ഗ്രേസ്​ പിരീഡ്​: സംശയ നിവാരണ​ വെബിനാർ ഇന്ന്

ദോഹ: ഖത്തറിൽ എൻട്രി-എക്സിറ്റ്​ ചട്ടങ്ങൾ ലംഘിച്ച്​ രാജ്യത്ത്​ തുടരുന്ന ​പ്രവാസികൾക്ക് താമസരേഖകൾ ശരിയാക്കാനുള്ള സമയപരിധി മാർച്ച്‌ 31ന് അവസാനിക്കാനിരിക്കെ ഇന്ത്യൻ സമൂഹത്തിന്​ ഇതുമായി ബന്ധപ്പെട്ട സംശയങ്ങൾ തീർക്കാൻ പ്രത്യേക വെബിനാർ സംഘടിപ്പിക്കുന്നു. ഇന്ത്യൻ കൾചറൽ സെന്‍റർ, ഇന്ത്യൻ കമ്യൂണിറ്റി ബെനവലന്‍റ്​ ഫോറം എന്നിവരുമായി ചേർന്ന്​ ആഭ്യന്തര മന്ത്രാലയം സംഘടിപ്പിക്കുന്ന വെബിനാറിൽ ഇന്ത്യൻ പ്രവാസികൾക്ക്​ പ​ങ്കെടുക്കാം. തിങ്കളാഴ്ച വൈകീട്ട്​ ഏഴിനാണ്​ 'സിസ്​കോ വെബെക്സ്​' ആപിലാണ്​ വെബിനാർ. പങ്കെടുക്കാൻ താൽപര്യമുള്ളവർക്ക്​ വെബിനാറിന്‍റെ ഭാഗമാവാമെന്ന് സംഘാടകർ അറിയിച്ചു. അറബിക്കിലാണ്​ പരിപാടിയെങ്കിലും ഇംഗ്ലീഷ് പരിഭാഷ ലഭ്യമായിരിക്കും.

പങ്കെടുക്കാൻ ആഗ്രഹിക്കുന്നവർ https://forms.gle/bp2xDASTzc6Y2ggQ8 എന്ന ലിങ്ക്​ വഴി രജിസ്​റ്റർ ചെയ്യണം. വെബെക്സ്​ മീറ്റിങ്​ ലിങ്ക്​.

https://moitelecoms.webex.com/moitelecoms/j.php?MTID=mce8a2fc99836f3ad7d25d51b0e0bb578. മീറ്റിങ്​ നമ്പർ: 2407 692 3873 ; പാസ്​വേഡ്​ : 1234