'വെ​ള്ളി​യാ​ഴ്ച വൈ​ബി​ൽ' ഞാ​യ​റാ​ഴ്ച

ദു​ബൈ: അ​തി​വേ​ഗ​മാ​ണ്​ യു.​എ.​ഇ​യു​ടെ മാ​റ്റം. വാ​രാ​ന്ത്യ അ​വ​ധി മാ​റ്റം നി​ല​വി​ൽ വ​ന്ന്​ ര​ണ്ടാ​മ​ത്തെ ഞാ​യ​റാ​ഴ്ച​യാ​യ​പ്പോ​ൾ​ത​ന്നെ യു.​എ.​ഇ​യു​ടെ ഞാ​യ​റാ​ഴ്​​ച വൈ​ബ്​ മാ​റി​മ​റി​ഞ്ഞി​രി​ക്കു​ന്നു. ര​ണ്ടാ​ഴ്​​ച മു​മ്പ്​ വ​രെ വെ​ള്ളി​യാ​ഴ്ച എ​ങ്ങി​നെ​യാ​യി​രു​ന്നോ, അ​തു​പോ​ലെ​യാ​യി​രു​ന്നു ഞാ​യ​റാ​ഴ്ച യു.​എ.​ഇ​യി​ലെ ഗ്രാ​മ​ങ്ങ​ളും ന​ഗ​ര​ങ്ങ​ളും. മാ​റാ​ൻ മ​ടി​ച്ചു നി​ന്ന ഭൂ​രി​പ​ക്ഷം സ്വ​കാ​ര്യ സ്ഥാ​പ​ന​ങ്ങ​ളും ഇ​ന്ന​ലെ മു​ത​ൽ ഞാ​യ​റാ​ഴ്ച​യി​ലേ​ക്ക്​ ത​ങ്ങ​ളു​ടെ വാ​രാ​ന്ത്യ അ​വ​ധി ദി​നം മാ​റ്റി. പ​ക​രം, വെ​ള്ളി​യാ​ഴ്​​ച പ്ര​വൃ​ത്തി​ദി​ന​മാ​ക്കി മാ​റ്റി.

ക​ച്ച​ക​ളി​ലും മൈ​താ​ന​ങ്ങ​ളി​ലും ക്രി​ക്ക​റ്റും ഫു​ട്​​ബാ​ളും നി​റ​ഞ്ഞു​നി​ന്നി​രു​ന്ന​ത്​ വെ​ള്ളി​യാ​ഴ്ച​ക​ളി​ലാ​യി​രു​ന്നെ​ങ്കി​ൽ ഇ​ന്ന​ലെ മു​ത​ൽ അ​ത്​ ഞാ​യ​റാ​ഴ്ച​യി​ലേ​ക്ക്​ വ​ഴി​മാ​റി. രാ​വി​ലെ മു​ത​ൽ മ​ഴ​യാ​യി​രു​ന്നെ​ങ്കി​ലും ക്രി​ക്ക​റ്റ്​ മൈ​താ​ന​ങ്ങ​ളെ​ല്ലാം ക​ളി​ക്കാ​രെ കൊ​ണ്ട്​ നി​റ​ഞ്ഞു. ഞാ​യ​റാ​ഴ്ച​ക​ളി​ൽ ആ​ളൊ​ഴി​ഞ്ഞു​കി​ട​ന്ന പാ​ർ​ക്കു​ക​ളെ​ല്ലാം നി​റ​ഞ്ഞു ക​വി​ഞ്ഞു. റോ​ഡു​ക​ളി​ൽ വാ​ഹ​ന​ങ്ങ​ൾ കു​റ​വാ​യി​രു​ന്ന​തി​നാ​ൽ ഗ​താ​ഗ​ത​ക്കു​രു​ക്കും ഇ​ല്ലാ​യി​രു​ന്നു.

ബാ​ച്​​ല​ർ റൂ​മു​ക​ളി​ലെ വെ​ള്ളി​യാ​ഴ്ച ബി​രി​യാ​ണി​ക്ക്​ പ​ക​രം ഞാ​യ​റാ​ഴ്ച ബി​രി​യാ​ണി​യെ​ത്തി. നാ​ട്ടി​ലു​ള്ള​വ​രെ വി​ളി​ക്കാ​ൻ കൂ​ടു​ത​ൽ സ​മ​യം കി​ട്ടു​ന്നു എ​ന്നാ​ണ്​ ഒ​രു വി​ഭാ​ഗം പ്ര​വാ​സി​ക​ൾ അ​ഭി​പ്രാ​യ​പ്പെ​ട്ട​ത്. നാ​ട്ടി​ൽ ജോ​ലി​യു​ള്ള പ​ങ്കാ​ളി​ക​ൾ​ക്കും പ​ഠി​ക്കു​ന്ന മ​ക്ക​ൾ​ക്കു​മെ​ല്ലാം ഞാ​യ​റാ​ഴ്ച അ​വ​ധി ദി​ന​മാ​യ​തി​നാ​ൽ ത​ട​സ്സ​മി​ല്ലാ​തെ വീ​ടു​ക​ളി​ലേ​ക്ക്​ വി​ളി​ക്കാ​ൻ ക​ഴി​ഞ്ഞു എ​ന്ന സ​ന്തോ​ഷ​വും ചി​ല​ർ പ​ങ്കി​ട്ടു.

എ​ല്ലാം അ​തി​വേ​ഗം മാ​റ്റി​യെ​ടു​ക്കു​ന്ന യു.​എ.​ഇ​യു​ടെ വൈ​ഭ​വ​ത്തി‍െൻറ ഏ​റ്റ​വും പു​തി​യ ഉ​ദാ​ഹ​ര​ണ​മാ​യാ​ണ്​ ഈ ​മാ​റ്റ​ത്തെ വി​ശേ​ഷി​പ്പി​ക്കു​ന്ന​ത്. ​വെ​ള്ളി​യാ​ഴ്ച​ക​ളി​ൽ ടോ​ൾ ഫ്രീ​യാ​യി​രു​ന്ന ദു​ബൈ ആ​ൽ മ​ക്​​തൂം പാ​ല​ത്തി​ൽ ഇ​ന്ന​ലെ മു​ത​ൽ ഈ ​ആ​നു​കൂ​ല്യം ഞാ​യ​റാ​ഴ്ച​യി​ലേ​ക്ക്​ മാ​റ്റി. വെ​ള്ളി​യാ​ഴ്ച​ക​ളി​ൽ ​ഈ ​പാ​ലം വ​ഴി സ​ഞ്ച​രി​ക്ക​ണ​മെ​ങ്കി​ൽ ടോ​ൾ അ​ട​ക്കേ​ണ്ടി വ​രും. ഭൂ​രി​പ​ക്ഷം ഓ​ഫി​സു​ക​ളും ഇ​ന്ന​ലെ മു​ത​ലാ​ണ്​ ഞാ​യ​റാ​ഴ്ച അ​വ​ധി പ്രാ​ബ​ല്യ​ത്തി​ലാ​ക്കി​യ​ത്. മാ​ർ​ക്ക​റ്റി‍െൻറ ച​ല​നം എ​വി​ടേ​ക്ക്​ എ​ന്ന്​ നോ​ക്കി​യ ശേ​ഷം അ​ടു​ത്ത മാ​സ​ത്തോ​ടെ അ​വ​ധി മാ​റ്റം കൊ​ണ്ടു​വ​രാം എ​ന്ന്​ ക​രു​തി​യി​രു​ന്ന സ്ഥാ​പ​ന​ങ്ങ​ൾ പോ​ലും ഇ​ന്ന​ലെ ത​ന്നെ മാ​റി.