ബൈ​ക്കി​ൽ ഗ​ൾ​ഫ് നാ​ടു​ക​ൾ താ​ണ്ടി ഗ​ബ്രി​യേ​ൽ

ദോ​ഹ: മം​ഗ​ളൂ​രു​വി​ൽ​നി​ന്നും ഇ​രു​ച​ക്ര​വാ​ഹ​ന​ത്തി​ൽ യാ​ത്ര തു​ട​ങ്ങി, ഇ​ന്ത്യ​ൻ ന​ഗ​ര​ങ്ങ​ൾ പി​ന്നി​ട്ട് റോ​ഡു മാ​ർ​ഗം ഖ​ത്ത​റി​ലെ​ത്തി​യ ഗ​ബ്രി​യേ​ൽ ശ​ര​ത്തി​ന് ഇ​ന്ത്യ​ൻ എം​ബ​സി​യി​ൽ സ്വീ​ക​ര​ണം ന​ൽ​കി. ഗോ​വ, മും​ബൈ വ​ഴി ദു​ബൈ, ഒ​മാ​ൻ, സൗ​ദി രാ​ജ്യ​ങ്ങ​ൾ ക​ട​ന്നാ​ണ് ഇ​ന്ത്യ​ൻ സോ​ളോ ട്രാ​വ​ല​റാ​യ ഗ​ബ്രി​യേ​ൽ ഇ​പ്പോ​ൾ ഖ​ത്ത​റി​ലും പ​ര്യ​ട​നം പൂ​ർ​ത്തി​യാ​ക്കു​ന്ന​ത്.

സൗ​ദി​യി​ൽ​നി​ന്നും ഖ​ത്ത​റി​ലെ​ത്തി​യ ഇ​ദ്ദേ​ഹം, ഇ​നി സൗ​ദി വ​ഴി ബ​ഹ്റൈ​നും ശേ​ഷം കു​വൈ​ത്തി​ലു​മെ​ത്തും. തു​ട​ർ​ന്ന് ദു​ബൈ​യി​ലെ​ത്തി​യാ​ണ് പ​ര്യ​ട​നം പൂ​ർ​ത്തി​യാ​ക്കു​ക. ‘കെ.​​എ’ ര​ജി​സ്ട്രേ​ഷ​നി​ലു​ള്ള റോ​യ​ൽ എ​ൻ​ഫീ​ൽ​ഡി​ന്റെ പു​തു​മോ​ടി​യി​ലു​ള്ള ബൈ​ക്കി​ലാ​ണ് ഗ​ബ്രി​യേ​ൽ ശ​ര​ത്തി​ന്റെ ഗ​ൾ​ഫ് ടൂ​ർ പു​രോ​ഗ​മി​ക്കു​ന്ന​ത്. ഫെ​ബ്രു​വ​രി ആ​ദ്യ​വാ​ര​ത്തി​ലാ​യി​രു​ന്നു മം​ഗ​ളൂ​രു​വി​ൽ​നി​ന്നും ഇ​ദ്ദേ​ഹ​ത്തി​ന്റെ സോ​ളോ യാ​ത്ര​യു​ടെ തു​ട​ക്കം. ഓ​രോ രാ​ജ്യ​ങ്ങ​ളി​ലും പ്ര​ധാ​ന ന​ഗ​ര​ങ്ങ​ളി​ലൂ​ടെ മ​റ്റും സ​ഞ്ച​രി​ച്ചും, ഇ​ന്ത്യ​ൻ സ​മൂ​ഹ​ത്തെ ക​ണ്ടു​മാ​ണ് ഇ​ദ്ദേ​ഹ​ത്തി​ന്റെ യാ​ത്ര​ക​ൾ. ബൈ​ക്കി​ൽ ഖ​ത്ത​റി​ന്റെ​യും ഇ​ന്ത്യ​യു​ടെ ത്രി​വ​ർ​ണ പ​താ​ക​യു​മേ​ന്തി​യാ​ണ് യാ​ത്ര. ഖ​ത്ത​റി​ലെ ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ ഗ​ബ്രി​യേ​ലി​ന് സ്വീ​ക​ര​ണം ന​ൽ​കി. ​ഡെ​പ്യൂ​ട്ടി ചീ​ഫ് ഡി ​മി​ഷ​ൻ സ​ന്ദീ​പ് കു​മാ​ർ, ഐ.​സി.​സി പ്ര​സി​ഡ​ന്റ് എ.​പി. മ​ണി​ക​ണ്ഠ​ൻ, വൈ​സ് പ്ര​സി​ഡ​ന്റ് സു​ബ്ര​ഹ്മ​ണ്യ ഹെ​ബ്ബ​ഗേ​ലു, മാ​നേ​ജി​ങ് ക​മ്മി​റ്റി അം​ഗ​ങ്ങ​ൾ എ​ന്നി​വ​ർ പ​​ങ്കെ​ടു​ത്തു.