​ഹ​മ​ദ്​ ദി ബെ​സ്​​റ്റ്

ദോ​ഹ: ​ലോ​ക​ത്തെ ഏ​റ്റ​വും മി​ക​ച്ച വി​മാ​ന​ത്താ​വ​ള​ത്തി​നു​ള്ള സ്​​കൈ​ട്രാ​ക്​​സ്​ പു​ര​സ്​​കാ​ര​ത്തി​ള​ക്ക​ത്തി​ൽ വീ​ണ്ടും ഖ​ത്ത​റി​ന്റെ ക​വാ​ട​മാ​യ ഹ​മ​ദ്​ അ​ന്താ​രാ​ഷ്​​​ട്ര വി​മാ​ന​ത്താ​വ​ളം. ജ​ർ​മ​നി​യി​ലെ ഫ്രാ​ങ്ക്​​ഫു​ർ​ട്ടി​ൽ ന​ട​ന്ന പാ​സ​ഞ്ച​ർ ടെ​ർ​മി​ന​ൽ എ​ക്​​സ്​​പോ​യി​ലാ​ണ്​ ‘ബെ​സ്​​റ്റ്​ എ​യ​ർ​പോ​ർ​ട്ട്​’ പു​ര​സ്​​കാ​ര​ത്തി​ന്​ ഹ​മ​ദി​നെ തി​ര​ഞ്ഞെ​ടു​ത്ത​ത്. ഷോ​പ്പി​ങ്​ സൗ​ക​ര്യ​ത്തി​ൽ ലോ​ക​ത്തെ ഏ​റ്റ​വും മി​ക​ച്ച വി​മാ​ന​ത്താ​വ​ളം, മി​ഡി​ലീ​സ്​​റ്റി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ളം എ​ന്നീ പു​ര​സ്​​കാ​ര​ങ്ങ​ളും ഖ​ത്ത​റി​ന്റെ ത​ല​യെ​ടു​പ്പാ​യ ഹ​മ​ദ്​ സ്വ​ന്ത​മാ​ക്കി.

പ്ര​വ​ർ​ത്ത​ന​മാ​രം​ഭി​ച്ച്​ പ​ത്താം വ​ർ​ഷം തി​ക​യു​ന്ന വേ​ള​യി​ലാ​ണ്​ അ​ന്താ​രാ​ഷ്​​ട്ര അം​ഗീ​കാ​ര​ങ്ങ​ളു​ടെ തി​ള​ക്കം വീ​ണ്ടു​മെ​ത്തു​ന്ന​ത്. ര​ണ്ടാം ത​വ​ണ​യാ​ണ് ലോ​ക​ത്തി​ലെ മി​ക​ച്ച വി​മാ​ന​ത്താ​വ​ള​മാ​യി മാ​റു​ന്ന​ത്. തു​ട​ർ​ച്ച​യാ​യി പ​ത്താം ത​വ​ണ മി​ഡി​ലീ​സ്റ്റി​ലെ മി​ക​ച്ച വി​മാ​ന​ത്താ​വ​ള​വു​മാ​യി. യാ​ത്ര​ക്കാ​ർ​ക്കി​ട​യി​ൽ ന​ട​ക്കു​ന്ന സ​ർ​വേ​​യു​ടെ​യും വോ​ട്ടി​ങ്ങി​ന്റെ​യും അ​ടി​സ്​​ഥാ​ന​ത്തി​ലാ​ണ്​ സ്​​കൈ​ട്രാ​ക്​​സ്​ പു​ര​സ്​​കാ​രം പ്ര​ഖ്യാ​പി​ക്കു​ന്ന​ത്. ലോ​ക​ത്തെ 500ഓ​ളം അ​ന്താ​രാ​ഷ്​​​ട്ര വി​മാ​ന​ത്താ​വ​ള​ങ്ങ​ൾ ഉ​ൾ​ക്കൊ​ള്ളു​ന്ന മ​ത്സ​ര​ത്തി​ൽ വി​വി​ധ സൂ​ചി​ക​ക​ളി​ലെ പ്ര​ക​ട​നം വി​ല​യി​രു​ത്തി​യാ​ണ്​ സ്​​കൈ​ട്രാ​ക്​​സ്​ പു​ര​സ്​​കാ​രം നി​ർ​ണ​യി​ക്കു​ന്ന​ത്.

ക​ഴി​ഞ്ഞ ഒ​രു പ​തി​റ്റാ​ണ്ട്​ കാ​ല​ത്തി​നു​ള്ളി​ൽ സൗ​ക​ര്യ​ങ്ങ​ളി​ലും സേ​വ​ന​ങ്ങ​ളി​ലും പു​ല​ർ​ത്തി​യ മി​ക​വി​നു​ള്ള അം​ഗീ​കാ​ര​മാ​ണി​തെ​ന്ന്​ ഖ​ത്ത​ർ എ​യ​ർ​വേ​സ്​ ഗ്രൂ​പ്​ സി.​ഇ.​ഒ എ​ൻ​ജി. ബ​ദ​ർ മു​ഹ​മ്മ​ദ്​ അ​ൽ മീ​ർ പ​റ​ഞ്ഞു. അ​ന്താ​രാ​ഷ്​​ട്ര യാ​ത്രി​ക​രു​ടെ പ്ര​ധാ​ന ട്രാ​ൻ​സി​റ്റ്​ ഹ​ബ്ബാ​യി മാ​റി​യ ഹ​മ​ദ്​ വി​മാ​ന​ത്താ​വ​ള​ത്തി​ന്റെ പ്ര​വ​ർ​ത്ത​ന മി​ക​വി​നു​ള്ള അം​ഗീ​കാ​ര​മാ​ണി​തെ​ന്നും, പ​ത്താം വ​ർ​ഷ​ത്തി​ലെ​ത്തു​ന്ന അ​വാ​ർ​ഡ്​ നേ​ട്ടം ​ശ്ര​ദ്ധേ​യ​മാ​ണെ​ന്നും അ​ദ്ദേ​ഹം പ​റ​ഞ്ഞു. മി​ക​ച്ച യാ​ത്രാ​നു​ഭ​വം ന​ൽ​കു​ന്ന​തി​ൽ ജീ​വ​ന​ക്കാ​രു​ൾ​പ്പെ​ടെ​യു​ള്ള​വ​രു​ടെ അ​ർ​പ്പ​ണ​ബോ​ധ​ത്തി​ന്റെ തെ​ളി​വാ​ണി​ത്. സൗ​ക​ര്യ​ങ്ങ​ളി​ലും സേ​വ​ന​ങ്ങ​ളി​ലു​മു​ള്ള മി​ക​വും, റീ​ട്ടെ​യി​ൽ മേ​ഖ​ല​യി​ലെ വ്യാ​പ​നം, ഹോ​സ്പി​റ്റാ​ലി​റ്റി എ​ന്നി​വ​യും ടെ​ർ​മി​ന​ലി​നു​ള്ളി​ൽ സാ​ധ്യ​മാ​ക്കാ​ൻ ക​ഴി​ഞ്ഞെ​ന്നും സി.​ഇ.​ഒ പ​റ​ഞ്ഞു.

വൈ​വി​ധ്യ​മാ​ർ​ന്ന സൗ​ക​ര്യ​ങ്ങ​ൾ വി​മാ​ന​ത്താ​വ​ള​ത്തി​നു​ള്ളി​ൽ ന​ട​പ്പാ​ക്കാ​ൻ ക​ഴി​ഞ്ഞെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. ഖ​ത്ത​രി പൈ​തൃ​കം അ​ന്താ​രാ​ഷ്​​​ട്ര യാ​ത്രി​ക​ർ​ക്ക്​ പ​രി​ച​യ​പ്പെ​ടു​ത്തു​ന്ന സൂ​ഖ്​ അ​ൽ മ​താ​ർ, അ​ത്യാ​ഡം​ബ​ര ഹോ​സ്​​പി​റ്റാ​ലി​റ്റി ന​ൽ​കു​ന്ന ‘ഓ​ർ​ചാ​ഡ്​ തു​ട​ങ്ങി​യ​വ വി​മാ​ന​ത്താ​വ​ള സൗ​ക​ര്യ​ങ്ങ​ളി​ൽ ചി​ല​താ​ണ്.​ 2022 ഫി​ഫ ലോ​ക​ക​പ്പി​ലും തൊ​ട്ടു​പി​ന്നാ​ലെ​യു​ള്ള വ​ർ​ഷ​ങ്ങ​ളി​ലും ഏ​റ്റ​വും കൂ​ടു​ത​ൽ യാ​ത്ര​ക്കാ​രെ കൈ​കാ​ര്യം ചെ​യ്​​ത്​ ച​രി​ത്ര​നേ​ട്ട​വും ഹ​മ​ദ്​ സ്വ​ന്ത​മാ​ക്കി​യി​രു​ന്നു. ഹ​യ്യാ ഉ​ൾ​പ്പെ​ടെ വി​വി​ധ യാ​ത്രാ സൗ​ക​ര്യ​ങ്ങ​ൾ വാ​ഗ്​​ദാ​നം ചെ​യ്​​ത 2023ൽ 4.50 ​കോ​ടി യാ​ത്ര​ക്കാ​രാ​ണ്​ ഹ​മ​ദ്​ വി​മാ​ന​ത്താ​വ​ളം വ​ഴി സ​ഞ്ച​രി​ച്ച​ത്. ലോ​ക​ക​പ്പി​ന്​ വേ​ദി​യൊ​രു​ക്കി​യ വ​ർ​ഷ​ത്തേ​ക്കാ​ൾ 31ശ​ത​മാ​നം വ​ർ​ധ​ന​യാ​ണി​ത്. ​ആ​കാ​ശ എ​യ​ർ, ഇ​ബേ​രി​യ, സി​മാ​മെ​ൻ എ​യ​ർ​ലൈ​ൻ​സ്, ഗ​രു​ഡ ഇ​ന്തോ​നേ​ഷ്യ, ജ​പ്പാ​ൻ എ​യ​ർ​ലൈ​ൻ​സ്​ തു​ട​ങ്ങി അ​ന്താ​രാ​ഷ്​​ട്ര എ​യ​ർ​ലൈ​ൻ ക​മ്പ​നി​ക​ൾ ഏ​റ്റ​വും പു​തു​താ​യി ദോ​ഹ​യി​ൽ​നി​ന്നും സ​ർ​വി​സ്​ ആ​രം​ഭി​ച്ചു. പാ​സ​ഞ്ച​ർ, കാ​ർ​ഗോ, ചാ​ർ​ട്ട​ർ വി​മാ​ന​ങ്ങ​ൾ ഉ​ൾ​പ്പെ​ടെ ലോ​ക​ത്തി​ന്റെ 250ലേ​റെ ​​ന​ഗ​ര​ങ്ങ​ളി​ലേ​ക്ക്​ ദോ​ഹ​യി​ൽ​നി​ന്ന്​ സ​ർ​വി​സു​മു​ണ്ട്.

മി​ഡി​ലീ​സ്​​റ്റി​ൽ ബെ​സ്​​റ്റ്​

ഗ​ൾ​ഫ്, മി​ഡി​ലീ​സ്​​റ്റ്​ മേ​ഖ​ല​യി​ൽ മ​റ്റു രാ​ജ്യ​ങ്ങ​ളെ പി​ന്ത​ള്ളി ഒ​ന്നാം സ്​​ഥാ​ന​ത്താ​ണ്​ ഹ​മ​ദ്​ വി​മാ​ന​ത്താ​വ​ളം. ദു​ബൈ (ര​ണ്ട്), ബ​ഹ്​​റൈ​ൻ (മൂ​ന്ന്), റി​യാ​ദ്​ (നാ​ല്), മ​സ്​​ക​ത്ത് (അ​ഞ്ച്), മ​ദീ​ന (ആ​റ്), ദ​മ്മാം (ഏ​ഴ്), ജി​ദ്ദ (എ​ട്ട്), അ​ബൂ​ദ​ബി (ഒ​മ്പ​ത്), സ​ലാ​ല (പ​ത്ത്) എ​ന്നി​വ​രാ​ണ്​ ആ​ദ്യ പ​ത്തി​ലു​ള്ള മ​റ്റു വി​മാ​ന​ത്താ​വ​ള​ങ്ങ​ൾ.

വേ​ൾ​ഡ്​ ബെ​സ്​​റ്റ്​ ടെ​ൻ

1. ദോ​ഹ ഹ​മ​ദ്​ വി​മാ​ന​ത്താ​വ​ളം

2. സിം​ഗ​പ്പൂ​ർ ചാം​ങി

3. സോ​ൾ ഇ​ഞ്ചി​യോ​ൺ

4. ടോ​ക്യോ ഹ​നേ​ഡ

5. ടോ​ക്യോ ന​രി​റ്റ

6. പാ​രി​സ്​ സി.​ഡി.​ജി

7. ദു​ബൈ അ​ന്താ​രാ​ഷ്​​ട്ര വി​മാ​ന​ത്താ​വ​ളം

8. മ്യൂ​ണി​ക്​ വി​മാ​ന​ത്താ​വ​ളം

9. സൂ​റി​ച്​ വി​മാ​ന​ത്താ​വ​ളം

10. ഇ​സ്​​തം​ബൂ​ൾ എ​യ​ർ​പോ​ർ​ട്ട്​