20 ഇന്ത്യൻ കലാകാരൻമാർ, 63 സൃഷ്​ടികൾ, പ്രദർശനം തുടങ്ങി

ദോഹ: ഖത്തർ^ഇന്ത്യ സാംസ്​കാരിക വർഷത്തി​​െൻറ ഭാഗമായി ഇന്ത്യൻ കലാകാരൻമാരുടെ 63 സൃഷ്​ടികളുടെ പ്രദർശനം തുടങ്ങി. 20 പ്രമുഖ കലാകാരൻമാരുടെ വിവിധ സൃഷ്​ടികളാണ്​ ഗേറ്റ്​ മാളിൽ ‘ഫൻഖാർ’ എന്ന പേരിൽ തുടങ്ങിയ പ്രദർശനത്തിൽ ഉള്ളത്​. കലാ കാരൻ എന്നാണ്​ ‘ഫൻഖാർ’ എന്ന ഉറുദു വാക്കി​​െൻറ അർഥം. ഇന്ത്യൻ സംസ്​കാരം, കല, പാരമ്പര്യം തുടങ്ങി ഇന്ത്യയുടെ വിവിധ മ േഖലകളെ സ്​പർശിക്കുന്നതാണ്​ അഞ്ചുദിവസം നീളുന്ന പ്രദർശനം. വിവിധ കലാസ​േങ്കതങ്ങൾ ഉപയോഗപ്പെടുത്തിയിട്ടുള്ള കലാസൃഷ്​ടികളും പെയിൻറിങുകളും കാണികളെ ഏറെ ആകർഷിക്കുന്നുണ്ട്​. സമകാലികവും ആധുനികവുമായ പ്രത്യേക ജ്യാമിതീയ ചിത്രരചനാസ​േങ്കതം പരിചയ​െപ്പടാനുള്ള അവസരം കുടിയാണ്​ പ്രദർശനം.

ഖത്തറിലെ ഇന്ത്യൻ എംബസിയുമായി സഹകരിച്ചാണ്​ പ്രദർശനം. രണ്ടുവർഷത്തോളം ഇതിനായുള്ള ശ്രമത്തിലായിരുന്നു സംഘാടകർ. എന്നാൽ ഖത്തർ^ഇന്ത്യ സാംസ്​കാരിക വർഷത്തി​​െൻറ ഭാഗമായി പ്രദർശനം ഉദ്​ഘാടനം ചെയ്യാനായത്​ ഇരട്ടിമധുരമായി. ഏറെ പ്രയത്​നത്തിനൊടുവിലാണ്​ പ്രദർശനം സംഘടിപ്പിക്കാനായതെന്ന്​ ഉദ്​ഘാടന ചടങ്ങിൽ ഇന്ത്യൻ അംബാസഡർ പി. കുമരൻ പറഞ്ഞു.ഫ്രാൻസിസ്​ ന്യുട്ടൺ സോസ, രാം കുമാർ, പരംജിത്ത്​ സിങ്​, ബദ്​രി നാരായൺ, കലാൽ ലക്ഷ്​മൺ ഗൗഡ്​, മനു പരേഖ്​, തൊറ്റ വൈകുണ്ഡം, ലാലു പ്രസാദ്​ ഷോ, റബിൻ ​മൊണ്ടാൽ, മിൽബൺ ചെറിയാൻ, ജി.ആർ. ഇറന്ന, രമേഷ്​ ​ഗൊർജാല, എച്ച്​.ആർ. ദാസ്​, ലക്ഷ്​മൺ എയ്​ലേ, ആഞ്ചനേയുലു ഗുണ്ടു, ലാൽബഹദൂർ സിങ്​, പത്​മാകർ സനാപെ, നാഗേഷ്​ ഗോഡ്​കേ, ഭാസ്​കർ റാവു, വിശാൽ ജോഷി എന്നിവരുടെ പെയിൻറിങുകളാണ് പ്രദർശനത്തിൽ ഉള്ളത്​.