കോവിഡ് രോഗികൾക്ക് മികച്ച സേവനങ്ങളൊരുക്കി എച്ച്. എം. സി ആംബുലൻസ്​

ദോഹ: കോവിഡ്–19 രോഗികൾക്ക് മികച്ചതും സുരക്ഷിതവുമായ സേവനങ്ങൾ നൽകുന്നതിൽ എച്ച്. എം. സി ആംബുലൻസ്​ സർവീസ്​ ഒരു പ ടി മുന്നിൽ. സുരക്ഷിതമായ മുൻകരുതൽ നടപടികൾ പുതുതായി ആംബുലൻസുകളിൽ ഏർപ്പെടുത്തിയിട്ടുണ്ടെന്ന് എച്ച്. എം. സി ആംബുലൻസ്​ സർവീസ്​ അസി. എക്സിക്യൂട്ടിവ് ഡയറക്ടർ അലി ദർവീശ് പറഞ്ഞു.പരിചയ സമ്പന്നരും വിദഗ്ധരുമായ ജീവനക്കാരെയും ൈഡ്രവർമാരെയുമാണ് സേവനത്തിനായി നിയമിച്ചിരിക്കുന്നത്​. പാരാമെഡിക്സ്​ ജീവനക്കാർക്കും രോഗികൾക്കും പി. പി. ഇ കിറ്റുകൾ നൽകിയാണ് പ്രവർത്തനം. പ്രവർത്തനങ്ങൾ കാര്യക്ഷമമാക്കുന്നതിനും സുതാര്യമാക്കുന്നതിനും വിർച്വൽ ഓഫീസും യോഗങ്ങളും ചേരുന്നുണ്ട്​.

ദൈനംദിന പ്രവർത്തനങ്ങളെ ഇത് ബാധിക്കുന്നില്ല. കോവിഡ്–19 കാലത്തും പ്രവർത്തനം സാധാരണ നിലയിൽ കൊണ്ട് പോകാൻ ഇത് സഹായിക്കുന്നുവെന്നും അദ്ദേഹം വിശദീകരിച്ചു.കോവിഡിന്​ ശേഷം പ്രതിദിന പ്രവർത്തനങ്ങളിൽ 30 ശതമാനം വർധനവുണ്ട്​. 700–800 എമർജൻസി കോൾ എന്നത് നിലവിൽ ശരാശരി ഒരുദിവസം 1200 വരെ ആകുന്നുണ്ട്​. എച്ച്. എം. സി ആശുപത്രികളിലും പി. എച്ച്. സി. സി ഹെൽത്ത്സ​െൻററുകളിലും ൈഡ്രവ് ത്രൂ സൗകര്യം ഏർപ്പെടുത്തിയിട്ടുണ്ട്. കോവിഡ്–19 ബാധയുണ്ടെന്ന് സംശയിക്കുന്നവരെ പരിശോധിക്കാൻ മൊബൈൽ വാഹനങ്ങളെ വിന്യസിച്ചിട്ടുണ്ട്​. രോഗികളെയും സംശയമുള്ളവരെയും കൊണ്ട് പോകുന്നതിന് വേണ്ടി മാത്രം 20 ആംബുലൻസുകളാണ് വിന്യസിച്ചിരിക്കുന്നത്​. കൂടാതെ സമ്പർക്ക വിലക്ക് കേന്ദ്രങ്ങളിലേക്ക് കൂടുതൽ ആളുകളെ ഒരേ സമയം എത്തിക്കുന്നതിനായി ബസുകളും സജ്ജീകരിച്ചിട്ടുണ്ട്​. ആംബുലൻസ്​ നിരന്തരം ശുചീകരണത്തിനും അണുനശീകരണത്തിനും വിധേയമാക്കുന്നുണ്ട്. കമ്മ്യൂണിക്കബിൾ ഡിസിസ്​ സ​െൻററി​െൻറ പ്രത്യേക മാനദണ്ഡങ്ങൾക്കനുസൃതമായാണ് ശുചീകരണം.