ഗ​ൾ​ഫ് വ്യാ​പാ​ര​ത്തി​ൽ ഖ​ത്ത​റി​ന്റെ കു​തി​പ്പ്

ദോ​ഹ: ഗ​ൾ​ഫ് മേ​ഖ​ല​യി​ലെ സൗ​ഹൃ​ദ രാ​ജ്യ​ങ്ങ​ളു​മാ​യു​ള്ള വ്യാ​പാ​ര ഇ​ട​പാ​ടി​ൽ റെ​ക്കോ​ഡ് കു​തി​പ്പു​മാ​യി ഖ​ത്ത​ർ. 2024ൽ ​ജി.​സി.​സി രാ​ജ്യ​ങ്ങ​ളു​മാ​യി ഖ​ത്ത​റി​ന്റെ വ്യാ​പാ​ര​ത്തി​ൽ 63.75 ശ​ത​മാ​നം വ​ർ​ധ​ന രേ​ഖ​പ്പെ​ടു​ത്തി​യ​താ​യി ദേ​ശീ​യ പ്ലാ​നി​ങ് കൗ​ൺ​സി​ൽ റി​പ്പോ​ർ​ട്ട് വെ​ളി​പ്പെ​ടു​ത്തു​ന്നു. അ​ഞ്ച് ഗ​ൾ​ഫ് രാ​ജ്യ​ങ്ങ​ളു​മാ​യി ക​ഴി​ഞ്ഞ വ​ര്‍ഷം ആ​ദ്യ എ​ട്ടു​മാ​സ​ത്തി​നി​ട​ക്ക് 3513 കോ​ടി ഖ​ത്ത​ര്‍ റി​യാ​ലി​ന്റെ വ്യാ​പാ​ര​മാ​ണ് ന​ട​ന്ന​ത്. മു​ന്‍ വ​ര്‍ഷം ഇ​ത് 2145 കോ​ടി റി​യാ​ലാ​യി​രു​ന്നു. യു.​എ.​ഇ​യാ​ണ് ഏ​റ്റ​വും വ​ലി​യ വ്യാ​പാ​ര പ​ങ്കാ​ളി. 1890 കോ​ടി റി​യാ​ല്‍ ക​ഴി​ഞ്ഞ വ​ർ​ഷം ആ​ദ്യ എ​ട്ടു​മാ​സ​ത്തി​ലെ വ്യാ​പാ​ര ക​ണ​ക്കു​ക​ൾ. 1486 കോ​ടി റി​യാ​ൽ ക​യ​റ്റു​മ​തി​യും, 400 കോ​ടി റി​യാ​ൽ ഇ​റ​ക്കു​മ​തി​യും ഈ ​വേ​ള​യി​ൽ രേ​ഖ​പ്പെ​ടു​ത്തി. പെ​ട്രോ​ളി​യം ഉ​ല്‍പ​ന്ന​ങ്ങ​ളാ​ണ് ഖ​ത്ത​ര്‍ പ്ര​ധാ​ന​മാ​യും യു.​എ.​ഇ​യി​ലേ​ക്ക് ക​യ​റ്റി അ​യ​ച്ച​ത്. കു​വൈ​ത്തും ഒ​മാ​നു​മാ​ണ് ര​ണ്ടും മൂ​ന്നും സ്ഥാ​ന​ങ്ങ​ളി​ല്‍.

ഈ ​രാ​ജ്യ​ങ്ങ​ളു​മാ​യെ​ല്ലാ​മു​ള്ള വ്യാ​പാ​ര ബ​ന്ധ​ത്തി​ല്‍ ക​യ​റ്റു​മ​തി​യാ​ണ് കൂ​ടു​ത​ല്‍. അ​തേ​സ​മ​യം ജി.​സി.​സി​ക്ക് പു​റ​ത്ത് ചൈ​ന, ദ​ക്ഷി​ണ കൊ​റി​യ, ഇ​ന്ത്യ തു​ട​ങ്ങി​യ രാ​ജ്യ​ങ്ങ​ളാ​ണ് വ്യാ​പാ​ര ബ​ന്ധ​ത്തി​ല്‍ മു​ന്നി​ലു​ള്ള​ത്. ജ​നു​വ​രി മു​ത​ൽ ആ​ഗ​സ്റ്റ് വ​രെ കാ​ല​യ​ള​വി​ലെ റി​പ്പോ​ർ​ട്ടാ​ണ് എ​ൻ.​പി.​സി പ്ര​സി​ദ്ധീ​ക​രി​ച്ച​ത്. ശേ​ഷി​ച്ച നാ​ലു​മാ​സ​ത്തെ റി​പ്പോ​ർ​ട്ട് പു​റ​ത്തു വ​ന്നി​ട്ടി​ല്ല.