എഴുത്തുകാരനില്ലാത്ത ലോകത്ത്​ പാട്ടിൻെറ പാലാഴി ഒഴുകുന്നു

ദോഹ: ഓഡിയോ കാസെറ്റിലാക്കി, പഴയ പാനസോണിക്കി​െൻറ നീണ്ട പാട്ടുപെട്ടിയിലിട്ട്​ മാപ്പിളപ്പാട്ടുകളും സിനിമാഗാനങ്ങളും ആസ്വദിച്ച കാലത്തെ തലമുറകൾക്ക്​ സുപരിചിതമാണ്​ തൃശൂർ ചാവക്കാട്ടുകാരൻ കെ.സി. മൊയ്​തുണ്ണിയും എം.എസ്.​ ബാബുരാജി​െൻറ പ്രിയ ശിഷ്യൻ റഹ്​മാൻ ചാവക്കാടും. മൊയ്​തുണ്ണി രചനയും റഹ്​മാൻ ചാവക്കാട്​ സംഗീതവും നൽകി, ആബിദ റഹ്​മാനും കൊച്ചി ബഷീറുമെല്ലാം പാടിത്തീർത്ത മാപ്പിളപ്പാട്ട്​ കാസറ്റുകൾ 1980കളിലെ തലമുറക്ക്​ ആത്​മീയ സ്​പർശമുള്ള പാട്ടി​െൻറ മേളകളായിരുന്നു.

പാട്ടുകളെല്ലാം യൂ ട്യൂബിലും വാട്​സ്​ആപ്പിലുമായി, ആസ്വാദകൻ കേൾക്കാൻ ​ആഗ്രഹിക്കുന്ന നിമിഷം ഒറ്റ ക്ലിക്കിൽ കേട്ടുതുടങ്ങാവുന്ന 2021ലെത്തി. കെ.​സി. മൊയ്​തുണ്ണിയും അദ്ദേഹത്തി​െൻറ പാട്ടുകളും ഇന്ന്​ പുതുതലമുറക്ക്​ അന്യമാണ്​. ഈ കഥകൾക്ക്​ ഇപ്പോ​ഴെന്ത്​ പ്രസക്​തിയെന്നാവും വായനക്കാര​െൻറ സംശയം. കാര്യമുണ്ട്, പ്രത്യേകിച്ച്​ ഖത്തറിലെ പ്രവാസി സമൂഹത്തിന്​. 1980ൽ എഴുതി, 1983ൽ ഖത്തറിൽ പുറത്തിറങ്ങിയ 'ആത്​മാർപ്പണം' എന്ന വശ്യമനോഹര ആൽബത്തിലൂടെയായിരുന്നു കെ.സി. മൊയ്​തുണ്ണിയെന്ന ഗാനരചയിതാവി​െൻറ പിറവി.

'അനുരാഗ സങ്കൽപ സാമ്രാജ്യമാകുമെൻ സത്തേ...

അനുഭൂതിതൻ മായാ മരീചികയാകുന്നതെന്തെ...

ആത്മാവിലുണരുമൊരായിരം വർണങ്ങൾ തന്നനുരാഗമെ...'

എന്നുതുടങ്ങുന്ന വരികളുമായി പുറത്തിറങ്ങിയ ആൽബം മലയാളി ആസ്വാദകർ ഏറ്റെടുത്തു. പ്രമുഖരായ മാപ്പിളപ്പാട്ട്​ രചയിതാക്കളുടെ പട്ടികയിലേക്ക്​ ഇടംപിടിക്കാൻ അധികം കാത്തിരിക്കേണ്ടിവന്നില്ല. പക്ഷേ, പിന്നീടൊരിക്കലും ആ പേനയിൽ വിരിഞ്ഞ ഗാനങ്ങൾ ആസ്വദിക്കാൻ മലയാളികൾക്ക്​ ഭാഗ്യമുണ്ടായിരുന്നില്ല. ഇതിനിടെ, 'ശബ്​നം ഗാനമഞ്​ജരി' എന്ന പേരിൽ ഇറങ്ങിയ പാട്ടുപുസ്​തകത്തെയും ആസ്വാദകർ ഏറ്റെടുത്തു. പഴയകാല ഗാനമേളകളിലും പാട്ടുകച്ചേരികളിലും മറ്റും പലരായി ഈ പുസ്​തകങ്ങളിലെ വരികൾ ആസ്വദിച്ചു.

ഇതിനിടെ, പാട്ടുകാരൻ ജീവിതപ്രാരാബ്​ധങ്ങളുമായി പാട്ടി​െൻറ വഴികളിൽനിന്ന്​ മാറി. 1974ൽ ഖത്തറിലേക്ക്​ പറന്ന മൊയ്​തുണ്ണി കുടുംബം പോറ്റാനുള്ള തിടുക്കത്തിലായി. സഹോദരങ്ങൾക്കൊപ്പം ഖത്തറിൽ ബിസിനസും മറ്റുമായി സജീവമായ​േപ്പാൾ, പാട്ടി​െൻറ വഴികളിൽനിന്ന്​ വഴിമാറി. പക്ഷേ, ഇതിനിടയിലും ത​െൻറ ഡയറികളിൽ അദ്ദേഹം സൂഫി ഭക്​തിയും സൗന്ദര്യവുമുള്ള വരികൾ കുറിച്ചിടുന്നുണ്ടായിരുന്നു. പ്രവാസ ലോകത്തെ ജോലിത്തിരക്കിനിടയിലും ഇതെല്ലാം പിറന്നത്​ കൂടപ്പിറപ്പുകളോ സുഹൃത്തുക്കളോ മ​ക്കളോ അറിഞ്ഞില്ല.

നീണ്ട പതിറ്റാണ്ടുകാലത്തെ പ്രവാസത്തിനൊടുവിൽ ഖത്തർ ജീവിതം അവസാനിപ്പിച്ച്​ 1991ൽ നാട്ടിലെത്തിയ​ ശേഷമായിരുന്നു താൻ എഴുതിയ പാട്ടുകളെല്ലാം വീണ്ടുമൊരിക്കൽ പുറംലോകത്ത്​ എത്തിച്ച്​, ആസ്വാദകരിലേക്ക്​ ഒഴുകണമെന്ന്​ ആഗ്രഹിക്കുന്നത്​. അപ്പോഴേക്കും കാലവും സാ​ങ്കേതിക വിദ്യകളും മാറിത്തുടങ്ങിയിരുന്നു. എങ്കിലും ത​െൻറ ​ആഗ്രഹം അദ്ദേഹം മൂടിവെച്ചില്ല. ഡയറിക്കുറിപ്പുകളെല്ലാം മക്കളായ കെ.സി. ആരിഫിനെയും കരീം കോയയെയും ഏൽപിച്ചു​. പക്ഷേ, രോഗം ബാധിച്ച പിതാവി​െൻറ ചികിത്സയിലായിരുന്നു മക്കളുടെ ശ്രദ്ധ. 1983ലെ ആദ്യ ആൽബത്തി​െൻറ തുടർച്ചയെന്ന സ്വപ്​നങ്ങളെല്ലാം ബാക്കിയാക്കി ആ കലാകാരൻ 2019ൽ വിടവാങ്ങി.

മക്കളിലൂടെ പുതുതലമുറയിലേക്ക്​

പിതാവി​െൻറ മരണശേഷമാണ്​ മക്കൾ ഡയറക്കുറിപ്പുകൾ ഗൗരവമായെടുക്കുന്നത്​. രക്​തത്തിലലിഞ്ഞുചേർന്ന പാട്ടിനെ അവർ വീണ്ടും പൊടിതട്ടിയെടുത്തു. 1983ൽ പുറത്തിറങ്ങിയ ആബിദ റഹ്​മാൻ പാടിയ പാട്ടുകളെ പ്രശസ്ത ഗായിക ബൽക്കീസ് റഷീദി​െൻറ ശബ്​ദത്തിലൂടെ, ഏറെ പുതുമകളുമായി ഗാനാസ്വാദകർക്കായി സമർപ്പിച്ചു. പുതിയകാല ആസ്വാദകർക്ക്​ പാകമായ രൂപത്തിൽ യൂട്യൂബിൽ റിലീസ്​ ചെയ്​ത പാട്ടുകൾ ഹിറ്റായതോടെയാണ്​ ബാപ്പയുടെ ഡയറിക്കുറിപ്പുകളിൽ ഇനിയും മൂളാനായി കാത്തിരുന്ന വരികളെ പുതുതലമുറ സംഗീതജ്​ഞരിലൂടെ വീണ്ടുമെത്തിക്കുന്നത്​. ആരും കാണാത്ത പാട്ടുകളെല്ലാം ചേർത്ത്​ 'ആത്​മാർപ്പണം രണ്ട്​' എന്ന പേരിൽ വീണ്ടും ആസ്വാദകരിലെത്തു​േമ്പാൾ, പിതാവി​െൻറ ഓരോ സ്വപ്​നങ്ങളെയും സാക്ഷാത്​കരിക്കുകയാണെന്ന്​ ഖത്തറിലുള്ള മകൻ ആരിഫ്​ അഭിമാനത്തോടെ പറയുന്നു.

ചാവക്കാട്ടുകാരൻ തന്നെയായ കുവൈത്തിൽ ജോലിചെയ്യുന്ന പുതുതലമുറയിലെ ശ്രദ്ധേയനായ ഷാഫി ഇബ്രാഹീം ചാവക്കാടാണ്​ സംഗീത സംവിധാനം നിർവഹിച്ചത്​. 40 വർഷം മു​െമ്പഴുതി വരികൾക്ക്​ ശബ്​ദം പകരുന്നത്​ സിനിമ പിന്നണി ഗായകൻ അഭിജിത്​ കൊല്ലമാണ്​. കെ.സി.എം മീഡിയ യൂട്യൂബ്​ ചാനലിലൂടെ ആത്​മാർപ്പണം രണ്ട്​ ഇന്ന്​ ആസ്വാദകരിലെത്തും.