Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_rightഖത്തർ ഹമദ്​...

ഖത്തർ ഹമദ്​ അന്താരാഷ്​ട്ര പരിഭാഷ അവാർഡിൽ മലയാളത്തിളക്കം

text_fields
bookmark_border
ഖത്തർ ഹമദ്​ അന്താരാഷ്​ട്ര പരിഭാഷ അവാർഡിൽ മലയാളത്തിളക്കം
cancel

ദോഹ: ദോഹ ആസ്ഥാനമായ ശൈഖ്​ ഹമദ്​ അന്താരാഷ്​ട്ര പരിഭാഷ അവാർഡിൽ ഇത്തവണ മലയാളത്തിന്​ വൻ നേട്ടം. കോഴിക്കോട്​ കേന്ദ്രമായ ഇസ്​ലാമിക്​ പബ്ലിഷിങ്​ ഹൗസ് ​(ഐ.പി.എച്ച്​) സമഗ്ര സംഭാവനക്കുള്ള അവാർഡ് നേടി. അറബിയിൽനിന്ന്​ മലയാളത്തിലേക്കുള്ള പരിഭാഷ വിഭാഗത്തിലെ സമഗ്ര സംഭാവനക്കുള്ള പുരസ്​കാരം ഐ.പി.എച്ചിനുവേണ്ടി അസി. ഡയറക്​ടർ കെ.ടി. ഹുസൈൻ ഏറ്റുവാങ്ങി. അറബി ഭാഷയിലുള്ള അറു​പതോളം പുസ്​തകങ്ങൾ മലയാളത്തിലേക്ക്​ വിവർത്തനം ചെയ്​ത്​ പ്രസിദ്ധീകരിച്ചതാണ്​ ഐ.പി.എച്ചിനെ പുരസ്​കാരത്തിന്​ അർഹമാക്കിയത്​.

സമഗ്ര സംഭാവനക്കുള്ള വ്യക്തിഗത പുരസ്​കാരങ്ങൾ പ്രമുഖ ​​​ഗ്രന്ഥകാരനും വിവർത്തകനുമായ വി.എ. കബീർ, പണ്ഡിതനും എഴുത്തുകാരനുമായ ശൈഖ്​ മുഹമ്മദ്​ കാരകുന്ന്​, തിരുവനന്തപുരം യൂനിവേഴ്​സിറ്റി കോളജ്​ അസി. പ്രഫസറും അറബി​ വകുപ്പ്​ മേധാവിയുമായ ഡോ. എൻ. ഷംനാദ്​ എന്നിവർക്കാണ്​ ലഭിച്ചത്​. 12ലധികം പുസ്​തകങ്ങൾ മലയാളത്തിലേക്ക്​ വിവർത്തനം ചെയ്​തതാണ്​ വി.എ. കബീറിനെ പുരസ്​കാരത്തിന്​ അർഹനാക്കിയത്​. 14ലധികം പുസ്​തകങ്ങളാണ്​ ശൈഖ്​ മുഹമ്മദ്​ കാരകുന്ന്​ മലയാളത്തിലേക്ക്​ വിവർത്തനം ചെയ്​തത്​. ഏഴ്​ അറബി നോവലുകൾ വിവർത്തനം ചെയ്​തതാണ്​ ഡോ. എൻ. ഷംനാദിനെ പുരസ്​കാരത്തിന്​ അർഹനാക്കിയത്​.ഞായറാഴ്​ച ദോഹ റിറ്റ്​സ്​ കാൾട്ടൻ ഹോട്ടലിൽ നടന്ന ‘ശൈഖ്​ ഹമദ്​ അവാർഡ്​ ഫോർ ട്രാൻസ്​ലേഷൻ ആൻഡ്​ ഇൻറർനാഷനൽ അണ്ടർസ്​റ്റാൻഡിങ്​’ സമ്മേളനത്തിലാണ്​ അവാർഡ്​ പ്രഖ്യാപനം നടന്നത്​. ശൈഖ് ​ഥാനി ബിൻ ഹമദ്​ ബിൻ ഖലീഫ ആൽഥാനി പുരസ്​കാരങ്ങൾ വിതരണം ചെയ്​തു. ശൈഖ്​ ജാസിം ബിൻ ഹമദ്​ ആൽഥാനി പ​ങ്കെടുത്തു.

പരിഭാഷ അവാർഡിൽ ഇത്തവണ മത്സരിച്ചത്​ വിവിധ രാജ്യങ്ങളിലെ​ 234 പേരാണ്​. ഇംഗ്ലീഷിന്​ പുറമെ റഷ്യൻ ആയിരുന്നു അവാർഡി​​െൻറ രണ്ടാമത്തെ പ്രധാന ഭാഷ. അച്ചീവ്​മ​െൻറ്​ വിഭാഗത്തിലാണ്​ മലയാളം. സോമാലി, ഉസ്​ബക്​, പോർചുഗീസ്​, ബഹസ ഇന്തോനേഷ്യ എന്നീ പുതിയ ഭാഷകളെയും ഇത്തവണ ഉൾ​െപ്പടുത്തി. അറബിയിൽനിന്ന്​ ഇംഗ്ലീഷിലേക്കും തിരിച്ചുമുള്ള വിവർത്തനം, അറബിയിൽനിന്ന്​ റഷ്യനിലേക്കുള്ള വിവർത്തനം, റഷ്യനിൽനിന്ന്​ അറബിയിലേക്കുള്ള വിവർത്തനം, അച്ചീവ്​മ​െൻറ്​ വിഭാഗം എന്നിങ്ങനെ അഞ്ച് ​വിഭാഗങ്ങളിലായാണ്​ അവാർഡ്​ നൽകിയത്​.

രണ്ടു മില്യൺ ഡോളറാണ്​​ മൊത്തം അവാർഡ്​ തുക​. ഖത്തർ, ഇറാഖ്​, കുവൈത്ത്​, ഒമാൻ, യമൻ, സിറിയ, ലബനാൻ, ജോർഡൻ, ഫലസ്​തീൻ, ഇൗജിപ്​ത്​, സുഡാൻ, ലിബിയ, തുനീഷ്യ, അൽജീരിയ, മൊറോക്കോ, റഷ്യ, യു​ക്രെയ്​ൻ, ബെലറൂസ്​, ഉസ്​ബകിസ്​താൻ, ഇന്ത്യ, പാകിസ്​താൻ, ജർമനി, സ്വിറ്റ്​സർലൻഡ്​, ഒാസ്​ട്രിയ, പോർചുഗൽ, ബ്രസീൽ, മൊസാംബീക്​, ഇന്തോനേഷ്യ, ബ്രിട്ടൻ, അമേരിക്ക, കാനഡ, സോമാലിയ, കെനിയ, ദക്ഷിണാ​ഫ്രിക്ക എന്നിവിടങ്ങളിൽ നിന്നുള്ളവരായിരുന്നു മത്സരിച്ചത്​. ലോകത്തി​​െൻറ വിവിധ ഭാഗങ്ങളിൽനിന്നുള്ള പ്രമുഖ വ്യക്തികൾ അടങ്ങിയതായിരുന്നു​ ജൂറി.
വിവിധ ദേശങ്ങൾ തമ്മിലുള്ള സഹകരണം ശക്തമാക്കുക, വൈജാത്യങ്ങൾ അംഗീകരിക്കുക, പരിഭാഷപോലെയുള്ള ക്രിയാത്മക പ്രവർത്തനങ്ങൾ പ്രോത്സാഹിപ്പിക്കുക, ഇസ്​ലാമിക സംസ്​കാരത്തെ അഭിവൃദ്ധിപ്പെടുത്തുക തുടങ്ങിയ ലക്ഷ്യങ്ങളുമായാണ്​ ശൈഖ്​ ഹമദ്​ അന്താരാഷ്​ട്ര പരിഭാഷ അവാർഡ്​ നൽകുന്നത്​.

Show Full Article
TAGS:hamad qatar gulf news 
Web Title - hamad qatar-gulf news
Next Story