തൊഴിലാളികൾക്കായി ​െഎ.സി.ബി.എഫ്​ മെഡിക്കൽ ക്യാമ്പ്​ നാളെ

ദോഹ: കുറഞ്ഞ വരുമാനക്കാരായ പ്രവാസി തൊഴിലാളികള്‍ക്കായി ഇന്ത്യന്‍ കമ്യൂണിറ്റി ബെനവലൻറ്​ ഫോറം (െഎ.സി.ബി.എഫ്) സംഘടിപ്പിക്കുന്ന 35-ാമത് സൗജന്യ മെഡിക്കല്‍ ക്യാമ്പ് വെള്ളിയാഴ്​ച നടക്കും. ഇന്‍ഡസ്ട്രിയല്‍ ഏരിയ സ്ട്രീറ്റ് നമ്പര്‍ പത്തിലെ അല്‍ അബീര്‍ മെഡിക്കല്‍ സ​​െൻററില്‍ രാവിലെ 7.30 മുതൽ ഉച്ചക്ക്​ 12.30 വരെയാണ്​ ക്യാമ്പ്. അല്‍അബീര്‍ മെഡിക്കല്‍ സ​​െൻററുമായി സഹകരിച്ചാണ് ക്യാമ്പ് സംഘടിപ്പിച്ചിരിക്കുന്നതെന്ന്​ സംഘാടകർ വാർത്തസമ്മേളനത്തിൽ അറിയിച്ചു. 400 മുതല്‍ 500 വരെ തൊഴിലാളികളെയാണ് പ്രതീക്ഷിക്കുന്നത്. ഇന്ത്യന്‍ അംബാസിഡര്‍ പി. കുമരന്‍ ക്യാമ്പ് ഉദ്ഘാടനം ചെയ്യും. ഇന്‍ഡസ്ട്രിയല്‍ ഏരിയയിലെയും ഷഹാനിയയിലെയും ലേബര്‍ ക്യാമ്പുകളില്‍ ബോധവത്​കരണ പ്രവര്‍ത്തനങ്ങള്‍ നടത്തിയിരുന്നു. ഇവിടങ്ങളില്‍ നിന്നും തൊഴിലാളികള്‍ക്ക് മെഡിക്കല്‍ ക്യാമ്പിലേക്ക് ഗതാഗതസൗകര്യം ഉറപ്പാക്കും.

സ്‌പോട്ട് രജിസ്‌ട്രേഷനാണ്. കണ്‍സള്‍ട്ടേഷന്‍, ബ്ലഡ് ഷുഗര്‍, കൊളസ്‌ട്രോള്‍, ബ്ലഡ് പ്രഷര്‍, ബി.എം.ഐ പരിശോധന, ദന്തല്‍, ഓര്‍ത്തോപീഡിക് സേവനങ്ങള്‍ എന്നിവയുണ്ടാകും. വെ​ല്‍കെയര്‍ ഗ്രൂപ്പി​​​െൻറ ആഭിമുഖ്യത്തില്‍ സൗജന്യ മരുന്നുകളും ലഭ്യമാക്കും. എല്ലാ രാജ്യങ്ങളില്‍നിന്നുള്ള തൊഴിലാളികള്‍ക്കും പ​െങ്കടുക്കാം. ക്യാമ്പില്‍ പങ്കെടുക്കുന്നവര്‍ക്ക് ഒരാഴ്ച അല്‍അബീറില്‍ ഫോളോഅപ്പ് പരിശോധന നടത്താം. വാര്‍ത്താസമ്മേളനത്തില്‍ ​െഎ.സി.ബി.എസ്​ പ്രസിഡൻറ്​ ഡേവിസ് ഇടക്കളത്തൂര്‍, വൈസ് പ്രസിഡൻറ്​ പി.എന്‍.ബാബുരാജന്‍, മെഡിക്കല്‍ അസിസ്​റ്റൻറ്​ കോര്‍ഡിനേറ്റര്‍ നിവേദിത കേത്കര്‍, അല്‍അബീര്‍ മെഡിക്കല്‍ സ​​െൻറര്‍ ഖത്തര്‍ ഓപറേഷന്‍സ് മേധാവി ഡോ. നിത്യാനന്ദ്, വെല്‍കെയര്‍ ഗ്രൂപ്പ്​ പ്രതിനിധി അഷ്‌റഫ് എന്നിവര്‍ പങ്കെടുത്തു.