ഗൾഫ്​ പ്രതിസന്ധി പരിഹരിക്കൽ മിഡിലീസ്​റ്റ്​ സഖ്യത്തി​െൻറ യഥാർഥ പരീക്ഷണം ^മന്ത്രി

ജി.സി.സിയിലെയും ​േജാർഡൻ, ഇൗജിപ്​ത്​ വിദേശകാര്യമന്ത്രിമാരുടെയും അമേരിക്കൻ സ്​റ്റേറ്റ്​ സെക്രട്ടറിയുടെയും​ യോഗത്തിലാണ്​ വിഷയം ഉയർന്നത്​
ദോഹ: ഗൾഫ്​ പ്രതിസന്ധി പരിഹരിക്കലാണ്​ മിഡിലീസ്​റ്റ്​ സഖ്യം നേരിടുന്ന യഥാർഥ പരീക്ഷണമെന്ന്​ ഉപപ്രധാനമന്ത്രിയും വി​േദശകാര്യ മന്ത്രിയുമായ ശൈഖ്​ മുഹമ്മദ്​ ബിൻ അബ്​ദുൽ റഹ്​മാൻ ആൽഥാനി. ജി.സി.സി അംഗരാജ്യങ്ങൾ, ഇൗജിപ്​ത്​, ജോർഡൻ എന്നിവിടങ്ങളിലെ വിദേശകാര്യമന്ത്രിമാർ അമേരിക്കൻ സ്​റ്റേറ്റ്​ സെക്രട്ടറി മൈക്ക്​ പോംപിയോ എന്നിവർ പ​െങ്കടുത്ത മിഡിലീസ്​റ്റ്​ തന്ത്രപ്രധാന സഖ്യത്തി​​​െൻറ യോഗത്തിൽ സംസാരിക്കുകയായിരുന്നു അദ്ദേഹം.
മിഡിലീസ്​റ്റ്​ മേഖല നേരിടുന്ന സുപ്രധാന വെല്ലുവിളികളും സുരക്ഷ ഭീഷണികളും ന്യൂയോർക്കിൽ നടന്ന യോഗത്തിൽ ചർച്ചയായി. മിഡിലീസ്​റ്റിൽ സുരക്ഷ നിലനിർത്തേണ്ടതി​ന്​ സംയുക്​തവും ഏകീകൃതവുമായ നടപടികൾ സ്വീകരിക്കേണ്ടതുണ്ടെന്ന്​ ഖത്തർ വിദേശകാര്യമന്ത്രി പറഞ്ഞു.

രാജ്യങ്ങളുടെ പരമാധികാരം സംരക്ഷിക്കുന്നതും ജനങ്ങളുടെ ​ആഗ്രഹങ്ങൾ മാനിക്കുന്നതും അടക്കം പൊതുവായ മൂല്യങ്ങൾ സംരക്ഷിക്കുന്ന സഖ്യങ്ങളാണ്​ വിജയം കണ്ടിട്ടുള്ളത്​. എല്ലാവരോടും ശരിയായ രീതിയിൽ ഇടപെടുകയും സഖ്യത്തിലെ പങ്കാളികൾക്കെല്ലാം പ്രയോജനം ലഭിക്കുന്ന സമീപനം ഉണ്ടാകുകയും വേണം. പതിറ്റാണ്ടുകളായി മിഡിലീസ്​റ്റിൽ സുരക്ഷ നിലനിർത്തുന്നതില സുപ്രധാന പങ്കുവഹിച്ച സഖ്യ​ത്തെ ഗൾഫ്​ പ്രതിസന്ധി ബാധിച്ചിട്ടുണ്ടെന്നും അദ്ദേഹം പറഞ്ഞു. ഇൗ സാഹചര്യത്തിൽ ഗൾഫ്​ പ്രതിസന്ധി പരിഹരിക്കലാണ്​ സഖ്യത്തെ സംബന്ധിച്ച യഥാർഥ പരീക്ഷണം. അമേരിക്കയും ഖത്തറുമായുള്ള അടുത്ത ബന്ധത്തെ വിദേശകാര്യ മന്ത്രി പ്രകീർത്തിക്കുകയും ചെയ്​തു. ജി.സി.സി രാജ്യങ്ങൾ ഒറ്റക്കെട്ടായി നിൽക്കണമെന്ന ആഗ്രഹമാണ് അമേരിക്ക പ്രകടിപ്പിച്ചിട്ടുള്ളത്​.ഖത്തറിനെതിരെ സ്വീകരിച്ച നിയമവിരുദ്ധ നടപടികൾ പിൻവലിക്കണമെന്നും അദ്ദേഹം ആവശ്യപ്പെട്ടു.