നം​ബ​യോ ഹെ​ല്‍ത്ത് കെ​യ​ര്‍ റാ​ങ്കി​ങ്ങി​ല്‍ ഖ​ത്ത​റി​ന് മു​ന്നേ​റ്റം

​ദോ​ഹ: നം​ബ​യോ ഹെ​ല്‍ത്ത് കെ​യ​ര്‍ റാ​ങ്കി​ങ്ങി​ല്‍ ര​ണ്ട‌് സ്ഥാ​നം മെ​ച്ച​പ്പെ​ടു​ത്തി ഖ​ത്ത​ര്‍ 17ാം സ്ഥാ​ന​ത്തെ​ത്തി. ആ​രോ​ഗ്യ മേ​ഖ​ല​യി​ലെ സം​വി​ധാ​ന​ങ്ങ​ളു​ടെ ഗു​ണ​മേ​ന്മ​യും കാ​ര്യ​ക്ഷ​മ​ത​യും വി​ല​യി​രു​ത്തി​യാ​ണ് ഓ​ണ്‍ലൈ​ന്‍ ഡേ​റ്റാ​ബേ​സാ​യ നം​ബ​യോ പ​ട്ടി​ക ത​യാ​റാ​ക്കി​യ​ത്. മി​ഡി​ലീ​സ്റ്റ്, നോ​ര്‍ത്ത് അ​മേ​രി​ക്ക മേ​ഖ​ല​യി​ല്‍ പ​ട്ടി​ക​യി​ല്‍ ആ​ദ്യ ഇ​രു​പ​തി​ല്‍ ഇ​ടം പി​ടി​ച്ച ഏ​ക​രാ​ജ്യ​മാ​ണ് ഖ​ത്ത​ര്‍. നൂ​റി​ല്‍ 73.3 പോ​യ​ന്റാ​ണ് ഖ​ത്ത​റി​ന്റെ ആ​രോ​ഗ്യ മേ​ഖ​ല നേ​ടി​യ​ത്. താ​യ്‍വാ​നാ​ണ് ഒ​ന്നാം സ്ഥാ​ന​ത്ത്. ദ​ക്ഷി​ണ കൊ​റി​യ, ഫ്രാ​ന്‍സ്, ഡെ​ന്മാ​ര്‍ക്, ഇം​ഗ്ല​ണ്ട് എ​ന്നീ രാ​ജ്യ​ങ്ങ​ളാ​ണ് ആ​ദ്യ അ​ഞ്ച് സ്ഥാ​ന​ങ്ങ​ളി​ല്‍.

ഹെ​ല്‍ത്ത് കെ​യ​ര്‍ എ​ക്സ്‍പെ​ന്‍ഡി​ച​ര്‍ ഇ​ന്‍ഡ​ക്സി​ലും ഖ​ത്ത​ര്‍ ആ​ദ്യ ഇ​രു​പ​തി​ലു​ണ്ട്. ആ​​രോ​​ഗ്യ മേ​​ഖ​​ല​​യി​​ല്‍ ഏ​​റ്റ​​വും മി​​ക​​ച്ച സാ​​ങ്കേ​​തി​​ക സം​​വി​​ധാ​​ന​​ങ്ങ​​ളും സൗ​​ക​​ര്യ​​ങ്ങ​​ളു​​മാ​​ണ് ഖ​​ത്ത​​റി​​ലു​​ള്ള​​ത്. ആ​​രോ​​ഗ്യ ​മേ​​ഖ​​ല​​യി​​ല്‍ ഖ​​ത്ത​​ര്‍ വ​​ലി​​യ​​തോ​​തി​​ല്‍ നി​​ക്ഷേ​​പം ന​​ട​​ത്തി​​യി​​ട്ടു​​ണ്ട്. ഖ​​ത്ത​​റി​​​ന്റെ ആ​​രോ​​ഗ്യ​ പ​​രി​​പാ​​ല​​ന ചെ​​ല​​വ് പ​ശ്ചി​മേ​ഷ്യ​യി​ല്‍ ഏ​​റ്റ​​വും ഉ​​യ​​ര്‍ന്ന നി​​ര​​ക്കി​​ലാ​​ണ്. ഭാ​​വി ത​​ല​​മു​​റ​​യു​​ടെ ആ​​വ​​ശ്യ​​ങ്ങ​​ള്‍ നി​​റ​​വേ​​റ്റു​​ന്ന​​തി​​ലും നി​​ല​​വി​​ലെ ജ​​ന​​സം​​ഖ്യ​​യു​​ടെ ആ​​രോ​​ഗ്യം മെ​​ച്ച​​പ്പെ​​ടു​​ത്തു​​ന്ന​​തി​​ലും രാ​​ജ്യ​​ത്തി​​​ന്റെ പ്ര​​തി​​ബ​​ദ്ധ​​ത​​യു​​ടെ പ്ര​​തി​​ഫ​​ല​​ന​​മാ​​ണ് രാ​​ജ്യാ​​ന്ത​​ര സൂ​​ചി​​ക​​യി​​ലെ ഖ​​ത്ത​​റി​​​ന്റെ മി​​ക​​ച്ച സ്ഥാ​​നം. രോ​ഗ നി​ര്‍ണ​യ​ത്തി​നും ചി​കി​ത്സ​ക്കും ഒ​രു​ക്കി​യ അ​ത്യാ​ധു​നി​ക സം​വി​ധാ​ന​ങ്ങ​ളാ​ണ് ഹെ​ല്‍ത്ത് കെ​യ​ര്‍ റാ​ങ്കി​ങ്ങി​ല്‍ മി​ക​ച്ച നേ​ട്ടം സ്വ​ന്ത​മാ​ക്കാ​ന്‍ ഖ​ത്ത​റി​നെ സ​ഹാ​യി​ച്ച​ത്. ഖ​ത്ത​റി​ലെ പൊ​തു- സ്വ​കാ​ര്യ മേ​ഖ​ല​ക​ളി​ലെ ആ​രോ​ഗ്യ സം​വി​ധാ​ന​ങ്ങ​ളി​ല്‍ മ​ല​യാ​ളി​ക​ളു​ടെ വ​ലി​യ സാ​ന്നി​ധ്യ​മു​ണ്ട്.