ഷഹാനിയയിൽ ​'ഗ്രാൻഡ്​ എക്​സ്​പ്രസ്​' ഓപണിങ്​

ദോഹ: ഗൾഫ്​ രാജ്യങ്ങളിലെ പ്രമുഖ ജനകീയ റീ​ട്ടെയിൽ ​വ്യാപര ശൃ​ംഖലയായ ഗ്രാൻഡ്​ ഹൈപ്പർ മാർക്കറ്റി‍െൻറ 74ാമത്​ ഷോറൂമിന്​ ഖത്തറിലെ ഷഹാനിയയിൽ പ്രൗഢഗംഭീരമായ തുടക്കം. വിശിഷ്​ടാതിഥികൾ പ​ങ്കെടുത്ത ചടങ്ങിൽ ഫഹദ് അല്‍ ദോസരി 'ഗ്രാൻഡ്​ എക്​സ്​പ്രസി‍െൻറ' ഉദ്​ഘാടനം നിർവഹിച്ചു.

ഗ്രാൻഡ്​ ഹൈപ്പർമാർക്കറ്റി‍െൻറ ഖത്തറിലെ അഞ്ചാമത്തെ കേന്ദ്രം കൂടിയാണ്​ ഒട്ടക നഗരിയായ ഷഹാനിയയിൽ പ്രവർത്തനമാരംഭിച്ചത്​. വെള്ളിയാഴ്​ച വൈകീട്ട്​ നാലിന്​​ നടന്ന ഉദ്​ഘാടന ചടങ്ങിൽ ഗ്രാന്‍ഡ് ഹൈപ്പര്‍ മാർക്കറ്റ്​ മാനേജിങ് ഡയറക്ടര്‍ ഡോ. അന്‍വര്‍ അമീന്‍, റീജനല്‍ ഡയറക്ടര്‍ അഷ്റഫ് ചിറക്കല്‍ തുടങ്ങിയവര്‍ സംബന്ധിച്ചു.

മിതമായ വിലയിൽ എല്ലാ വസ്​തുക്കളും ഒരു കുടക്കീഴിൽ സജ്​ജീകരിച്ചാണ്​ പുതിയ സ്​ഥാപനം പ്രവർത്തനമാരംഭിച്ചത്​. രണ്ട് നിലകളിലായി വിശാലമായ സൗകര്യങ്ങൾ ഒരുക്കി 'ഗ്രാന്‍ഡ് എക്സ്പ്രസ്സ്' ഉപഭോക്താക്കളെ വരവേല്‍ക്കുന്നു. പച്ചക്കറികള്‍, പഴവര്‍ഗങ്ങള്‍, മത്സ്യമാംസാദികള്‍, പാല്‍ ഉല്‍പന്നങ്ങള്‍, മൊബൈല്‍ ഇലക്ട്രോണിക് ഉല്‍പന്നങ്ങള്‍, വീട്ടുപകരണങ്ങള്‍, സ്​റ്റേഷനറി തുടങ്ങിയവയുടെ വിപുലവും വൈവിധ്യവുമായ ശേഖരവുമുണ്ട്​.

ജി.സി.സിയിൽ തങ്ങളുടെ 74ാം ഷോറൂം ഷഹാനിയയിൽ പ്രവർത്തനമാരംഭിച്ചതിൽ സന്തോഷമുണ്ടെന്ന്​​ എം.ഡി ഡോ. അൻവർ അമീൻ പറഞ്ഞു. ഏറ്റവും മികച്ച ഉപഭോക്​തൃ സേവനം ഉറപ്പുവരുത്തിയാവും ഗ്രാൻഡ്​ എക്​സ്​പ്രസി‍െൻറ പ്രവർത്തനമെന്ന്​ റീജനൽ ഡയറക്​ടർ അഷ്​റഫ്​ ചിറക്കൽ പറഞ്ഞു. വിവിധ ഉല്‍പന്നങ്ങള്‍ക്ക് വന്‍ വിലക്കിഴിവ് ഉള്‍പ്പെടെയുള്ള ഓഫറുകളും ഉദ്ഘാടനത്തോടനുബന്ധിച്ച് ഒരുക്കിയിട്ടുണ്ട്.