അ​വ​ധി​ക്കാ​ല​ത്തി​ന് സ​ലാം; ഇ​നി ജോ​ലി​ത്തി​ര​ക്ക്

ദോ​ഹ: സ്വ​കാ​ര്യ തൊ​ഴി​ൽ മേ​ഖ​ല​ക​ൾ​ക്കു പി​ന്നാ​ലെ, ഞാ​യ​റാ​ഴ്ച മു​ത​ൽ ഖ​ത്ത​റി​ലെ സ​ർ​ക്കാ​ർ ഓ​ഫി​സു​ക​ൾ, മ​ന്ത്രാ​ല​യം, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ എ​ന്നി​വ​യും സ​ജീ​വ​മാ​കു​ന്നു. നീ​ണ്ട പെ​രു​ന്നാ​ൾ അ​വ​ധി​യും ​​രാ​ജ്യ​ത്തി​ന്റെ വി​വി​ധ ​വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ വേ​ദി​യാ​യ പെ​രു​ന്നാ​ൾ ആ​ഘോ​ഷ​ങ്ങ​ളും അ​വ​സാ​നി​ച്ചാ​ണ് ഓ​ഫി​സു​ക​ൾ വീ​ണ്ടും തു​റ​ക്കു​ന്ന​ത്. ​ഏ​പ്രി​ൽ 21ന് ​പെ​രു​ന്നാ​ൾ ആ​ഘോ​ഷി​ക്കു​ന്ന​തി​നും ര​ണ്ടു ദി​വ​സം മു​മ്പ് 18ന് ​ത​ന്നെ ഖ​ത്ത​റി​ലെ പൊ​തു​മേ​ഖ​ലാ സ്ഥാ​പ​ന​ങ്ങ​ൾ​ക്ക് അ​വ​ധി ന​ൽ​കി​യി​രു​ന്നു. 27വ​രെ നീ​ണ്ട പൊ​തു​അ​വ​ധി​യും, വാ​രാ​ന്ത്യ അ​വ​ധി​യു​മാ​യി 12 ദി​വ​സം നീ​ണ്ട അ​വ​ധി​ക്കാ​ല​വും ക​ഴി​ഞ്ഞാ​ണ് സ​ർ​ക്കാ​ർ, പൊ​തു​മേ​ഖ​ല ​സ്ഥാ​പ​ന​ങ്ങ​ളി​ലെ ജീ​വ​ന​ക്കാ​ർ വീ​ണ്ടും ജോ​ലി​ക്കെ​ത്തു​ന്ന​ത്. അ​തേ​സ​മ​യം, വൈ​ദ്യു​തി, ഗ​താ​ഗ​തം ഉ​ൾ​പ്പെ​ടെ അ​വ​ശ്യ​സേ​വ​ന മേ​ഖ​ല​ക​ളി​ലു​ള്ള​വ​ർ ഓ​വ​ർ​ടൈം മാ​ന​ദ​ണ്ഡ​ത്തി​ലാ​ണ് ജോ​ലി​ചെ​യ്ത​ത്.

സ്വ​കാ​ര്യ സ്ഥാ​പ​ന​ങ്ങ​ളു​ടെ ഓ​ഫി​സു​ക​ൾ ക​ഴി​ഞ്ഞ ബു​ധ​നാ​ഴ്ച മു​ത​ൽ ത​ന്നെ പ്ര​വ​ർ​ത്ത​നം തു​ട​ങ്ങി​യി​രു​ന്നു. ഇ​ന്ത്യ​ൻ സ്കൂ​ളു​ക​ൾ ഉ​ൾ​പ്പെ​ടെ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും ഞാ​യ​റാ​ഴ്ച മു​ത​ൽ ക്ലാ​സു​ക​ൾ ആ​രം​ഭി​ക്കും.

കു​ടും​ബ​ങ്ങ​ൾ​ക്കൊ​പ്പം പെ​രു​ന്നാ​ൾ ആ​ഘോ​ഷി​ച്ചും, ഖ​ത്ത​റി​ൽ​നി​ന്നും വി​ദേ​ശ രാ​ജ്യ​ങ്ങ​ൾ സ​ന്ദ​ർ​ശി​ച്ചു​മാ​ണ് നി​ര​വ​ധി പേ​ർ നീ​ണ്ട ഇ​ട​വേ​ള ആ​ഘോ​ഷി​ച്ച​ത്. അ​തേ​സ​മ​യം, ​ഹ​യ്യ വി​സ വ​ഴി​യും മ​റ്റു​മാ​യി കു​ടും​ബ​ത്തെ നേ​ര​ത്തേ ഖ​ത്ത​റി​ലെ​ത്തി​ച്ച​വ​ർ​ക്ക് ഇ​വി​ടെ​യും പെ​രു​ന്നാ​ൾ ആ​ഘോ​ഷി​ക്കാ​ൻ അ​വ​സ​ര​മൊ​രു​ങ്ങി. ഖ​ത്ത​ർ ടൂ​റി​സം, മ്യൂ​സി​യം​സ്, സാം​സ്കാ​രി​ക മ​ന്ത്രാ​ല​യം ഉ​ൾ​പ്പെ​ടെ വി​വി​ധ പ​രി​പാ​ടി​ക​ൾ പെ​രു​ന്നാ​ൾ അ​വ​ധി​ക്കാ​ല​ത്ത് ഒ​രു​ക്കി​യി​രു​ന്നു. ലു​സൈ​ൽ ബൊ​ളീ​വാ​ഡ്, കോ​ർ​ണി​ഷ്, സൂ​ഖ് വാ​ഖി​ഫ്, മി​ഷൈ​രി​ബ് ഡൗ​ൺ​ടൗ​ൺ, അ​ൽ വ​ക്റ, ക​താ​റ തു​ട​ങ്ങി​യ വി​നോ​ദ കേ​ന്ദ്ര​ങ്ങ​ൾ വൈ​കു​ന്നേ​ര​ങ്ങ​ളി​ൽ തി​ര​ക്കി​നാ​ൽ വീ​ർ​പ്പു​മു​ട്ടി.

ക​താ​റ, സൂ​ഖ്, കോ​ർ​ണി​ഷ് ഉ​ൾ​പ്പെ​ടെ ആ​ഘോ​ഷ​ങ്ങ​ൾ നേ​ര​ത്തേ സ​മാ​പി​ച്ചു​വെ​ങ്കി​ലും ലു​സൈ​ൽ ബൊ​ളെ​വാ​ഡ്, മി​ഷൈ​രി​ബ് ഡൗ​ൺ ടൗ​ൺ എ​ന്നി​വി​ട​ങ്ങ​ളി​ലെ പെ​രു​ന്നാ​ൾ ഉ​ത്സ​വ​ത്തി​ന് വെ​ള്ളി​യാ​ഴ്ച രാ​ത്രി​യാ​ണ് കൊ​ടി​യി​റ​ങ്ങി​യ​ത്.