മാ​ലി​ന്യ പു​ന​രു​പ​യോ​ഗ പാ​ഠ​ങ്ങ​ളു​മാ​യി 'ഗ്രീ​ൻ ഐ​ല​ൻ​ഡ്'​

ദോ​ഹ: പേ​പ്പ​ർ, പ്ലാ​സ്റ്റി​ക്, അ​ലൂ​മി​നി​യം കാ​നു​ക​ൾ, ഇ-​വേ​സ്റ്റു​ക​ൾ, ബാ​റ്റ​റി, ജൈ​വ​​മാ​ലി​ന്യം തു​ട​ങ്ങി പാ​ഴ്​​വ​സ്തു​ക്ക​ൾ പു​നഃ​ചം​ക്ര​മ​ണം ചെ​യ്ത്​ പു​തി​യ നി​ർ​മി​തി​ക​ളാ​ക്കി അ​റി​വും വി​നോ​ദ​വും പ​ക​രു​ന്ന കേ​ന്ദ്രം ഒ​രു​ങ്ങു​ന്നു. ഖ​ത്ത​ർ ഫൗ​ണ്ടേ​ഷ​നു കീ​ഴി​ൽ എ​ജു​ക്കേ​ഷ​ൻ സി​റ്റി​യി​ലാ​ണ്​ രാ​ജ്യ​ത്തെ പ്ര​ഥ​മ റീ​സൈ​ക്ലി​ങ് ഹ​ബ് നി​ർ​മി​ക്കു​ന്ന​ത്. സീ​ഷോ​ർ ഗ്രൂ​പ്പു​മാ​യി സ​ഹ​ക​രി​ച്ച് ഗ്രീ​ൻ ഐ​ല​ൻ​ഡ് എ​ന്ന പേ​രി​ൽ നി​ർ​മി​ക്കു​ന്ന റീ​സൈ​ക്ലി​ങ് ഹ​ബി​ന്‍റെ പ്ര​ഖ്യാ​പ​നം ആ​ഗോ​ള റീ​സൈ​ക്ലി​ങ് ദി​ന​ത്തോ​ട​നു​ബ​ന്ധി​ച്ച്​ ഖ​ത്ത​ർ ഫൗ​ണ്ടേ​ഷ​ൻ ന​ട​ത്തി.

പു​നഃ​ചം​ക്ര​മ​ണം ചെ​യ്യാ​വു​ന്ന ആ​റ് വി​ഭാ​ഗം മാ​ലി​ന്യം ഉ​പ​യോ​ഗ​പ്പെ​ടു​ത്തി​യാ​ണ്​ ഗ്രീ​ൻ ഐ​ല​ൻ​ഡ് പ്ര​വ​ർ​ത്ത​നം. സൗ​രോ​ർ​ജ​ത്തി​ൽ​നി​ന്നും ഭാ​ഗി​ക​മാ​യി ഊ​ർ​ജം ന​ൽ​കു​ന്ന പ​ദ്ധ​തി​യി​ലേ​ക്ക് ട്രാ​മു​ൾ​പ്പെ​ടെ​യു​ള്ള പൊ​തു​ഗ​താ​ഗ​ത മാ​ർ​ഗ​ങ്ങ​ളു​പ​യോ​ഗി​ച്ച് എ​ത്തി​ച്ചേ​രാം.

ഈ ​വ​ർ​ഷം ഒ​ക്ടോ​ബ​റി​ൽ പൊ​തു​ജ​ന​ങ്ങ​ൾ​ക്ക് തു​റ​ന്നു​കൊ​ടു​ക്കു​ന്ന ഗ്രീ​ൻ ഐ​ല​ൻ​ഡി​ന്‍റെ പ്രാ​രം​ഭ നി​ർ​മാ​ണം ആ​രം​ഭി​ച്ച​താ​യി അ​ധി​കൃ​ത​ർ അ​റി​യി​ച്ചു. 8000 ച​തു​ര​ശ്ര മീ​റ്റ​റി​ൽ വ്യാ​പി​ച്ചു​കി​ട​ക്കു​ന്ന ഗ്രീ​ൻ ഐ​ല​ൻ​ഡ് മി​ലാ​ഹ സം​ഭാ​വ​ന ചെ​യ്ത 95 ഷി​പ്പി​ങ് ക​ണ്ടെ​യ്ന​റു​ക​ൾ​കൊ​ണ്ടാ​ണ് നി​ർ​മി​ക്കു​ക.

ഓ​രോ ക​ണ്ടെ​യ്ന​റു​ക​ളി​ലും മാ​ലി​ന്യം റീ​സൈ​ക്കി​ൾ ചെ​യ്യു​ന്ന വി​ധം പൊ​തു​ജ​ന​ങ്ങ​ൾ​ക്ക് മു​ന്നി​ൽ പ്ര​ദ​ർ​ശി​പ്പി​ക്കു​ന്ന​തി​നാ​യി കൂ​റ്റ​ൻ സ്​​ക്രീ​നും സ്​​ഥാ​പി​ക്കും. റി​സ​ർ​ച് ലാ​ബു​ക​ൾ, ഗി​ഫ്റ്റ് ഷോ​പ്, പ്ര​ദ​ർ​ശ​ന​ങ്ങ​ൾ​ക്കും മ​റ്റു പ​രി​പാ​ടി​ക​ൾ​ക്കു​മാ​യു​ള്ള തു​റ​സ്സാ​യ സ്​​ഥ​ലം, ഓ​ർ​ഗാ​നി​ക് ക​ഫേ​ക​ൾ, വെ​ർ​ട്ടി​ക്കി​ൾ ഫാ​മു​ൾ​പ്പെ​ടെ​യു​ള്ള റ​സ്​​റ്റാ​റ​ൻ​റ് എ​ന്നി​വ​യും ഐ​ല​ൻ​ഡി​ലു​ണ്ടാ​കും.

പു​ന​രു​പ​യോ​ഗി​ക്കാ​വു​ന്ന മാ​ലി​ന്യ​ങ്ങ​ളി​ൽ​നി​ന്നും ക​ണ്ടെ​ത്തു​ന്ന ക​ലാ​സൃ​ഷ്​​ടി​ക​ൾ പ്ര​ദ​ർ​ശി​പ്പി​ക്കു​ന്ന​തി​നു​ള്ള ആ​ർ​ട്ട് ഗാ​ല​റി​യും ത്രി​മാ​ന പ്രി​ൻ​റി​ങ് ലാ​ബും സ​ജ്ജ​മാ​ക്കു​ന്നു​ണ്ട്. ഉ​പ​യോ​ഗം ക​ഴി​യു​ന്ന വ​സ്തു​ക്ക​ൾ, വീ​ണ്ടും പു​ന​രു​പ​യോ​ഗി​ക്കു​ന്ന​ത്​ എ​ങ്ങ​നെ​യെ​ന്ന്​ പൊ​തു​ജ​ന​ങ്ങ​ളി​ലേ​ക്ക്​ പ​ക​രു​ക​യാ​ണ്​ പ​ദ്ധ​തി​യു​ടെ ല​ക്ഷ്യം.

മ​ലി​നീ​ക​ര​ണം കു​റ​ച്ച്, പ​രി​സ്ഥി​തി സൗ​ഹൃ​ദ രാ​ജ്യം കെ​ട്ടി​പ്പ​ടു​ക്കു​ന്ന​തി​ന്‍റെ ഭാ​ഗ​മാ​യി യു​വ​ത​ല​മു​റ​യെ​യാ​ണ്​ ഗ്രീ​ൻ ഐ​ല​ൻ​ഡ്​ പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​തെ​ന്ന്​ സ​സ്​​റ്റെ​യ്ന​ബി​ലി​റ്റി മാ​നേ​ജ​ർ ന​വാ​ൽ അ​ൽ സു​ലൈ​തി പ​റ​ഞ്ഞു. മു​തി​ർ​ന്ന​വ​രേ​ക്കാ​ൾ യു​വാ​ക്ക​ളി​ൽ പു​തി​യ ശീ​ലം സൃ​ഷ്ടി​ക്കാ​നാ​ണ്​ എ​ളു​പ്പം. പു​തി​യ ശീ​ലം പ​ഠി​ച്ചെ​ടു​ക്കു​ന്ന യു​വ​ത്വം അ​ത് ​എ​ളു​പ്പ​ത്തി​ൽ കു​ടും​ബ​ത്തി​ലേ​ക്കു​മെ​ത്തി​ക്കും.

മാ​റ്റ​ങ്ങ​ളി​ലേ​ക്കും അ​തു​വ​ഴി പ​രി​സ്ഥി​തി സൗ​ഹൃ​ദ സു​സ്ഥി​ര പ​ദ്ധ​തി​ക​ൾ ല​ക്ഷ്യ​ത്തി​ലെ​ത്തി​ക്കാ​നും ക​ഴി​യും -അ​ൽ സു​ലൈ​തി വി​ശ​ദീ​ക​രി​ച്ചു. പൊ​തു​ജ​ന​ങ്ങ​ൾ​ക്ക്​ ബോ​ധ​വ​ത്ക​ര​ണ​വും അ​റി​വ്​ പ​ക​ര​ലു​മാ​ണ്​ പ​ദ്ധ​തി​യു​ടെ പ്ര​ധാ​ന ദൗ​ത്യ​മെ​ന്നും അ​വ​ർ പ​റ​ഞ്ഞു.