പുലരട്ടെ സമാധാനം; ഹ​മാ​സ് സം​ഘം ഖ​ത്ത​റി​ൽ, അ​മീ​റു​മാ​യി കൂ​ടി​കാ​ഴ്ച ന​ട​ത്തി

ദോ​ഹ/​കൈ​റോ: മാ​സ​ങ്ങ​ൾ നീ​ണ്ട അ​നി​ശ്ചി​ത​ത്വ​ങ്ങ​ൾ​ക്കൊ​ടു​വി​ൽ ഗ​സ്സ​യി​ലെ വെ​ടി​നി​ർ​ത്ത​ൽ ച​ർ​ച്ച​ക​ൾ അ​ന്തി​മ​ഘ​ട്ട​ത്തി​ലേ​ക്ക്. വെ​ടി​നി​ർ​ത്ത​ലും ബ​ന്ദി​മോ​ച​ന​വും ഉ​ൾ​പ്പെ​ടെ മ​ധ്യ​സ്ഥ ക​രാ​റി​ന്റെ ക​ര​ട് ഇ​സ്രാ​യേ​ലി​നും ഹ​മാ​സി​നും ഖ​ത്ത​ർ കൈ​മാ​റി​യ​താ​യി വാ​ർ​ത്താ ഏ​ജ​ൻ​സി​യാ​യ ‘റോ​യി​ട്ടേ​ഴ്സ്’ റി​പ്പോ​ർ​ട്ട് ചെ​യ്തു.

ച​ർ​ച്ച​യു​ടെ ഭാ​ഗ​മാ​യി ഇ​സ്രാ​യേ​ലി​ന്റെ​യും ഹ​മാ​സി​ന്റെ​യും പ്ര​തി​നി​ധി​ക​ൾ​ക്ക് ക​രാ​റി​ന്റെ ക​ര​ട് രേ​ഖ കൈ​മാ​റി​യെ​ന്നാ​ണ് സൂ​ച​ന. അതിനിടെ, ഹ​മാ​സ് സം​ഘം ഖത്തർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​മാ​യി കൂ​ടി​ക്കാ​ഴ്ച ന​ട​ത്തി. ഗ​സ്സ വെ​ടി​നി​ർ​ത്ത​ൽ ച​ർ​ച്ച​യു​ടെ ഭാ​ഗ​മാ​യാ​ണ് സം​ഘ​ം ഖ​ത്ത​റി​ലെത്തി​യ​ത്.

അ​തേ​സ​മ​യം, മ​ധ്യ​സ്ഥ ദൗ​ത്യ​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന ഖ​ത്ത​റും അ​മേ​രി​ക്ക​യും ഔ​ദ്യോ​ഗി​ക​മാ​യി പ്ര​തി​ക​രി​ച്ചി​ട്ടി​ല്ല. വെ​ടി​നി​ർ​ത്ത​ൽ ക​രാ​റി​ന്റെ ക​ര​ട് നി​ർ​ദേ​ശ​ങ്ങ​ൾ ല​ഭി​ച്ചി​ട്ടി​ല്ലെ​ന്ന് ഇ​സ്രാ​യേ​ൽ ഉ​ദ്യോ​ഗ​സ്ഥ​നും വ്യ​ക്ത​മാ​ക്കി. നി​യു​ക്ത അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പി​ന്റെ മി​ഡി​ൽ ഈ​സ്റ്റ് പ്ര​തി​നി​ധി സ്റ്റീ​വ് വി​റ്റ്കോ​ഫ്, സ്ഥാ​ന​മൊ​ഴി​യു​ന്ന യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ ഭ​ര​ണ​കൂ​ട​ത്തി​ന്റെ പ്ര​തി​നി​ധി ബ്രെ​റ്റ് മ​ക്ഗ​ർ​ക് എ​ന്നി​വ​ർ ദോ​ഹ​യി​ൽ ന​ട​ന്ന അ​വ​സാ​ന ഘ​ട്ട മ​ധ്യ​സ്ഥ ച​ർ​ച്ച​ക​ളി​ൽ പ​ങ്കാ​ളി​ക​ളാ​യ​താ​യി റി​പ്പോ​ർ​ട്ടുണ്ട്.

ഇ​സ്രാ​യേ​ൽ ര​ഹ​സ്യാ​ന്വേ​ഷ​ണ വി​ഭാ​ഗ​മാ​യ മൊ​സാ​ദ് ​ചീ​ഫ് ഡേ​വി​ഡ് ബ​ർ​ണി​യ, ആ​ഭ്യ​ന്ത​ര സു​ര​ക്ഷ വി​ഭാ​ഗ​മാ​യ ഷി​ൻ ബെ​ത് മേ​ധാ​വി റോ​ണ​ൻ ബാ​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘം ഞാ​യ​റാ​ഴ്ച ദോ​ഹ​യി​ലെ​ത്തി​യ​താ​യാ​ണ് റി​പ്പോ​ർ​ട്ട്.

ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ​ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി​യു​മാ​യി സ്റ്റീ​വ് വി​റ്റ്കോ​ഫ് ക​ഴി​ഞ്ഞ ദി​വ​സം കൂ​ടി​ക്കാ​ഴ്ച ന​ട​ത്തി​യി​രു​ന്നു. തു​ട​ർ​ന്ന് ഇ​​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു​വി​നെ സ​ന്ദ​ർ​ശി​ച്ചും ച​ർ​ച്ച​ക​ൾ ന​ട​ത്തി. ട്രം​പ് അ​ധി​​കാ​ര​മേ​ൽ​ക്കു​ന്ന ജ​നു​വ​രി 20ന് ​മു​മ്പാ​യി വെ​ടി​നി​ർ​ത്ത​ൽ പ്ര​ഖ്യാ​പ​നം സാ​ധ്യ​മാ​ക്കു​ക​യാ​ണ് അ​മേ​രി​ക്ക ഉ​ൾ​പ്പെ​ടെ മ​ധ്യ​സ്ഥ സം​ഘ​ത്തി​ന്റെ ല​ക്ഷ്യം. ക​രാ​റി​ന്റെ വി​ശ​ദാം​ശ​ങ്ങ​ളൊ​ന്നും ഇ​തു​വ​രെ പു​റ​ത്തു​വ​ന്നി​ട്ടി​ല്ല. എ​ന്നാ​ൽ, സ​മ്പൂ​ർ​ണ വെ​ടി​നി​ർ​ത്ത​ൽ ന​ട​പ്പാ​ക്കു​ക, ഘ​ട്ടം ഘ​ട്ട​മാ​യി സൈ​ന്യ​ത്തെ പി​ൻ​വ​ലി​ക്കു​ക, ബ​ന്ദി കൈ​മാ​റ്റം ഘ​ട്ടം​ഘ​ട്ട​മാ​യി പൂ​ർ​ത്തി​യാ​ക്കു​ക എ​ന്നീ നി​ർ​ദേ​ശ​ങ്ങ​ൾ ക​രാ​റി​ലു​ള്ള​താ​യി വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്തു. മ​ധ്യ​സ്ഥ നി​ർ​ദേ​ശ​ങ്ങ​ൾ ഇ​സ്രാ​യേ​ലും ഹ​മാ​സും ഔ​ദ്യോ​ഗി​ക​മാ​യി അം​ഗീ​ക​രി​ക്കു​ന്ന​തോ​ടെ 15 മാ​സ​മാ​യി തു​ട​രു​ന്ന യു​ദ്ധ​ത്തി​ന് അ​റു​തി​യാ​കു​മെ​ന്നാ​ണ് പ്ര​തീ​ക്ഷ​ക​ൾ.

24 മ​ണി​ക്കൂ​റി​നു​ള്ളി​ൽ വെ​ടി​നി​ർ​ത്ത​ൽ ക​രാ​ർ സം​ബ​ന്ധി​ച്ച് നി​ർ​ണാ​യ​ക പ്ര​ഖ്യാ​പ​ന​മു​ണ്ടാ​കു​മെ​ന്നാണ് റി​പ്പോ​ർ​ട്ട്. മ​ധ്യ​സ്ഥ ച​ർ​ച്ച​ക​ളി​ൽ കാ​ര്യ​മാ​യ ​പു​രോ​ഗ​തി​യുണ്ടാ​യ​താ​യി ഇ​സ്രാ​യേ​ൽ, ഹ​മാ​സ് കേ​ന്ദ്ര​ങ്ങ​ൾ ക​ഴി​ഞ്ഞ ദി​വ​സ​ം പ്ര​തി​ക​രി​ച്ചി​രു​ന്നു.