ഇനി കുതിര​യോട്ട പോരാട്ടം

ദോഹ: മിന്നൽ വേഗത്തിൽ പായുന്ന പന്തയകുതിരകൾ പരസ്​പരം പോരടിക്കുന്ന നാളുകൾക്ക്​ ഇന്ന്​ തുടക്കം. അറബ്​ രക്​തങ്ങളിൽ അലിഞ്ഞുചേർന്ന കുതിരയോട്ടപ്പോരാട്ടത്തിന്​ ഖത്തറിലെ പ്രശസ്​തമായ അൽ റയ്യാൻ ഹോസ്​ റേസ്​ കോഴ്​സിൽ തുടക്കമാവുന്നു. എട്ടുമാസത്തോളം നീണ്ടുനിൽക്കുന്ന സീസണിലേക്കായി മാസങ്ങളുടെ തയാറെടുപ്പോടെയാണ്​ ഓരോ പന്തയകുതിരയും ട്രാക്കിലിറങ്ങുന്നത്​. ദശലക്ഷങ്ങൾ ​െചലവഴിച്ച്​, പാകപ്പെടുത്തിയെടുക്കുന്ന കുതിരകൾ ഇനിയുള്ള ദിനങ്ങളിൽ ലക്ഷങ്ങൾ സമ്മാനത്തുകയുള്ള ചാമ്പ്യൻഷിപ്പുകൾക്കായി ഓടാനിറങ്ങും. മികച്ച പരിപാലനവും പരിശീലനവുമായി ഒരു അത്​ലറ്റിനെ പോലെ പാകപ്പെടുത്തപ്പെട്ട കുതിരകളാവും ട്രാക്കിലിറങ്ങു​ന്നത്​്. റേസിങ്​ വെടിയൊച്ച മുഴങ്ങി, പന്തയകുതിരകൾ കുതിക്കു​േമ്പാൾ ഗാലറിയിലെ ഉടമകളുടെ സിരകളിലാവും വീറും വാശിയും.

ഖത്തർ റേസിങ്​ ആൻഡ്​ ഇക്വസ്​ട്രിയൻ ക്ലബാണ്​ 2022 മേയ്​ അഞ്ചു വരെ നീണ്ടുനിൽക്കുന്ന സീസണി​െൻറ സംഘാടകർ. അൽ റയ്യാനിലെയും അൽ ഉഖ്​ദയിലെയും റേസിങ്​ ട്രാക്കുകളിലായി 70 റേസ്​ ​ദിനങ്ങളാണുള്ളത്​. വൈകുന്നേരം അഞ്ചിന്​ ആരംഭിക്കുന്ന റേസിലേക്ക്​ കാണികളുടെ​ പ്രവേശനം സൗജന്യമാണ്​. അൽ റയ്യാനിൽ 55ഉം ഉഖ്​ദയിൽ 15ഉം റേസുകൾ അരങ്ങേറും. ഇന്ത്യക്കാർക്കിടയിൽ അത്ര പ്രചാരമില്ലെങ്കിലും, യൂറോപ്പിലെയും അറേബ്യയിലെയും കായികപ്രേമികൾക്കിടയിലെ ആവേശംകൂടിയാണ്​ കുതിരയോട്ടം. ഒരു ലക്ഷം റിയാൽ സമ്മാനത്തുകയുള്ള അൽ ഗാരിയ കപ്പാണ്​ ആദ്യ ദിനമായ ബുധനാഴ്​ചയിലെ റേസിങ്ങി​ലെ പ്രധാന ആകർഷണം.