ശമാലിൽ തൊഴിലാളി താമസ കേന്ദ്രം തുറന്നു
text_fields
ദോഹ: തൊഴിലാളികൾക്കായുള്ള മാതൃകാ ഹൗസിംഗ് യൂണിറ്റുകൾ ശമാൽ ഇൻഡസ്ട്രിയൽ ഏരിയയിൽ പ്രവ ർത്തനമാരംഭിച്ചു. ഖത്തർ തൊഴിൽ നിയമം അനുശാസിക്കുന്ന മാനദണ്ഡങ്ങൾ പരിഗണിച്ചു കൊണ്ട് ഏറ്റവും മികച്ച മാതൃകയിലാണ് ഹൗസിംഗ് യൂണിറ്റുകൾ സ്ഥാപിച്ചിരിക്കുന്നത്. മുനിസിപ്പാലിറ്റി, പരിസ്ഥിതി മന്ത്രാലയത്തെ പ്രതിനിധീകരിച്ചു കൊണ്ട് ശമാൽ മുനിസിപ്പാലിറ്റിയാണ് തൊഴിലാളികൾക്കായുള്ള ഹൗസിംഗ് യൂണിറ്റുകൾ പണി കഴിപ്പിച്ചത്.
ഏറ്റവും മികച്ച ജീവിത സാഹചര്യങ്ങൾ തൊഴിലാളികൾക്ക് ഒരുക്കിക്കൊടുക്കുകയെന്ന ലക്ഷ്യം മുൻനിർത്തി സ്ഥാപിച്ച പുതിയ കേന്ദ്രത്തിൽ 180 തൊഴിലാളികൾക്ക് കഴിയാൻ സാധിക്കും.
താമസ കേന്ദ്രത്തിെൻറ ഉദ്ഘാടന ചടങ്ങിൽ ശമാൽ മുനിസിപ്പാലിറ്റി ഡയറക്ടർ ഹമദ് ജുമാഹ് അൽ മന്നാഈ, ജനറൽ അഫേഴ്സ് വകുപ്പ് ഡയറക്ടർ ജമാൽ അലി അൽ സാദ തുടങ്ങിയവർ പങ്കെടുത്തു. കൂടാതെ മുനിസിപ്പാലിറ്റിയിലെ മുതിർന്ന ഉദ്യേഗസ്ഥരും മറ്റ് വ്യക്തിത്വങ്ങളും ചടങ്ങിൽ സംബന്ധിച്ചു. തൊഴിലാളികൾക്കായി ഏറ്റവും മികച്ച സൗകര്യങ്ങളാണ് പുതിയ കെട്ടിടങ്ങളിൽ സംവിധാനിച്ചിരിക്കുന്നതെന്നും മുനിസിപ്പാലിറ്റി പരിസ്ഥിതി മന്ത്രി മുഹമ്മദ് ബിൻ അബ്ദുല്ല അൽ റുമൈഹിയുടെ നേരിട്ടുള്ള നിരീക്ഷണത്തി ലാണ് കേന്ദ്രം സ്ഥാപിച്ചതെന്നും ശമാൽ മുനിസിപ്പാലിറ്റി ഡയറക്ടർ ഹമദ് ജുമാഹ് അൽ മന്നാഇ പറഞ്ഞു. തൊഴിലാളികൾക്ക് ഏറ്റവും മികച്ച താമസസൗകര്യം ഒരുക്കിയതിന് പുറമേ, ആരോഗ്യ, സാമൂഹിക, മത, വിനോദ പരിപാടികൾക്കായുള്ള സൗകര്യങ്ങളും മുനിസിപ്പാലിറ്റി അധികൃതർ പുതിയ താമസ കേന്ദ്രത്തിൽ സജ്ജീകരിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.