ഗൾഫ്​മാധ്യമം 'ഖത്തർ റൺ 2021' വെള്ളിയാഴ്​ച; ഒരു ദേശം ആരോഗ്യത്തിലേക്ക്​ കുതിക്കും

ദോഹ: ഫെബ്രുവരി അഞ്ചിന്​ ഒരു ദേശം ആരോഗ്യത്തിലേക്ക്​ കുതിക്കുകയാണ്​. ദേശീയകായികദിനത്തോടനുബന്ധിച്ച്​ ഗൾഫ്​ മാധ്യമം സംഘടിപ്പിക്കുന്ന 'ഖത്തർ റൺ 2021' ​വരുന്ന വെള്ളിയാഴ്​ച രാവിലെ 6.30ന്​ ദോഹ ആസ്​പെയർ പാർക്കിൽ. പൂർണമായും കോവിഡ്​ ​​േ​പ്രാ​ട്ടോകോൾ പാലിച്ചാണ്​ പരിപാടി. ആരോഗ്യ മന്ത്രാലയത്തിൻെറ നിർദേശപ്രകാരം മാരത്തൺ പോലുള്ള പുറത്തുള്ള പരിപാടികൾ നടത്താൻ തടസമില്ല. ദേശീയ കായികദിന കമ്മിറ്റിയുടെ നിർദേശങ്ങൾ അനുസരിച്ചാണ്​ 'നല്ല ആരോഗ്യത്തിലേക്ക്​' എന്ന സന്ദേശവുമായി 'ഖത്തർ റൺ' ആസൂത്രണം ചെയ്​തിരിക്കുന്നത്​. ഗ്രാൻറ്​മാൾ ഹൈപ്പർമാർക്കറ്റാണ്​ മുഖ്യ​പ്രായോജകർ. പത്ത്​ കിലോമീറ്റർ, അഞ്ച്​ കിലോമീറ്റർ, മൂന്ന്​ കിലോമീറ്റർ വിഭാഗങ്ങളിലായാണ്​ മൽസരം.

പത്ത്​ കിലോമീറ്റർ, അഞ്ച്​ കിലോമീറ്റർ വിഭാഗത്തിൽ പുരുഷൻമാർക്കും സ്​ത്രീകൾക്കും വെവ്വേറെയാണ്​ മൽസരം. 110 റിയാൽ ആണ്​ രജിസ്​ട്രേഷൻ ഫീസ്​. ജൂനിയർ വിഭാഗത്തിൽ​ മൂന്നുകിലോമീറ്ററിലാണ്​ മൽസരം. 55 റിയാലാണ്​ ഫീസ്​. ഏഴ്​ വയസുമുതൽ 15​ വയസുവരെയുള്ളവർക്ക്​ പ​ങ്കെടുക്കാം. ആൺകുട്ടികൾക്കും പെൺകുട്ടികൾക്കും ​വെവ്വേറെയാണ്​ മൽസരം. ഏഴ്​ മുതൽ പത്ത്​ വയസുവരെയുള്ളവർക്ക്​ ​ൈപ്രമറി വിഭാഗത്തിലും 11 വയസുമുതൽ 15 വയസുവരെയുള്ളവർ സെകൻഡറി വിഭാഗത്തിലുമാണ്​ മൽസരിക്കുക. എല്ലാ വിഭാഗത്തിലും ആദ്യ മൂന്നുസ്​ഥാനത്തെത്തുന്നവരെ ഗംഭീര സമ്മാനങ്ങളാണ്​ കാത്തിരിക്കുന്നത്​. വിവരങ്ങൾക്ക്​ 55373946, 66742974 എന്നീ നമ്പറുകളിൽ വിളിക്കാം. കഴിഞ്ഞ വർഷം നടത്തിയ 'ഖത്തർ റൺ' ആദ്യഎഡിഷൻ വൻവിജയമായിരുന്നു. വിവിധ രാജ്യക്കാരായ നിരവധി പേരാണ്​ അന്ന്​ ഓട്ടത്തിൽ പ​ങ്കെടുത്തത്​.

'ഖത്തർ റൺ' ജഴ്​സി പ്രകാശനം ചെയ്​തു

ഖത്തർ ദേശീയകായികദിനത്തോടനുബന്ധിച്ച്​ 'നല്ല ആരോഗ്യത്തിലേക്ക്​' എന്ന സന്ദേശവുമായി ഗൾഫ്​മാധ്യമം ഒരുക്കുന്ന രണ്ടാമത്​ 'ഖത്തർ റൺ 2021'ൻെറ ജഴ്​സി ഉക്രൈൻ സ്വദേശിയും കായികതാരവുമായ ടിഷ്യാന പിഡോറിന പ്രകാശനം ചെയ്​തു. കഴിഞ്ഞ വർഷത്തെ ഖത്തർ റണിലെ അഞ്ച്​ കിലോമീറ്റർ വനിതാവിഭഗത്തിലെ ഒന്നാംസ്​ഥാനക്കാരിയാണ്​ ടിഷ്യാന. ഗൾഫ്​മാധ്യമം മീഡിയാവൺ എക്​സിക്യുട്ടീവ്​ കമ്മിറ്റി ചെയർമാൻ റഹീം ഓമശ്ശേരി ജഴ്​സി കൈമാറി. യു ഗോ പേവേ സെയിൽസ്​ ആൻറ്​ മാർക്കറ്റിങ്​ മാനേജർ​ വിസാം റഈസ്​, ഓപറേഷൻസ്​ മാനേജർ പ്രതീഷ്​ വിജയൻ, ന്യൂഇയർ സെൻറർ ഓപറേഷൻസ്​ മാ​നേജർ റിസ, ഗൾഫ്​ മാധ്യമം മീഡിയാവൺ എക്​സിക്യുട്ടീവ്​ കമ്മിറ്റി വൈസ്​ചെയർമാൻ നാസർ ആലുവ, അംഗം അസ്​ഹർ അലി, മാർക്കറ്റിങ്​ ആൻറ്​ അഡ്​മിൻമാനേജർ ആർ.വി. റഫീക്ക്​, അക്കൗണ്ട്​ വിഭാഗം ഹെഡ്​ പി. അമീർ അലി, സർക്കുലേഷൻ വിഭാഗം ഹെഡ്​ ഷംസുദ്ദീൻ മാമ്പള്ളി, ബ്യൂറോ ചീഫ്​ ഒ. മുസ്​തഫ എന്നിവർ ചടങ്ങിൽ പ​ങ്കെടുത്തു.

'ഇത്​ ആരോഗ്യത്തിലേക്കുള്ള ക്ഷണം'

ഗൾഫ്​മാധ്യമത്തിൻെറ 'ഖത്തർ റൺ' ശരിക്കും ആരോഗ്യത്തിലേക്കുള്ള ക്ഷണമാണെന്ന്​ കഴിഞ്ഞ കൊല്ലത്തെ അഞ്ചുകിലോമീറ്റർ വിഭാഗത്തിലെ വിജയിയായ ടിഷ്യാന പിഡോറിന പറഞ്ഞു. എല്ലാവരും പരിപാടിയിൽ പ​ങ്കെടുക്കണം. കഴിഞ്ഞതവണത്തെ പരിപാടി ഏറെ മികച്ചതായിരുന്നു. വിവിധ രാജ്യങ്ങളിലെ താരങ്ങളാണ്​ അന്ന്​ പ​ങ്കെടുത്തത്​. മികച്ച അനുഭവമായിരുന്നു അത്​. സംഘാടനമികവും പങ്കാളിത്തം കൊണ്ടും മികച്ചുനിന്നു. ഇത്തവണയും പ​ ങ്കെടുക്കാൻ കാത്തിരിക്കുകയാണ്​. ആരോഗ്യമുള്ള ശരീരമാണ്​ ജീവിതവിജയത്തിൻെറ പ്രധാനഘടകം. മൽസരത്തിൽ ജയിക്കുക എന്നതിനപ്പുറം പ​ങ്കെടുക്കുക എന്നതാണ്​ പ്രധാനം. ഇത്തരത്തിലുള്ള കായികക്ഷമത വളർത്താനുള്ള പരിപാടികൾ പ്രോൽസാഹിപ്പിക്കപ്പെടേണ്ടതാണെന്നും ടിഷ്യാന പറഞ്ഞു