ക​ട​ലോ​ള​ങ്ങ​ളി​ലെ സാ​ഹ​സി​ക​ത​യു​മാ​യി ഫു​വൈ​രി​ത്ത്​ കാ​ത്തി​രി​ക്കു​ന്നു

ദോ​ഹ: ലോ​ക​ക​പ്പി​ന്‍റെ ക​ളി​യാ​വേ​ശ​ത്തി​ലേ​ക്ക്​ ഒ​ഴു​കി​യെ​ത്തു​ന്ന ദ​ശ​ല​ക്ഷം കാ​ണി​ക​ൾ​ക്ക്​ ദോ​ഹ​യി​ലെ തി​രക്കി​ൽ​നി​ന്നും അ​ങ്ങ​ക​ലെ മ​റ്റൊ​രു വേ​റി​ട്ട വി​നോ​ദ കേ​ന്ദ്രം ഒ​രു​ങ്ങു​ന്നു. ഹ​മ​ദ്​ വി​മാ​ത്താ​വ​ള​ത്തി​ൽ​നി​ന്നും അ​ൽ ഷ​മാ​ൽ റോ​ഡു​വ​ഴി സ​ഞ്ച​രി​ച്ചാ​ൽ അ​ൽ ഖോ​റും ക​ഴി​ഞ്ഞ്​ ഐ​ൻ സി​നാ​നി​ൽ​നി​ന്നും ഏ​താ​നും കി​ലോ​മീ​റ്റ​ർ അ​ക​ലെ. ദോ​ഹ​യി​ൽ​നി​ന്നും 95 കി​ലോ​മീ​റ്റ​റോ​ളം ദൂ​രെ ഫു​വൈ​രി​ത്​ ബീ​ച്ചാ​ണ്​ ക​ട​ലോ​ര കാ​യി​ക വി​നോ​ദ​ങ്ങ​ൾ ഇ​ഷ്ട​പ്പെ​ടു​ന്ന​വ​ർ​ക്ക്​​ വി​സ്മ​യ​ക​ര​മാ​യ അ​നു​ഭ​വ​മ​രു​ക്കി കാ​ത്തി​രി​ക്കു​ന്ന​ത്.

ക​ണ്ണാ​ടി​ച്ചി​ല്ലു​പോ​ലെ തി​ള​ങ്ങു​ന്ന ക​ട​ലാ​ണ്​ ഫു​വൈ​രി​തി​ന്‍റെ ഏ​റ്റ​വും വ​ലി​യ ആ​ക​ർ​ഷ​ണം. തീ​ര​ത്തു നി​ന്നും അ​ധി​കം അ​ക​ലെ​യ​ല്ലാ​തെ ചെ​റു ദ്വീ​പും സ​ഞ്ചാ​രി​ക​ൾ​ക്ക്​ പ്രി​യ​മാ​വു​ന്നു. നേ​ര​ത്തെ അ​വ​ധി​ദി​ന ഉ​ല്ലാ​സ​ത്തി​ന്‍റെ പ്ര​ധാ​ന കേ​ന്ദ്ര​മാ​യി​രു​ന്ന ഫു​വൈ​രി​ത്​ ഇ​പ്പോ​ൾ രാ​ജ്യാ​ന്ത​ര പ്ര​ശ​സ്ത​മാ​യൊ​രു 'കൈ​റ്റ്​ സ​ർ​ഫി​ങ്​ ടൂ​റി​സം' കേ​ന്ദ്ര​മാ​യാ​ണ്​ തു​റ​ക്കാ​ൻ ഒ​രു​ങ്ങു​ന്ന​ത്. ക​ഴി​ഞ്ഞ ഏ​താ​നും മാ​സ​ങ്ങ​ളാ​യി ലോ​ക​ക​പ്പു​കൂ​ടി മു​ന്നി​ൽ​ക്ക​ണ്ട്​ ഒ​രു​ങ്ങി​യ ഫു​വൈ​രി​ത്​ ബീ​ച്ച്​ ഒ​ക്​​ടോ​ബ​റി​ൽ തു​റ​ക്കാ​ൻ ഒ​രു​ങ്ങു​ക​യാ​ണ്.

ക​ട​ലോ​ള​ങ്ങ​ളി​ൽ തെ​ന്നി പ​ട്ടം​പ​റ​ത്താം

ശ​ക്​​ത​മാ​യ കാ​റ്റും തി​ര​യി​ല്ലാ​ത്ത ക​ട​ലും നീ​ണ്ടു കി​ട​ക്കു​ന്ന ല​ഗൂ​ണും ബീ​ച്ചു​മാ​ണ്​ ഫു​വൈ​രി​തി​ന്‍റെ പ്ര​ത്യേ​ക​ത. ഇ​തു​ത​ന്നെ​യാ​ണ്​ പ​ട്ടം പ​റ​ത്ത​ലു​കാ​രു​ടെ പു​തി​യ താ​വ​ള​മാ​യി ഫു​വൈ​രി​ത്തി​നെ മാ​റ്റാ​നും വ​ഴി​യൊ​രു​ക്കി​യ​ത്. എ​ന്നാ​ൽ, സാ​ധാ​ര​ണ പ​ട്ടം പ​റ​ത്ത​ലി​നു​ള്ള ഇ​ട​മ​ല്ല ഫു​വൈ​രി​ത്. പാ​ഡി​ൽ ബോ​ർ​ഡി​ൽ ക​ലു​ക​ൾ ഉ​റ​പ്പി​ച്ച്, ​ചെ​റു​തി​ര​ക​ൾ​ക്കൊ​പ്പം ക​ട​ലി​ൽ തെ​ന്നി​നീ​ങ്ങി​ക്കൊ​ണ്ട്, കൂ​റ്റ​ൻ പ​ട്ടം നി​യ​ന്ത്രി​ക്കു​ന്ന സാ​ഹ​സി​ക​ത​യും കൈ​ക്ക​രു​ത്തും ആ​വ​ശ്യ​മാ​യ കാ​യി​ക വി​നോ​ദം.

പ​രി​ച​യ​സ​മ്പ​ന്ന​ർ​ക്കും ​പ്ര​ഫ​ഷ​ന​ലു​ക​ൾ​ക്കും മാ​ത്ര​മ​ല്ല, ക​ട​ൽ വി​നോ​ദ​ങ്ങ​ളി​ൽ താ​ൽ​പ​ര്യ​മു​ള്ള ആ​ർ​ക്കും ഫു​വൈ​രി​ത്തി​ലെ​ത്തി കൈ​റ്റ്​ സ​ർ​ഫി​ങ്ങി​ന്‍റെ ആ​വേ​ശം നു​ക​രാ​വു​ന്ന​താ​ണ്. കൈ​റ്റ്​ സ​ർ​ഫി​ങ്​ അ​റി​യാ​നും പ​ഠി​ക്കാ​നും ആ​ഗ്ര​ഹി​ക്കു​ന്ന മു​തി​ർ​ന്ന​വ​ർ​ക്കും കു​ട്ടി​ക​ൾ​ക്കും സൗ​ക​ര്യ​മു​ണ്ട്. പ​രി​ച​യ സ​മ്പ​ന്ന​രാ​യ ഇ​ൻ​​സ്​​ട്ര​ക്ട​ർ​മാ​രു​ടെ സേ​വ​ന​വും സ​ർ​ഫി​ങ്ങി​നും മ​റ്റും ആ​വ​ശ്യ​മാ​യ ഉ​പ​ക​ര​ണ​ങ്ങ​ളും ഇ​വി​ടെ ല​ഭ്യ​മാ​ണ്. എ​ട്ടി​നും പ​ത്തി​നും ഇ​ട​യി​ൽ പ്രാ​യ​മു​ള്ള കു​ട്ടി​ക​ൾ​ക്കും പ​രി​ശീ​ല​നം ന​ൽ​കും.

വി​നോ​ദ​ങ്ങ​ളു​ടെ ഇ​ടം

ക​ട​ൽ​ത്തീ​രം മാ​ത്ര​മ​ല്ല, അ​തി​വി​ശാ​ല​മാ​യ റി​​സോ​ർ​ട്ടു​ക​ളും നീ​ന്ത​ൽ​ക്കു​ള​വും ഫോ​ർ സ്റ്റാ​ർ റേ​റ്റി​ങ്ങു​ള്ള ന​ക്ഷ​ത്ര ഹോ​ട്ട​ലും അ​ട​ങ്ങി​യ​താ​ണ്​ ഫു​വൈ​രി​തി​ലെ കൈ​റ്റ്​ ബീ​ച്ച്​ റി​സോ​ർ​ട്ട്. ഖ​ത്ത​ർ ടൂ​റി​സ​ത്തി​ന്‍റെ​യും ഖ​ത്ത​ർ എ​യ​ർ​വേ​സി​ന്‍റെ​യും ഡി​സ്ക​ർ ഖ​ത്ത​റി​ന്‍റെ​യും പി​ന്തു​ണ​യി​ലു​ള്ള​ റി​സോ​ർ​ട്ടി​ന്‍റെ ന​ട​ത്തി​പ്പ്​ ഹി​ൽ​ട്ട​ൻ ഗ്രൂ​പ്പി​നാ​ണ്. അ​ത്യാ​ഡം​ബ​ര​ത്തോ​ടെ​യാ​ണ്​ സ​ന്ദ​ർ​ശ​ക​രെ വ​ര​വേ​ൽ​ക്കു​ന്ന​ത്. വി​​ന്റേ​ജ്​ വാ​ഹ​ന​ങ്ങ​ൾ​കൊ​ണ്ട്​ അ​ല​ങ്ക​രി​ച്ച റി​സ​പ്​​​ഷ​നും ഡൈ​നി​ങ്​ ഏ​രി​യ​യും മ​റ്റു​മാ​യാ​ണ്​ സ​ന്ദ​ർ​ശ​ക​രെ വ​ര​വേ​ൽ​ക്കു​ന്ന​ത്. ഗ്രൂ​വി കാ​റു​ക​ള്‍, ​ഫ്ലെ​മിം​ഗോ​ക​ളു​ടെ പ്ര​തി​മ​ക​ള്‍, സ്‌​കൂ​ട്ട​ര്‍, സൈ​ക്കി​ളു​ക​ള്‍ എ​ന്നി​വ​യെ​ല്ലാം അ​ല​ങ്കാ​ര​ത്തി​ന്റെ ഭാ​ഗ​മാ​ണ്.

അ​തി​ഥി​ക​ള്‍ക്ക് വി​ശ്ര​മി​ക്കാ​ന്‍ 'ഹാ​ങ്​ ലൂ​സ്' ഏ​രി​യ ഇ​തി​നോ​ട് ചേ​ര്‍ന്നാ​ണ്. ഗെ​സ്റ്റ് ഹൗ​സ്, ഫി​റ്റ്‌​ന​സ് സെ​ന്റ​ര്‍, ബീ​ച്ച് വോ​ളി​ബാ​ള്‍, ബീ​ച്ച് ഫു​ട്‌​ബാ​ള്‍, യോ​ഗ കേ​ന്ദ്രം എ​ന്നി​വ​യു​മു​ണ്ട്. ഔ​ട്ട്‌​ഡോ​ര്‍ സി​നി​മ ഉ​ട​ന്‍ തു​റ​ക്കു​മെ​ന്നും ബ​ന്ധ​പ്പെ​ട്ട​വ​ര്‍ വ്യ​ക്ത​മാ​ക്കി. ചു​മ​രു​ക​ളി​ല്‍ ചു​റ്റും ഗ്രാ​ഫി​റ്റി ആ​ര്‍ട്ട് സൗ​ന്ദ​ര്യം ന​ല്‍കു​ന്നു. 50 മു​റി​ക​ളാ​ണ് ഫു​വൈ​രി​ത് ബീ​ച്ച് റി​സോ​ര്‍ട്ടി​ലു​ള്ള​ത്. ഇ​തി​ല്‍ നാ​ല്‍പ​തോ​ളം മു​റി​ക​ള്‍ ക​ട​ല്‍ത്തീ​ര​ത്തി​ന് അ​ഭി​മു​ഖ​മാ​യു​ള്ള​താ​ണ്.

32 മു​റി​ക​ളി​ല്‍ കി​ങ് സൈ​സ് കി​ട​ക്ക​ക​ളും എ​ട്ടെ​ണ്ണം ഇ​ര​ട്ട മു​റി​ക​ളു​മാ​ണ്. പ​ത്തു​മു​റി​ക​ള്‍ കൈ​റ്റ് സ​ര്‍ഫി​ങ്ങി​ലേ​ര്‍പ്പെ​ടു​ന്ന​വ​ര്‍ക്കാ​യു​ള്ള സൗ​ക​ര്യ​ത്തോ​ടെ സ​ജ്ജീ​ക​രി​ച്ച​വ​യാ​ണ്.

റി​സ​പ്ഷ​ന്‍ ഏ​രി​യ​ക്ക് അ​ടു​ത്താ​യി ക​ട​ലി​ന് അ​ഭി​മു​ഖ​മാ​യ നീ​ന്ത​ല്‍ക്കു​ള​വു​മു​ണ്ട്. നീ​ന്ത​ൽ കു​ള​ത്തോ​ടു​ചേ​ർ​ന്ന്​ സീ​സൈ​ഡ്​ ചെ​യ​റു​ക​ൾ പ​ല വ​ർ​ണ​ങ്ങ​ളി​ലാ​യി സ​ജ്ജീ​ക​രി​ച്ചി​രി​ക്കു​ന്നു. ശൈ​ത്യ​കാ​ല​ത്ത്​ സ​ൺ ബാ​ത്തും ഒ​പ്പം വി​നോ​ദ കാ​ഴ്ച​ക​ളു​മാ​യി ദോ​ഹ​യു​ടെ ന​ഗ​ര​ത്തി​ര​ക്കി​ൽ​നി​ന്നും മാ​റി​യാ​ണ്​ ത​യാ​റാ​ക്കി​യി​രി​ക്കു​ന്ന​ത്.

മി​ഡി​ൽ ഈ​സ്റ്റി​ലെ കൈ​റ്റ്​ സ​ർ​ഫി​ങ്​ കേ​ന്ദ്രം

ഒ​ക്​​ടോ​ബ​റി​ൽ സ​ന്ദ​ർ​ശ​ക​ർ​ക്കാ​യി തു​റ​ന്നു​ന​ൽ​കു​ന്ന ഫു​വൈ​രി​ത്​ ബീ​ച്ച്​ കൈ​റ്റ്​ സ​ർ​ഫി​ങ്​ കേ​ന്ദ്രം വൈ​കാ​തെ ലോ​ക​ത്തെ പ്ര​ധാ​ന വി​നോ​ദ സ​ഞ്ചാ​ര കേ​ന്ദ്ര​മാ​യി മാ​റും. ലോ​ക​ക​പ്പി​നെ​ത്തു​ന്ന കാ​ണി​ക​ൾ​ക്കാ​യി വൈ​വി​ധ്യ​മാ​ർ​ന്ന പാ​ക്കേ​ജു​ക​ളും ഒ​രു​ക്കു​ന്നു​ണ്ട്. ഇ​തി​നു പു​റ​മെ​യാ​ണ്​ കൈ​റ്റ്​ സ​ർ​ഫി​ങ്​ താ​ര​ങ്ങ​ളു​ടെ ഇ​ഷ്ട​കേ​ന്ദ്ര​ങ്ങ​ളു​ടെ പ​ട്ടി​ക​യി​ലും ഫു​വൈ​രി​ത്​ അ​ര​ങ്ങേ​റ്റം കു​റി​ക്കാ​ൻ ഒ​രു​ങ്ങു​ന്ന​ത്.

ജി.​കെ.​എ വേ​ൾ​ഡ്​ ടൂ​ർ സീ​സ​ണി​ന്‍റെ അ​വ​സാ​ന​മാ​യി ജ​നു​വ​രി​യി​ൽ ന​ട​ക്കു​ന്ന ​മ​ത്സ​ര​ത്തി​ന്​ ഫു​വൈ​രി​ത്​ വേ​ദി​യാ​വും. ഫോ​ർ​മു​ല വ​ൺ ചാ​മ്പ്യ​ൻ​ഷി​പ്, ലോ​ക​ക​പ്പ്​ ഫു​ട്​​ബാ​ൾ എ​ന്നി​വ​ക്കു​പി​ന്നാ​ലെ ലോ​കോ​ത്ത​ര​മാ​യ മ​റ്റൊ​രു ചാ​മ്പ്യ​ൻ​ഷി​പ്​ കൂ​ടി ഫു​വൈ​രി​ത്തി​ലൂ​ടെ ഖ​ത്ത​റി​ൽ എ​ത്തു​ക​യാ​യി.