'മുസീസ്' ഹരിശങ്കർ ലൈവിനൊരുങ്ങി ഖത്തർ

ദോഹ: മുസീസ് സംഘടിപ്പിക്കുന്ന ഹരിശങ്കർ ലൈവ് സം​ഗീത നിശക്കൊരുങ്ങി ഖത്തർ. സെപ്തംബർ 29ന് അൽ അറബി സ്പോർട്സ് ഹാളിൽ ന‌ടക്കുന്ന പരിപാടി റഹീബ് മീഡിയയുമായി സഹകരിച്ചാണ് സംഘടിപ്പിക്കുന്നത്.

പ്രമുഖ പിന്നണി ​ഗായകനായ കെ. എസ് ഹരിശങ്കർ നയിക്കുന്ന പ്ര​ഗതി ബാന്റും ടീമും ഖത്തറിലെ സം​ഗീത പ്രേമികൾക്ക് പുതിയ അനുഭവമായിരുക്കുമെന്ന് സംഘാടകർ അറിയിച്ചു. കലയെയും കലാകാരന്മാരെയും പിന്തുണക്കാനും പ്രോൽസാഹിപ്പിക്കാനും രൂപീകരിച്ച കൂട്ടായ്മയാണ് മുസീസ്. സെപ്തംബർ 29 വൈകീട്ട് ഏഴു മണിക്കാണ് സം​ഗീത പരിപാടി ആരംഭിക്കുക. പ്രവേശനം പാസ് മുഖേനയായിരിക്കും. ടേസ്റ്റി ടീ ആണ് മുഖ്യ പ്രോയോജകർ. ദനാത് അൽ ബ​ഹാർ റെസ്റ്റൊറന്റ്, അലി ഇന്റർനാഷണൽ, റോയൽ എൻഫിൽഡ് ഖത്തർ തുടങ്ങി ഖത്തറിലെ പ്രഖുഖ ബ്രാന്റുകൾ പരിപാടിയുമായി സഹകരിക്കുന്നുണ്ട്. ​ഗൾഫ് മാധ്യമം, മീഡിയ വൺ പരിപാടിയുടെ മീഡിയ പാർട്നേഴ്സായി പരിപാടിയുടെ ഭാ​ഗമാണ്. റേഡിയോ മലയാളം ആണ് ​റേഡിയോ പാർട്ണർ. ടിക്കറ്റുകൾ ക്യൂ ടിക്കറ്റ്സ് വഴിയും 33130070 എന്ന നമ്പറിൽ ബന്ധപ്പെട്ടും വാങ്ങാവുന്നതാണ്.