യു.​എ​ന്നി​ൽ കൈ​യ​ടി നേ​ടി ഗാ​നിം

ദോ​ഹ: യു.​എ​ൻ ജ​ന​റ​ൽ അ​സം​ബ്ലി​യു​ടെ ഭാ​ഗ​മാ​യി ന​ട​ന്ന ഫ്യൂ​ച്ച​ർ സ​മ്മി​റ്റി​ൽ പ​​ങ്കെ​ടു​ത്ത് ഖ​ത്ത​റി​ന്റെ അ​ത്ഭു​ത മ​നു​ഷ്യ​ൻ ഗാ​നിം മു​ഹ​മ്മ​ദ് അ​ൽ മു​ഫ്ത. ന്യൂ​യോ​ർ​ക്കി​ൽ ന​ട​ന്ന സ​മ്മി​റ്റി​ന്റെ ഉ​ദ്ഘാ​ട​ന സെ​ഷ​നി​ലാ​യി​രു​ന്നു യു.​എ​ന്നി​ലെ ഖ​ത്ത​റി​ന്റെ യൂ​ത്ത് പ്ര​തി​നി​ധി കൂ​ടി​യാ​യി ഗാ​നിം സം​സാ​രി​ച്ച​ത്. 2022 ലോ​ക​ക​പ്പ് ഫു​ട്ബാ​ളി​ന്റെ ഉ​ദ്ഘാ​ട​ന ച​ട​ങ്ങി​ൽ ഹോ​ളി​വു​ഡ് താ​രം മോ​ർ​ഗ​ൻ ഫ്രീ​​മാ​നൊ​പ്പം അ​ൽ ബെ​യ്ത് സ്റ്റേ​ഡി​യ​ത്തി​ന്റെ ന​ടു​ത്ത​ള​ത്തി​ൽ നി​റ​ഞ്ഞു​നി​ന്ന് കൈ​യ​ടി നേ​ടി​യ ഗാ​നിം ശ്ര​ദ്ധേ​യ​മാ​യ വാ​ക്കു​ക​ളി​ലൂ​ടെ യു.​എ​ന്നി​ലും പ്ര​ശം​സ പി​ടി​ച്ചു​പ​റ്റി.

ജ​ന്മ​നാ​ലു​ള്ള ശാ​രീ​രി​ക അ​വ​ശ​ത​ക​ളെ അ​പാ​ര​മാ​യ മ​ന​സ്സാ​ന്നി​ധ്യ​വും പ്ര​തി​ഭ​യും കൊ​ണ്ട് കീ​ഴ​ട​ക്കി ലോ​ക​ത്തെ യു​വാ​ക്ക​ൾ​ക്കും ഭി​ന്ന​ശേ​ഷി​ക്കാ​രാ​യ ത​ല​മു​റ​ക്കും മാ​തൃ​ക​യാ​യ ഗാ​നിം നാ​ല​ര മി​നി​റ്റു നീ​ണ്ട പ്ര​സം​ഗ​ത്തി​ലൂ​ടെ ലോ​ക നേ​താ​ക്ക​ളു​ടെ അ​ഭി​ന​ന്ദ​ന​മേ​റ്റു​വാ​ങ്ങി. ‘ഞാ​ൻ ചു​റ്റും നോ​ക്കു​മ്പോ​ൾ, എ​ന്നെ​പ്പോ​ലെ​യു​ള്ള ആ​രെ​യും ഇ​വി​ടെ കാ​ണു​ന്നി​ല്ല.

എ​ന്നാ​ൽ, ലിം​ഗ​ഭേ​ദ​മോ ദേ​ശീ​യ​ത​യോ വം​ശ​മോ മ​ത​മോ പ​രി​ഗ​ണി​ക്കാ​തെ നി​ങ്ങ​ളെ​ന്നെ സ്വീ​ക​രി​ച്ചു ’ -നി​റ​ഞ്ഞ കൈ​യ​ടി​ക​ൾ​ക്കി​ടെ ഗാ​നിം പ​റ​ഞ്ഞു. വീ​ഴ്ച​ക​ളും അ​വ​ശ​ത​ക​ളു​മു​ള്ള വ്യ​ക്തി​ക​ളെ സ​മൂ​ഹം ഉ​ൾ​ക്കൊ​ള്ളേ​ണ്ട​തി​ന്റെ പ്രാ​ധാ​ന്യ​വും അ​ദ്ദേ​ഹം വി​ശ​ദീ​ക​രി​ച്ചു. പ്ര​സം​ഗ​ത്തി​നു ശേ​ഷം കൈ​ക​ളി​ൽ ഊ​ന്നി ന​ട​ന്ന് വീ​ൽ​ചെ​യ​റി​ൽ ഇ​രു​ന്ന ഗാ​നി​മി​ന​രി​കി​ലേ​ക്ക് വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള നേ​താ​ക്ക​ളു​മെ​ത്തി.