ഹ​ജ്ജ്, ഉം​റ; അ​ന​ധി​കൃ​ത ഏ​ജ​ൻ​സി​ക​ൾ​ക്ക് പി​ടി​വീ​ഴും

ദോ​ഹ: അം​ഗീ​കാ​ര​മി​ല്ലാ​തെ പ്ര​വ​ർ​ത്തി​ക്കു​ന്ന ഹ​ജ്ജ്, ഉം​റ ഏ​ജ​ൻ​സി​ക​​ൾ​ക്കെ​തി​രെ ന​ട​പ​ടി​ക​ളു​മാ​യി ഇ​സ്‍ലാ​മി​ക മ​ത​കാ​ര്യ മ​ന്ത്രാ​ല​യ​മാ​യ ഔ​ഖാ​ഫ്. ലൈ​സ​ൻ​സും ര​ജി​സ്ട്രേ​ഷ​നു​മി​ല്ലാ​തെ അ​ന​ധി​കൃ​ത​മാ​യി പ്ര​വ​ർ​ത്തി​ക്കു​ന്ന സ്ഥാ​പ​ന​ത്തി​നെ​തി​രെ ന​ട​പ​ടി സ്വീ​ക​രി​ച്ച​താ​യി മ​ന്ത്രാ​ല​യം പ്ര​സ്താ​വ​ന​യി​ൽ അ​റി​യി​ച്ചു. ഖ​ത്ത​റി​ൽ​നി​ന്നും ഹ​ജ്ജി​നും ഉം​റ​ക്കു​മാ​യി പു​റ​പ്പെ​ടു​ന്ന സ്വ​ദേ​ശി​ക​ളും താ​മ​സ​ക്കാ​രു​മാ​യ വി​ശ്വാ​സി​ക​ളു​ടെ സു​ര​ക്ഷി​ത​മാ​യ തീ​ർ​ഥാ​ട​നം ഉ​റ​പ്പാ​ക്കു​ന്ന​തി​ന്റെ ഭാ​ഗ​മാ​യാ​ണ് അ​ധി​കൃ​ത​ർ ക​ർ​ശ​ന​മാ​യ പ​രി​ശോ​ധ​ന​യും പ്ര​ചാ​ര​ണ​വും ആ​രം​ഭി​ക്കു​ന്ന​ത്.

സൗ​ദി​യി​ലെ പു​ണ്യ​ഭൂ​മി​യി​ലേ​ക്ക് പു​റ​പ്പെ​ടു​ന്ന​വ​ർ നി​യ​മ​വി​ധേ​യ​മാ​യ ഏ​ജ​ൻ​സി​ക​ൾ​ക്കൊ​പ്പ​മാ​ണ് സ​ഞ്ച​രി​ക്കു​ന്ന​തെ​ന്ന് ഉ​റ​പ്പാ​ക്ക​ണ​മെ​ന്ന് നി​ർ​ദേ​ശി​ച്ചു. ഹ​ജ്ജി​ന്റെ പ​ശ്ചാ​ത്ത​ല​ത്തി​ൽ സൗ​ദി അ​റേ​ബ്യ ന​ട​പ്പാ​ക്കി​യ ‘അ​നു​മ​തി​യി​ല്ലാ​തെ ഹ​ജ്ജി​ല്ല’ എ​ന്ന കാ​മ്പ​യി​നി​ന്റെ ഭാ​ഗ​മാ​യാ​ണ് ഖ​ത്ത​റി​ലെ ഇ​സ്‍ലാ​മി​ക മ​ത​കാ​ര്യ മ​ന്ത്രാ​ല​യ​വും പ​രി​ശോ​ധ​ന​ക​ളും പ്ര​ചാ​ര​ണ​ങ്ങ​ളും ആ​രം​ഭി​ച്ച​ത്.

ഹ​ജ്ജ്, ഉം​റ തീ​ർ​ഥാ​ട​നം സം​ഘ​ടി​പ്പി​ക്കു​ന്ന ഏ​ജ​ൻ​സി​ക​ൾ​ക്ക് നി​യ​മ​ങ്ങ​ൾ​ക്കും ച​ട്ട​ങ്ങ​ൾ​ക്കും അ​നു​സൃ​ത​മാ​യി ബ​ന്ധ​പ്പെ​ട്ട വ​കു​പ്പി​ൽ​നി​ന്നു​ള്ള ലൈ​സ​ൻ​സ് ആ​വ​ശ്യ​മാ​ണെ​ന്ന് ഔ​ഖാ​ഫ് മ​ന്ത്രാ​ല​യം വ്യ​ക്ത​മാ​ക്കി. ലൈ​സ​ൻ​സി​ല്ലാ​ത്ത ഓ​ഫി​സു​ക​ളു​മാ​യും സ്ഥാ​പ​ന​ങ്ങ​ളു​മാ​യും ചേ​ർ​ന്ന് തീ​ർ​ഥാ​ട​നം ന​ട​ത്തു​ന്ന​തി​നെ​തി​രെ​യും അ​ധി​കൃ​ത​ർ മു​ന്ന​റി​യി​പ്പ് ന​ൽ​കി.

ഹ​ജ്ജ്, ഉം​റ ഏ​ജ​ൻ​സി​ക​ൾ അ​നു​മ​തി​യു​ടെ അ​ടി​സ്ഥാ​ന​ത്തി​ൽ നി​യ​മ​വി​ധേ​യ​മാ​യാ​ണ് പ്ര​വ​ർ​ത്തി​ക്കു​ന്ന​തെ​ന്ന് ഉ​റ​പ്പാ​ക്കാ​ൻ ജു​ഡീ​ഷ്യ​ൽ പൊ​ലീ​സ് പ​രി​ശോ​ധ​ന ന​ട​ത്തും. നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യാ​ൽ ആ​വ​ശ്യ​മാ​യ ന​ട​പ​ടി സ്വീ​ക​രി​ക്കു​മെ​ന്നും വ്യ​ക്ത​മാ​ക്കി.

അ​തേ​സ​മ​യം, ഹ​ജ്ജി​നും ഉം​റ​ക്കു​മാ​യി പു​റ​പ്പെ​ടാ​ൻ ആ​ഗ്ര​ഹി​ക്കു​ന്ന സ്വ​ദേ​ശി​ക​ളും താ​മ​സ​ക്കാ​രും ബ​ന്ധ​പ്പെ​ട്ട സ്ഥാ​പ​ന​ത്തി​ന് അം​ഗീ​കാ​ര​മു​ണ്ടെ​ന്ന് ഉ​റ​പ്പാ​ക്ക​ണ​മെ​ന്ന് മ​ന്ത്രാ​ല​യം നി​ർ​ദേ​ശി​ച്ചു. ഹ​ജ്ജ്, ഉം​റ കാ​ര്യ വ​കു​പ്പി​ന്റെ വെ​ബ്‌​സൈ​റ്റി​ൽ (wഅം​ഗീ​കാ​ര​മി​ല്ലാ​ത്ത ഏ​ജ​ൻ​സി​ക​ൾ​ക്കെ​തി​രെ ന​ട​പ​ടി​ക​ളു​മാ​യി ഔ​ഖാ​ഫ് ഹ​ജ്ജ് വി​ഭാ​ഗം

) അം​ഗീ​കൃ​ത ഏ​ജ​ൻ​സി​ക​ളും പേ​രു​വി​വ​ര​ങ്ങ​ൾ പ്ര​സി​ദ്ധീ​ക​രി​ച്ചി​ട്ടു​ണ്ട്. ഹ​ജ്ജ്, ഉം​റ ഏ​ജ​ൻ​സി​ക​ൾ, പ്ര​ധാ​ന ആ​പ്ലി​ക്കേ​ഷ​നു​ക​ൾ ഉ​ൾ​പ്പെ​ടെ​യു​ള്ള വി​വ​ര​ങ്ങ​ളെ​ല്ലാം വെ​ബ്സൈ​റ്റി​ൽ ല​ഭ്യ​മാ​ണ്.