ഗ​ൾ​ഫ് മാ​ധ്യ​മം-​ഷി ക്യൂ ​എ​ക്സ​ല​ൻ​സ് അ​വാ​ർ​ഡ് നി​ശ: താ​ര ​രാ​വി​ൽ പാ​ർ​വ​തി

ദോ​ഹ: കാ​ത്തി​രി​പ്പു​ക​ൾ​ക്ക്​ അ​റു​തി​യാ​വു​ന്നു. ഖ​ത്ത​റി​ന്‍റെ മ​ണ്ണി​ൽ നേ​ട്ട​ങ്ങ​ൾ കൊ​യ്ത ഇ​ന്ത്യ​ൻ വ​നി​താ​ര​ത്ന​ങ്ങ​ൾ ആ​രെ​ന്ന​റി​യാ​ൻ ഇ​നി മ​ണി​ക്കൂ​റു​ക​ൾ മാ​ത്രം. വെ​ള്ളി​യാ​ഴ്ച ഹോ​ളി​ഡേ ഇ​ൻ അ​ൽ മാ​സ ബാ​ൾ റൂ​മി​ലെ സൂ​പ്പ​ർ​താ​രം മ​ല​യാ​ള ച​ല​ച്ചി​ത്ര​ലോ​ക​ത്തെ അ​ഭി​ന​യ പ്ര​തി​ഭ പാ​ർ​വ​തി തി​രു​വോ​ത്താ​യി​രി​ക്കും. ഓ​രോ വി​ഭാ​ഗ​ത്തി​ലെ​യും വി​ജ​യി​ക​ളു​ടെ പ്ര​ഖ്യാ​പ​ന​വും സ​മ്മാ​ന​ദാ​ന​വും നി​ർ​വ​ഹി​ക്കാ​ൻ പ്രി​യ​പ്പെ​ട്ട താ​ര​മെ​ത്തു​ന്ന ആ​വേ​ശ​ത്തി​ലാ​ണ് ‘ഷി ​ക്യൂ എ​ക്സ​ല​ൻ​സ്’ അ​വാ​ർ​ഡി​ന്റെ ഫൈ​ന​ലി​സ്റ്റു​ക​ളും. ഒ​ന്ന​ര​പ​തി​റ്റാ​ണ്ടി​ലേ​റെ മ​ല​യാ​ള​ത്തി​ലും ത​മി​ഴി​ലും ഉ​ൾ​പ്പെ​ടെ തെ​ന്നി​ന്ത്യ​ൻ സി​നി​മ​ക​ളി​ലൂ​ടെ ദേ​ശീ​യ ശ്ര​​ദ്ധ​നേ​ടി​യ വേ​ഷ​ങ്ങ​ളി​ലൂ​ടെ സി​നി​മാ​പ്രേ​മി​ക​ളു​ടെ മ​ന​സ്സി​ൽ ഇ​ടം​നേ​ടി​യ ഇ​ഷ്​​ട​നാ​യി​ക​യാ​ണ്​ പാ​ർ​വ​തി. ക​ഴി​ഞ്ഞ വ​ർ​ഷം ന​ട​ന്ന പ്ര​ഥ​മ ഷി ​ക്യൂ പു​ര​സ്​​കാ​ര​ത്തി​ൽ മ​മ്​​ത മോ​ഹ​ൻ​ദാ​സാ​യി​രു​ന്നു മു​ഖ്യാ​തി​ഥി.

ആ​ടി​പ്പാ​ടാ​ൻ പാ​ട്ടു​രാ​വ്

പു​ര​സ്കാ​ര​ത്തി​നൊ​പ്പം മ​ധു​ര​സം​ഗീ​തം പെ​യ്തി​റ​ങ്ങു​ന്ന രാ​വു​കൂ​ടി​യാ​ണ് ഹോ​ളി​ഡേ ഇ​ൻ കാ​ത്തു​വെ​ക്കു​ന്ന​ത്. പി​ന്ന​ണി ഗാ​ന​രം​ഗ​ത്തെ ശ്ര​ദ്ധേ​യ താ​ര​നി​ര​ക​ൾ അ​വാ​ർ​ഡ് ച​ട​ങ്ങി​ന് മാ​റ്റു​കൂ​ട്ടാ​ൻ ദോ​ഹ​യി​ൽ ഒ​ത്തു​ചേ​രു​ന്നു. ഹി​ന്ദി ച​ല​ച്ചി​ത്ര​ഗാ​ന​ങ്ങ​ളു​മാ​യി ഇ​ന്ത്യ​യി​ലും വി​ദേ​ശ​രാ​ജ്യ​ങ്ങ​ളി​ലും ഒ​രു​പി​ടി ആ​രാ​ധ​ക​രെ സൃ​ഷ്ടി​ച്ച ര​ച​ന ചോ​പ്ര, എ.​ആ​ർ. റ​ഹ്മാ​നെ പോ​ലും അ​ത്ഭു​ത​പ്പെ​ടു​ത്തി​യ ശ​ബ്ദ​സാ​ദൃ​ശ്യ​വു​മാ​യി ആ​സ്വാ​ദ​ക മ​നം ക​വ​ർ​ന്ന നി​ഖി​ൽ പ്ര​ഭ, റി​യാ​ലി​റ്റി ഷോ​ക​ളി​ലൂ​ടെ വ​ള​ർ​ന്നു​വ​ന്ന് മ​ല​യാ​ള സി​നി​മ​യു​ടെ പി​ന്ന​ണി​ഗാ​ന​ശാ​ഖ​യി​ൽ ശ്ര​ദ്ധേ​യ​നാ​യി മാ​റു​ന്ന ശ്രീ​ജി​ഷ് ചോ​ല​യി​ൽ, പു​തു​ത​ല​മു​റ​യു​ടെ ചു​ണ്ടി​ലെ മൂ​ളി​പ്പാ​ട്ടാ​യി മാ​റി​യ ഒ​രു​പി​ടി ഗാ​ന​ങ്ങ​ൾ​ക്ക് മ​ധു​ര​മൂ​റു​ന്ന ശ​ബ്ദം പ​ക​ർ​ന്ന് താ​ര​മാ​യ വ​ർ​ഷ ര​ഞ്ജി​ത്ത് എ​ന്നി​വ​രാ​ണ് വെ​ള്ളി​യാ​ഴ്ച രാ​ത്രി​യി​ൽ മ​ധു​ര​മൂ​റു​ന്ന സം​ഗീ​ത​വി​രു​ന്നൊ​രു​ക്കു​ന്ന​ത്.

ഇ​വ​ർ​ക്കൊ​പ്പം വ​യ​ലി​ൻ ത​ന്ത്രി​ക​ളി​ലൂ​ടെ അ​ത്ഭു​തം സ​മ്മാ​നി​ക്കാ​ൻ വേ​ദ​മി​ത്ര​യും ഇ​വ​ർ​ക്കൊ​പ്പം ചേ​രു​ന്ന​തോ​ടെ ‘ഷി ​ക്യൂ എ​ക്സ​ല​ൻ​സ്’ പു​ര​സ്കാ​ര​രാ​വ് സ​മ്മാ​നി​ക്കു​ന്ന​ത് അ​തു​ല്യ​മാ​യൊ​രു അ​നു​ഭ​വം ത​ന്നെ​യാ​യി മാ​റും. അ​വാ​ർ​ഡ് പ്ര​ഖ്യാ​പ​ന​വും സം​ഗീ​ത​പ​രി​പാ​ടി​ക​ളു​മാ​യി മ​ണി​ക്കൂ​റു​ക​ൾ നീ​ണ്ടു​നി​ൽ​ക്കു​ന്ന പ​രി​പാ​ടി​യു​ടെ മു​ഖ്യ അ​വ​താ​ര​ക​നാ​യി മി​ഥു​ൻ ര​മേ​ശും വേ​ദി​യെ സ​മ്പ​ന്ന​മാ​ക്കും.