നാലെ പ്രസിഡൻറ്​ രാജിവെച്ചു

text_fields
bookmark_border

ദോഹ:  കോൺഗ്രസ്​ അനുകൂല പ്രവാസി സംഘടനയായ ‘ഇൻകാസി’​ൽ പൊട്ടിത്തെറി. മാസങ്ങളായി നടന്ന്​ വരുന്ന പ്രശ്​നങ്ങൾക്ക്​ പിന്നാലെ ബുധനാഴ്​ച്ച സംഘടനയുടെ എക്​സിക്ക്യുട്ടീവ്​ യോഗം പ്രസിഡൻറ്​ കെ.കെ ഉസ്​മാനെ അവിശ്വാസപ്രമേയം പാസാക്കി. തുടർന്ന്​ കെ.​െക ഉസ്​മാൻ സ്ഥാനം രാജിവെച്ചു. എന്നാൽ പ്രസിഡൻറി​​​െൻറ രാജിക്കത്തിൽ അവിശ്വാസത്തെ കുറിച്ചോ, അടുത്തിടെ നടന്ന പ്രശ്​നങ്ങളെ കുറിച്ചോ സൂചനയില്ല. 2015 മെയ് 12 നാണു മൂന്നാം തവണ പ്രസിഡൻറ്​ ആയതെന്നും ആ സമയത്ത്​ ഒരു വർഷമെ സ്ഥാനത്ത്​ തുടരൂ എന്ന്​ തീരുമാനിച്ചതാണെന്നും എന്നാൽ ഇപ്പോൾ ഒഴിയാൻ സമയമായെന്ന്​ തോന്നുന്നുവെന്നുമാണ്​ പ്രസിഡൻറ്​ മാധ്യമ പ്രവർത്തകർക്ക്​ അയച്ച കത്തിൽ പറയുന്നത്​. ഈ മെയ് 12ന്​ രണ്ടുവർഷം പൂർത്തിയായെന്നും രണ്ട് വർഷമാണ്​ പ്രസിഡൻറി​​​െൻറ കാലാവധി എന്നതിനാൽ ആ കാലാവധിയും കഴിഞ്ഞ സ്ഥിതിക്ക്​ സ്ഥാനത്ത്​ തുടരുന്നതിൽ അർത്ഥമില്ല എന്നും കത്തിൽ പറയുന്നു. മുൻ കേരളാ മുഖ്യമന്ത്രി ഉമ്മൻ ചാണ്ടിയുടെ  ഖത്തർ സന്ദർശനം കാരണമാണ് രാജി അല്പം നീണ്ടു പോയത്  എന്നും ഉസ്​മാൻ ചൂണ്ടിക്കാട്ടുന്നു. ഖത്തറിലെ ഇൻകാസ്സിന്​ പുതിയ ഭാരവാഹികളെ തെരഞ്ഞെടുക്കുന്നതുൾപ്പെടെയുള്ള കാര്യങ്ങൾ അടുത്ത് തന്നെ ഖത്തറിൽ എത്തുന്ന ഒ.ഐ.സി.സി യുടെ ചാർജുള്ള കെ പി സി സി ഭാരവാഹികളായ  എൻ സുബ്രമണ്യവും  മാന്നാർ അബ്​ദുൽ ലത്തീഫും തീരുമാനിക്കും എന്നും അവർക്കു ഈ ആവശ്യത്തിന് ഖത്തറിൽ വരാനുള്ള വിസ അടക്കം അയച്ചു കൊടുത്തതിൽ ശേഷമാണ് താൻ  രാജിക്കത്തു കൊടുത്തിരിക്കുന്നത് എന്നും ഉസ്​മാൻ പറയുന്നു. എന്നാൽ പ്രസിഡൻറിനെതിരെ അവിശ്വാസം പാസായ സാഹചര്യത്തിൽ മറ്റ് പിടിവള്ളികളില്ലാതെ വന്നപ്പോഴാണ്​ കെ.കെ ഉസ്​മാൻ രാജിവച്ചതെന്ന്​ എതിർവിഭാഗം പറയുന്നത്​. ഏകാധിപത്യം വർധിച്ച സാഹചര്യത്തിലാണ്​ ഉസ്​മാനെതിരെ അവിശ്വാസം കൊണ്ടുവന്നതെന്ന്​ അവർ പറയുന്നു. സംഘടന ചുമതല മൂന്ന്​ ജനറൽ സെക്രട്ടറിമാരിൽ ഒരാൾക്ക്​ കൊടുക്കണമെന്ന ചട്ടം പോലും അട്ടിമറിക്കുകയും സ്വന്തം പക്ഷത്തുള്ള ജില്ലാ പ്രസിഡൻറിന്​ ആ ചുമതല കൊടുത്തതും പ്രസിഡൻറി​​​െൻറ ഏകാധിപത്യത്തി​​​െൻറ തെളിവാണന്നും അവർ പറയുന്നു. ഉമ്മൻചാണ്ടി ഖത്തർ സന്ദർശനത്തിന്​ വന്നപ്പോൾ കാര്യപരിപാടികൾക്ക്​ രൂപം നൽകിയതിലും മതിയായ കൂടിയാലോചനകൾ നടന്നില്ലെന്ന്​ ആക്ഷേപമുണ്ട്​. ഇന്‍കാസ് തെരെഞ്ഞടുപ്പ് നടക്കാനിരിക്കെ കൂടിയാണ് പുതിയ സംഭവവികാസങ്ങള്‍.
 

Show Full Article
TAGS:
Web Title - incas
Next Story