ഗ​സ്സ; പ്ര​ധാ​ന​മ​ന്ത്രി ഇ​ന്ന് യൂ​റോ​പ്പി​ലേ​ക്ക്

ദോ​ഹ: ഗ​സ്സ​യി​ല്‍ അ​ടി​യ​ന്ത​ര വെ​ടി​നി​ര്‍ത്ത​ല്‍ ന​ട​പ്പാ​ക്കാ​നു​ള്ള ദൗ​ത്യ​ത്തി​ന്റെ ഭാ​ഗ​മാ​യി ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ റ​ഹ്മാ​ൻ ആ​ൽ​ഥാ​നി വി​ദേ​ശ പ​ര്യ​ട​ന​ത്തി​ന്. ക​ഴി​ഞ്ഞ​യാ​ഴ്ച സൗ​ദി​യി​ൽ ചേ​ർ​ന്ന അ​റ​ബ്- ഇ​സ്‍ലാ​മി​ക് ഉ​ച്ച​കോ​ടി​യു​ടെ തീ​രു​മാ​ന​ത്തി​ന്റെ അ​ടി​സ്ഥാ​ന​ത്തി​ൽ ആ​രം​ഭി​ച്ച അ​ന്താ​രാ​ഷ്ട്ര പ​ര്യ​ട​ന​ങ്ങ​ളു​ടെ ഭാ​ഗ​മാ​യാ​ണ് ഖ​ത്ത​ർ പ്ര​ധാ​ന​മ​ന്ത്രി​യു​ടെ യൂ​റോ​പ്യ​ൻ പ​ര്യ​ട​നം. ചൊ​വ്വാ​ഴ്ച ബ്രി​ട്ട​നി​ലേ​ക്ക് പു​റ​പ്പെ​ടു​ന്ന പ്ര​ധാ​ന​മ​ന്ത്രി റ​ഷ്യ​യി​ലും സ​ന്ദ​ര്‍ശ​നം ന​ട​ത്തും.

ജോ​ർ​ഡ​ൻ, സൗ​ദി അ​റേ​ബ്യ, ഈ​ജി​പ്ത്, ഫ​ല​സ്തീ​ൻ, തു​ർ​ക്കി​യ, ഇ​ന്തോ​നേ​ഷ്യ, നൈ​ജീ​രി​യ തു​ട​ങ്ങി​യ അ​റ​ബ്, ഇ​സ്‍ലാ​മി​ക രാ​ജ്യ​ങ്ങ​ളി​ൽ നി​ന്നു​ള്ള മ​ന്ത്രി​ത​ല സം​ഘ​വും സ​ന്ദ​ർ​ശ​ന​ത്തി​ന്റെ ഭാ​ഗ​മാ​കു​ന്നു​ണ്ട്. ഒ​ന്ന​ര മാ​സ​ത്തോ​ള​മാ​യി തു​ട​രു​ന്ന ഇ​സ്രാ​യേ​ലി​ന്റെ ആ​​ക്ര​മ​ണം അ​ടി​യ​ന്ത​ര​മാ​യി അ​വ​സാ​നി​പ്പി​ക്കു​ക​യും, വെ​ടി​നി​ർ​ത്ത​ൽ പ്ര​ഖ്യാ​പി​ച്ച് മാ​നു​ഷി​ക സ​ഹാ​യ​മെ​ത്തി​ക്കു​ക​യും ചെ​യ്യു​ക എ​ന്ന ല​ക്ഷ്യ​വു​മാ​യാ​ണ് വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള മ​ന്ത്രി​മാ​ർ അ​ന്താ​രാ​ഷ്ട്ര സ​മ്മ​ർ​ദം ശ​ക്ത​മാ​ക്കു​ന്ന​തി​നാ​യി ലോ​ക പ​ര്യ​ട​നം ന​ട​ത്തു​ന്ന​ത്. ഇ​തി​ന്റെ ഭാ​ഗ​മാ​യി സൗ​ദി വി​ദേ​ശ​കാ​ര്യ മ​ന്ത്രി ​പ്രി​ൻ​സ് ഫൈ​സ​ൽ ബി​ൻ ഫ​ർ​ഹാ​ന്റെ നേ​തൃ​ത്വ​ത്തി​ലു​ള്ള സം​ഘം തി​ങ്ക​ളാ​ഴ്ച ചൈ​ന​യി​ലെ​ത്തി​യി​രു​ന്നു.