ഹമദിന്​ രക്തം വേണം

ദോ​ഹ: എ ​പോ​സി​റ്റി​വ്, ഒ ​നെ​ഗ​റ്റി​വ്, എ ​നെ​ഗ​റ്റി​വ്, എ​ബി നെ​ഗ​റ്റി​വ് ഗ്രൂ​പ് ര​ക്തം അ​ടി​യ​ന്ത​ര​മാ​യി ആ​വ​ശ്യ​മു​ണ്ടെ​ന്ന് ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നി​ലെ ബ്ല​ഡ് ഡോ​ണ​ർ സെൻറ​ർ അ​റി​യി​ച്ചു. ര​ക്ത​ദാ​താ​ക്ക​ളെ അ​ടി​യ​ന്ത​ര​മാ​യി ആ​വ​ശ്യ​പ്പെ​ട്ട് സ​മൂ​ഹ മാ​ധ്യ​മ​ങ്ങ​ളി​ലൂ​ടെ​യാ​ണ് എ​ച്ച്.​എം.​സി അ​റി​യി​പ്പ് പു​റ​ത്തു​വി​ട്ട​ത്. ര​ക്ത​ദാ​ന​ത്തി​ന് സ​ന്ന​ദ്ധ​ത​യു​ള്ള പു​രു​ഷ​ന്മാ​ർ ഞാ​യ​ർ മു​ത​ൽ വ്യാ​ഴം വ​രെ​യു​ള്ള ദി​വ​സ​ങ്ങ​ളി​ൽ രാ​വി​ലെ ഏ​ഴു മു​ത​ൽ രാ​ത്രി 9.30 വ​രെ ഹ​മ​ദ് ജ​ന​റ​ൽ ആ​ശു​പ​ത്രി​ക്ക് സ​മീ​പ​ത്തു​ള്ള ബ്ല​ഡ് ഡോ​ണ​ർ സെൻറ​റി​ലെ​ത്ത​ണ​മെ​ന്ന് അ​റി​യി​ച്ചു. ശ​നി​യാ​ഴ്ച രാ​വി​ലെ എ​ട്ടു മു​ത​ൽ ഉ​ച്ച​ക്ക് ര​ണ്ടു​വ​രെ​യും ര​ക്തം സ്വീ​ക​രി​ക്കും. വെ​ള്ളി​യാ​ഴ്ച അ​വ​ധി​യാ​യി​രി​ക്കും.

കോ​വി​ഡ് പ​ശ്ചാ​ത്ത​ല​ത്തി​ൽ ക​ർ​ശ​ന സു​ര​ക്ഷ മു​ൻ​ക​രു​ത​ലു​ക​ൾ പാ​ലി​ച്ചാ​യി​രി​ക്കും ര​ക്ത​ദാ​ന​ത്തി​ന് വ​രു​ന്ന​വ​ർ​ക്ക് പ്ര​വേ​ശ​നം അ​നു​വ​ദി​ക്കു​ക. പ്രീ ​സ്​​ക്രീ​നി​ങ്, റെ​ഗു​ല​ർ ക്ലീ​നി​ങ്, സ്ഥ​ല​വും ഉ​പ​ക​ര​ണ​ങ്ങ​ളും അ​ണു​മു​ക്ത​മാ​ക്ക​ൽ തു​ട​ങ്ങി​യ​വ​യും മു​ൻ​ക​രു​ത​ലു​ക​ളു​ടെ ഭാ​ഗ​മാ​യി ന​ട​ക്കും.

ആ​രോ​ഗ്യ​മു​ള്ള​വ​ർ, 17 വ​യ​സ്സി​ന് മു​ക​ളി​ലു​ള്ള​വ​ർ, ദീ​ർ​ഘ​കാ​ല രോ​ഗ​മു​ള്ള​വ​രോ നേ​ര​ത്തെ രോ​ഗ​ബാ​ധി​ത​രോ അ​ല്ലാ​ത്ത​വ​ർ, 50 കി​ലോ​ഗ്രാ​മി​ൽ കു​റ​യാ​ത്ത ശ​രീ​ര​ഭാ​രം, ഹീ​മോ​ഗ്ലോ​ബി​ൻ അ​ള​വ് 13 ഗ്രാം (​പു​രു​ഷ​ന്മാ​ർ​ക്ക്), 12.5 ഗ്രാം (​സ്​​ത്രീ​ക​ൾ​ക്ക്) ഉ​ണ്ടാ​വു​ക എ​ന്നി​വ​യാ​ണ് ര​ക്ത​ദാ​ന​ത്തി​ന് വ​രു​ന്ന​വ​ർ​ക്കു​ള്ള നി​ബ​ന്ധ​ന​ക​ൾ. കൂ​ടാ​തെ ര​ക്ത​ദാ​ന ദി​വ​സം പ​നി, ചു​മ പോ​ലെ​യു​ള്ള രോ​ഗ​ങ്ങ​ളി​ൽ​നി​ന്ന്​ മു​ക്ത​രാ​വു​ക​യും മ​തി​യാ​യ സ​മ​യം ഉ​റ​ക്കം ല​ഭി​ച്ച​വ​രു​മാ​ക​ണം.