ഖത്തർ: കമ്പനികളുടെ കമ്പ്യൂട്ടർ കാർഡുകൾ തനിയെ പുതുക്കപ്പെടും

ദോഹ: രാജ്യത്തെ മുഴുവൻ കമ്പനികളുടെയും എസ്​റ്റാബ്ലിഷ്മ​െൻറ് കാർഡുകൾ (കമ്പ്യൂട്ടർ കാർഡ്) ഓട്ടോമാറ്റിക്കായി പുതുക്കപ്പെടുമെന്നും ഇതിനായി ആഭ്യന്തര മന്ത്രാലയം ഡയറക്ടറേറ്റ് സന്ദർശിക്കേണ്ടതില്ലെന്നും ആഭ്യന്തര മന്ത്രാലയം അറിയിച്ചു. കോവിഡ്–19 പ്രതിരോധ പ്രവർത്തനങ്ങളുടെയും രോഗവ്യാപനം തടയുന്നതി​െൻറയും ഭാഗമായാണ് മന്ത്രാലയത്തി​െൻറ നടപടി.

2020 ജനുവരി ഒന്നിനോ അതിന് ശേഷമോ കാലാവധി കഴിഞ്ഞ കാർഡുകളാണ് പുതുക്കുകയെന്ന് ആഭ്യന്തര മന്ത്രാലയത്തെ പ്രതിനിധീകരിച്ച് ജനറൽ ഡയറക്ടറേറ്റ് ഓഫ് പാസ്​പോർട്ട്സ്​ വ്യക്തമാക്കി. 2020 മെയ് ഒന്ന് മുതൽ രണ്ട് മാസത്തേക്കാണ് കമ്പ്യൂട്ടർ കാർഡ് പുതുക്കി നൽകുക. പുതുക്കുന്നതിനുള്ള ഫീസ്​ സംബന്ധിച്ച കാര്യങ്ങൾപിന്നീട് തീർപ്പാക്കും. 

കോവിഡ്–19 വ്യാപനം തടയുന്നതിനും മുൻകരുതൽ നടപടികളുടെ ഭാഗമായും ആഭ്യന്തര മന്ത്രാലയത്തി​െൻറ നിരവധി സേവനങ്ങൾ മെട്രാഷ് 2 വഴി ആക്കിയിട്ടുണ്ട്​. സേവനങ്ങൾ ആവശ്യമുള്ളവർ നിർബന്ധമായും മെട്രാഷ് 2 ഉപയോഗിക്കണം.

വാഹനങ്ങളുടെ നമ്പർപ്ലേറ്റ് മാറ്റുക, വാഹങ്ങൾ ഒഴിവാക്കുക, ക്രിമിനൽ പരാതികൾ സമർപ്പിക്കുക, നവജാത ശിശുക്കളെ ദേശീയ മേൽവിലാസത്തിൽ ചേർക്കുക തുടങ്ങിയ സേവനങ്ങൾ ഈയിടെയായി മന്ത്രാലയം മെട്രാഷ് 2ൽ പുതുതായി ചേർത്തവയാണ്. 

കൂടാതെ പൊലീസ്​ ക്ലിയറൻസ്​ സർട്ടിഫിക്കറ്റ്, കളഞ്ഞുപോയ വസ്​തുക്കളുടെ രജിസ്​േട്രഷൻ, ദേശീയ മേൽവിലാസ രജിസ്​േട്രഷൻ എന്നിവയും മെട്രാഷ് 2 വഴിയോ ആഭ്യന്തര മന്ത്രാലയത്തി​െൻറ വെബ്സൈറ്റ് വഴിയോ ചെയ്യാവുന്നതാണ്.

മെട്രാഷ് 2ൽ ഇതുവരെയായി ഒരു ദശലക്ഷത്തിലധികം ആളുകളാണ് രജിസ്​റ്റർ ചെയ്തിരിക്കുന്നത്. ഈ  വർഷം ഇതുവരെയായി 2.3 ദശലക്ഷം ഇടപാടുകളാണ് മെട്രാഷ് 2ലൂടെ പൂർത്തിയായതെന്ന് നേരത്തെ ആഭ്യന്തര മന്ത്രാലയം വ്യക്തമാക്കിയിരുന്നു.