ഗ്രാൻഡ് മാൾ മെഗാ പ്രമോഷൻ; രണ്ടാംഘട്ട വിജയികളെ തെരഞ്ഞെടുത്തു
text_fieldsഗ്രാൻഡ്മാൾ മെഗാ പ്രമോഷൻ രണ്ടാംഘട്ട നറുക്കെടുപ്പ് വാണിജ്യ മന്ത്രാലയം പ്രതിനിധിയുടെ സാന്നിധ്യത്തിൽ നടന്നപ്പോൾ
ദോഹ: രാജ്യത്തെ മുൻനിര ഹൈപ്പർമാർക്കറ്റ് ശൃംഖലയായ ഗ്രാൻഡ് മാൾ ഹൈപ്പർമാർക്കറ്റിൽ ‘ബയ് ആൻഡ് ഗെറ്റ് ക്യാഷ് ആൻഡ് കാർ’ മെഗാ പ്രമോഷൻ രണ്ടാംഘട്ട വിജയികളെ തിരഞ്ഞെടുത്തു. ഏഷ്യൻ ടൗണിൽ നടന്ന ചടങ്ങിൽ ഖത്തർ വാണിജ്യ വിഭാഗം ഉദ്യോഗസ്ഥൻ 15 വിജയികളെ നറുക്കെടുപ്പിലൂടെ തിരഞ്ഞെടുത്തു. ഭാഗ്യശാലികൾക്ക് 5000 ഖത്തർ റിയാലാണ് സമ്മാനമായി ലഭിക്കുന്നത്. ഈ വർഷം ഏപ്രിൽ ഒന്നിന് തുടങ്ങി ജൂൺ 21, വരെ നീളുന്ന റാഫിൾ പ്രമോഷനിലൂടെ ഉപഭോക്താക്കൾക്ക് പുതിയ മോഡൽ ജെറ്റൂർ ടി2 കാറും 2,00,000 റിയാലിന്റെ ക്യാഷ് സമ്മാനവുമാണ് നൽകുന്നത്.
മെഗാ പ്രമോഷന്റെ അവസാന ഘട്ട നറുക്കെടുപ്പ് ജൂൺ 21ന് നടക്കും. അന്നേ ദിവസം 10 ഭാഗ്യശാലികൾക്കായി 5000 റിയാൽ ക്യാഷ് പ്രൈസും ബംപർ സമ്മാനവും തെരഞ്ഞെടുക്കും. ഗ്രാൻഡ് ഹൈപ്പർമാർക്കറ്റ്, ഗ്രാൻഡ് എക്സ്പ്രസ് ഔട്ട്ലറ്റുകളിൽനിന്നും 50 റിയാലിനോ അതിനു മുകളിലോ ഷോപ്പിങ് നടത്തുമ്പോൾ ലഭിക്കുന്ന റാഫിൾ കൂപ്പൺ വഴി ഉപഭോക്താക്കൾക്ക് പങ്കെടുക്കാവുന്നതാണ്.
നറുക്കെടുപ്പ് വേളയിൽ ഗ്രാൻഡ് മാൾ സി.ഇ.ഒ ശരീഫ് ബി.സി, അഡ്മിൻ മാനേജർ നിതിൽ, ഏരിയ മാനേജർ ബഷീർ പരപ്പിൽ, പി.ആർ മാനേജർ സിദ്ദീഖ്, മാർക്കറ്റിങ് മാനേജർ ഷംസീർ, എ.എം.എം പ്രവീൺ എന്നിവർ പങ്കെടുത്തു. ഉപഭോക്താക്കൾക്ക് ആകർഷകമായ ഷോപ്പിങ് അനുഭവം സമ്മാനിക്കുകയും, ഗുണനിലവാരവും വിശ്വാസ്യതയും ഉറപ്പുവരുത്തുകയും ചെയ്യുക എന്നതാണ് ഗ്രാൻഡ് ഹൈപ്പർമാർക്കറ്റിന്റെ ലക്ഷ്യം എന്ന് റീജനൽ ഡയറക്ടർ അഷ്റഫ് ചിറക്കൽ പറഞ്ഞു. ഈ അവസരം എല്ലാ ഉപഭോക്താക്കളും പരമാവധി ഉപയോഗപ്പെടുത്തണമെന്നും അദ്ദേഹം കൂട്ടിച്ചേർത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

