ഗസ്സ: ഇസ്രായേൽ ആരോപണം തള്ളി ഖത്തർ

അ​ൽ​ശി​ഫ ആ​ശു​പ​ത്രി​യി​ൽ ഖ​ത്ത​റി​ന്റെ കെ​ട്ടി​ടം പ്ര​വ​ർ​ത്തി​ക്കു​ന്നു​വെ​ന്ന ആ​രോ​പ​ണം വാ​സ്ത​വ​വി​രു​ദ്ധം

ദോ​ഹ: ഗ​സ്സ​യി​ലെ അ​ല്‍ശി​ഫ ആ​ശു​പ​ത്രി സ​മു​ച്ച​യ​ത്തി​ല്‍ ഖ​ത്ത​റി​ന്റെ കെ​ട്ടി​ടം പ്ര​വ​ര്‍ത്തി​ക്കു​ന്നു​ണ്ടെ​ന്ന ഇ​സ്രാ​യേ​ലി​ന്റെ ആ​രോ​പ​ണം ത​ള്ളി ഖ​ത്ത​ര്‍. അ​ടി​സ്ഥാ​ന​ര​ഹി​ത​മാ​യ കാ​ര്യ​ങ്ങ​ളാ​ണ് ഇ​സ്രാ​യേ​ല്‍ പ​റ​യു​ന്ന​തെ​ന്ന് ഖ​ത്ത​ര്‍ വ്യ​ക്ത​മാ​ക്കി. അ​ല്‍ശി​ഫ ആ​ശു​പ​ത്രി കോം​പ്ല​ക്സി​ല്‍ ഖ​ത്ത​റി​ന്റെ ‌നി​യ​ന്ത്ര​ണ​ത്തി​ലു​ള്ള കെ​ട്ടി​ട​മു​ണ്ടെ​ന്ന ആ​ക്ഷേ​പം അ​ടി​സ്ഥാ​ന ര​ഹി​ത​മാ​ണെ​ന്നും ആ​ശു​പ​ത്രി​ക​ളെ ഉ​ന്നം വെ​ക്കു​ന്ന​തി​നു​ള്ള ന്യാ​യീ​ക​ര​ണ​ങ്ങ​ള്‍ ക​ണ്ടെ​ത്തു​ക​യാ​ണ് ഇ​സ്രാ​യേ​ലെ​ന്നും ഗ​സ്സ പു​ന​ർ​നി​ർ​മാ​ണ ക​മ്മി​റ്റി​യു​ടെ അം​ബാ​സ​ഡ​ര്‍ മു​ഹ​മ്മ​ദ് അ​ല്‍ ഇ​മാ​ദി പ​റ​ഞ്ഞു.

ഗ​സ്സ തു​റ​മു​ഖ​ത്തി​ന് സ​മീ​പ​മാ​ണ് പു​ന​ര്‍നി​ര്‍മാ​ണ​ത്തി​നു​ള്ള ഖ​ത്ത​ര്‍ ക​മ്മി​റ്റി ആ​സ്ഥാ​നം പ്ര​വ​ര്‍ത്തി​ക്കു​ന്ന​ത്. ഇ​ത് അ​ല്‍ശി​ഫ ആ​ശു​പ​ത്രി​യി​ല്‍നി​ന്ന് മൂ​ന്ന് കി​ലോ​മീ​റ്റ​ര്‍ അ​ക​ലെ​യാ​ണ്. അ​ന്താ​രാ​ഷ്ട്ര​സ​മൂ​ഹ​ത്തെ തെ​റ്റി​ദ്ധ​രി​പ്പി​ക്കും​വി​ധ​മാ​ണ് ഇ​​സ്രാ​യേ​ലി​ന്റെ ആ​രോ​പ​ണ​ങ്ങ​ളെ​ന്നും അ​ദ്ദേ​ഹം പ​റ​ഞ്ഞു. പു​ന​രു​ദ്ധാ​ര​ണ​ത്തി​നു​ള്ള ഖ​ത്ത​ര്‍ ഓ​ഫി​സി​ന് നേ​രെ​യു​ള്ള ആ​ക്ര​മ​ണം കൊ​ണ്ട് ഗ​സ്സ​യി​ലെ ജ​ന​ങ്ങ​ള്‍ക്കു​ള്ള സ​ഹാ​യം നി​ര്‍ത്തി​ല്ലെ​ന്ന് ഐ​ക്യ​രാ​ഷ്ട്ര​സ​ഭ​യി​ൽ ഖ​ത്ത​ര്‍ വ്യ​ക്ത​മാ​ക്കി. ഇ​തി​നോ​ട​കം 10 വി​മാ​ന​ങ്ങ​ളി​ലാ​യി 358 ട​ണ്‍ അ​വ​ശ്യ​വ​സ്തു​ക്ക​ള്‍ എ​ത്തി​ച്ച​താ​യും ഖ​ത്ത​റി​ന്റെ ഐ​ക്യ​രാ​ഷ്ട്ര​സ​ഭ സ്ഥി​രം​പ്ര​തി​നി​ധി ശൈ​ഖ ആ​ലി​യ അ​ഹ്മ​ദ് ബി​ന്‍ സെ​യ്ഫ് ആ​ൽ​ഥാ​നി പ​റ​ഞ്ഞു.