ഗസ്സ വെടിനിർത്തൽ: ഹമാസിന്റേത്​ അനുകൂല പ്രതികരണമെന്ന്​ ഖത്തർ

ദോ​ഹ: ഗ​സ്സ​യി​ല്‍ വെ​ടി​നി​ര്‍ത്ത​ല്‍ സാ​ധ്യ​മാ​ക്കു​ന്ന​തി​നു​ള്ള നീ​ക്ക​ങ്ങ​ൾ​ക്ക്​ ഹ​മാ​സി​ന്റെ അ​നു​കൂ​ല മ​റു​പ​ടി ല​ഭി​ച്ച​താ​യി ഖ​ത്ത​ര്‍ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ​അ​ബ്​​ദു​ൽ റ​ഹ്​​മാ​ൻ ആ​ൽ​ഥാ​നി അ​റി​യി​ച്ചു. പ​ശ്ചി​മേ​ഷ്യ​ൻ സ​ന്ദ​ർ​ശ​ന​ത്തി​ന്റെ ഭാ​ഗ​മാ​യി ഖ​ത്ത​റി​ലെ​ത്തി​യ അ​മേ​രി​ക്ക​ൻ വി​ദേ​ശ​കാ​ര്യ സെ​ക്ര​ട്ട​റി ആ​ൻ​റ​ണി ബ്ലി​ങ്ക​നൊ​പ്പം ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ലാ​ണ്​ മ​ധ്യ​സ്​​ഥ ദൗ​ത്യ​ങ്ങ​ൾ​ക്ക്​ നേ​തൃ​ത്വം വ​ഹി​ക്കു​ന്ന ഖ​ത്ത​ർ പ്ര​ധാ​ന​മ​ന്ത്രി ഇ​ക്കാ​ര്യം വ്യ​ക്​​ത​മാ​ക്കി​യ​ത്.

വെ​ടി​നി​ർ​ത്ത​ൽ സാ​ധ്യ​മാ​ക്കി യു​ദ്ധം അ​വ​സാ​നി​പ്പി​ക്കു​ന്ന​ത്​ സം​ബ​ന്ധി​ച്ച്​ മു​ന്നോ​ട്ടു​വെ​ച്ച ക​രാ​റി​നോ​ട് അ​നു​കൂ​ല​മാ​യ സ​മീ​പ​ന​മാ​ണ് ഹ​മാ​സ് സ്വീ​ക​രി​ച്ച​ത്. എ​ത്ര​യും പെ​ട്ടെ​ന്ന് ക​രാ​ര്‍ പ്രാ​ബ​ല്യ​ത്തി​ല്‍ വ​രു​ത്താ​നു​ള്ള ശ്ര​മ​ങ്ങ​ളു​ണ്ടാ​കു​മെ​ന്നും ഖ​ത്ത​ര്‍ പ്ര​ധാ​ന​മ​ന്ത്രി പ​റ​ഞ്ഞു. ഹ​മാ​സി​ന്റെ പ്ര​തി​ക​ര​ണം ഇ​സ്രാ​യേ​ലി​നെ അ​റി​യി​ച്ച​താ​യും ദീ​ര്‍ഘ​കാ​ല വെ​ടി​നി​ര്‍ത്ത​ല്‍ ക​രാ​റി​നാ​യി ഇ​സ്രാ​യേ​ലി​ല്‍ സ​മ്മ​ര്‍ദം ചെ​ലു​ത്തു​മെ​ന്നും ആ​ൻ​റ​ണി ബ്ലി​ങ്ക​നും വ്യ​ക്ത​മാ​ക്കി. യു​ദ്ധാ​ന​ന്ത​രം ഇ​സ്രാ​യേ​ലു​മാ​യു​ള്ള അ​റ​ബ് രാ​ജ്യ​ങ്ങ​ളു​ടെ നോ​ര്‍മ​ലൈ​സേ​ഷ​ന്‍ ച​ര്‍ച്ച​ക​ളെ അ​മേ​രി​ക്ക പ്രോ​ത്സാ​ഹി​പ്പി​ക്കും. അ​തോ​ടൊ​പ്പം​ത​ന്നെ ഇ​സ്രാ​യേ​ലി​ന്റെ സു​ര​ക്ഷ ഉ​റ​പ്പാ​ക്കി സ്വ​ത​ന്ത്ര ഫ​ല​സ്തീ​ന്‍ നി​ല​വി​ല്‍ വ​ര​ണം, ഇ​തി​നാ​യി സ​മ​യ​ക്ര​മം നി​ശ്ച​യി​ക്ക​ണ​മെ​ന്നും ബ്ലി​ങ്ക​ന്‍ പ​റ​ഞ്ഞു.

ന​വം​ബ​റി​ലെ താ​ൽ​ക്കാ​ലി​ക വെ​ടി​നി​ർ​ത്ത​ലി​നു​ശേ​ഷം, വീ​ണ്ടും യു​ദ്ധം ശ​ക്​​ത​മാ​യ​തോ​ടെ ശാ​ശ്വ​ത വെ​ടി​നി​ർ​ത്ത​ൽ ശ്ര​മ​വു​മാ​യി ഖ​ത്ത​ർ, ഈ​ജി​പ്​​ത്, അ​മേ​രി​ക്ക എ​ന്നി​വ​രു​ടെ സം​യു​ക്​​ത ശ്ര​മ​ങ്ങ​ളാ​ണ്​ ഇ​പ്പോ​ൾ തു​ട​രു​ന്ന​ത്. ഗ​സ്സ​യി​ൽ ഇ​സ്രാ​യേ​ൽ അ​ധി​നി​വേ​ശ​സേ​ന ആ​​ക്ര​മ​ണം ആ​രം​ഭി​ച്ച​ശേ​ഷം അ​ഞ്ചാ​മ​ത്തെ ത​വ​ണ​യാ​ണ്​ ആ​ൻ​റ​ണി ബ്ലി​ങ്ക​ൻ ഖ​ത്ത​റി​ലെ​ത്തു​ന്ന​ത്. അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി​യു​മാ​യും ആ​ൻ​റ​ണി ബ്ലി​ങ്ക​ൻ കൂ​ടി​ക്കാ​ഴ്​​ച ന​ട​ത്തി​യി​രു​ന്നു. ലു​സൈ​ൽ പാ​ല​സി​ൽ ന​ട​ന്ന കൂ​ടി​ക്കാ​ഴ്​​ച​യി​ൽ ഗ​സ്സ​യി​ലെ വെ​ടി​നി​ർ​ത്ത​ൽ സാ​ധ്യ​മാ​ക്കാ​നും സാ​ധാ​ര​ണ​ക്കാ​ർ​ക്കെ​തി​രാ​യ ആ​ക്ര​മ​ണം അ​വ​സാ​നി​പ്പി​ക്കാ​നും മാ​നു​ഷി​ക സ​ഹാ​യ​മെ​ത്തി​ക്കു​ന്ന​ത്​ സം​ബ​ന്ധി​ച്ചും ച​ർ​ച്ച ന​ട​ത്തി.