സ്വ​ർ​ണം വാ​രി​ക്കൂ​ട്ടി ഒ​ളി​മ്പി​ക്സ് ചാ​മ്പ്യ​ൻ ഫാ​രി​സ് ഇ​​ബ്രാ​ഹിം

ദോ​ഹ: ഖ​ത്ത​റി​ലെ കാ​യി​ക പ്രേ​മി​ക​ൾ​ക്ക് പു​തു​വ​ർ​ഷം ആ​ഘോ​ഷ​മാ​ക്കാ​ൻ സ്വ​ർ​ണം വാ​രി​ക്കൂ​ട്ടി ഒ​ളി​മ്പി​ക്സ് ചാ​മ്പ്യ​ൻ ഫാ​രി​സ് ഇ​​ബ്രാ​ഹിം. ദോ​ഹ വേ​ദി​യൊ​രു​ക്കി​യ ഖ​ത്ത​ർ ഇ​ന്റ​ർ​നാ​ഷ​ന​ൽ ക​പ്പ്, അ​റ​ബ് വെ​യ്റ്റ്ലി​ഫ്റ്റി​ങ് ചാ​മ്പ്യ​ൻ​ഷി​പ്പു​ക​ളി​ലാ​യി ആ​റ് സ്വ​ർ​ണ​മ​ണി​ഞ്ഞാ​ണ് ഫാ​രി​സ് സൂ​പ്പ​ർ താ​ര​മാ​യ​ത്. 29 രാ​ജ്യ​ങ്ങ​ളി​ൽ​നി​ന്ന് 98 പു​രു​ഷ​താ​ര​ങ്ങ​ളും 65 വ​നി​ത​ക​ളും ഉ​ൾ​പ്പെ​ടെ 163 ഭാ​രോ​ദ്വാ​ഹ​ക​ർ മാ​റ്റു​ര​ച്ച വേ​ദി​യി​ലാ​യ് ഫാ​രി​സി​ന്റെ ത​ക​ർ​പ്പ​ൻ പ്ര​ക​ട​നം.

ഖ​ത്ത​ർ വെ​യ്റ്റ്ലി​ഫ്റ്റി​ങ് ഫെ​ഡ​റേ​ഷ​നു കീ​ഴി​ൽ ര​ണ്ട് ടൂ​ർ​ണ​മെ​ന്റു​ക​ളും ഒ​രേ​സ​മ​യ​മാ​ണ് സം​ഘ​ടി​പ്പി​ക്കു​ന്ന​ത്. ഖ​ത്ത​ർ ഇ​ന്റ​ർ നാ​ഷ​ന​ൽ ക​പ്പി​ൽ 102 കി​ലോ വി​ഭാ​ഗ​ത്തി​ൽ ഫാ​രി​സ് മൂ​ന്ന് സ്വ​ർ​ണം നേ​ടി. ക്ലീ​ൻ ആ​ൻ​ഡ് ജെ​ർ​ക്കി​ൽ 200 കി​ലോ ഉ​യ​ർ​ത്തി. സ്നാ​ച്ചി​ൽ 166 കി​ലോ​യും, ആ​കെ 366 കി​ലോ​യു​മാ​യും മൂ​ന്ന് സ്വ​ർ​ണം സ്വ​ന്ത​മാ​ക്കു​ക​യാ​യി​രു​ന്നു. അ​​ൽ​ബേ​നി​യ​യു​ടെ അ​ർ​താ​ൻ കൊ​വാ​സ് ഈ ​വി​ഭാ​ഗ​ത്തി​ൽ ര​ണ്ട് വെ​ള്ളി​യും ഒ​രു വെ​ങ്ക​ല​വും നേ​ടി.

അ​റ​ബ് ചാ​മ്പ്യ​ൻ​ഷി​പ്പി​ൽ 102 കി​ലോ വി​ഭാ​ഗ​ത്തി​ൽ മൂ​ന്ന് സ്വ​ർ​ണ​വു​മാ​യി അ​തേ പ്ര​ക​ട​നം ത​ന്നെ ഫാ​രി​സ് തു​ട​ർ​ന്നു. ക്ലീ​ൻ ആ​ൻ​ഡ് ജെ​ർ​ക്കി​ൽ 200 കി​ലോ, സ്നാ​ച്ചി​ൽ 166 കി​ലോ ഉ​ൾ​പ്പെ​ടെ ആ​കെ 366 കി​ലോ​യു​മാ​യാ​ണ് മി​ന്നി​യ​ത്. 96 കി​ലോ​യി​ൽ സൗ​ദി​യു​ടെ അ​ലി യൂ​സു​ഫ് അ​ൽ ഉ​സ്താ​ൻ മൂ​ന്ന് സ്വ​ർ​ണം നേ​ടി. 102 യൂ​ത്ത് ഡി​വി​ഷ​നി​ൽ സൗ​ദി​യു​ടെ അ​ബ്ദു​ല്ല അ​ലി​യും, 109 കി​ലോ​യി​ൽ ദാ​ലി മു​താ​ബ് അ​ൽ റ​യ്ഹാ​നും സ്വ​ർ​ണം നേ​ടി.